PHILIPPITE 3:11 - Thuhun Thah (BSI)

¹¹ Bangchi zawng aha beeh a misi lah apat thohkiitna ka tan theih khaahleh chi'n.

PHILIPPITE 3:11 Iomraidhean Croise

LUKE 14:14

Huchi'n na hampha diing hi; ajiahchu amahun ahung thuh zou sih diing va; midihtatte thohkiit chiangin thuh in na um diing hi, a chi hi.

JOHN 11:24

Martha in a kawmah, Ni tawpni a misite thoh kiit na ah a thou kiit diing chih chu ka he hi, a chi a.

SILBAWLTE 23:6

Hizongleh Paul in a keehkhat Sadukaite ahih va, a dang Pharisaite ahih uh a heet tahin, vaihawmtute lahah a kikoua, Mite leh unaute, kei chu Pharisai tapa, Pharisai ka hi; kinepna leh misi thohkiitna thu ah vaihawmsaha um ka hi, a chi a.

SILBAWLTE 26:7

Hu thuchiam chu, ka nam uh sawmlenih in suun leh jana Pathian na phatuamngaitaha tongin, muh a kinem uhi. Kumpipa Agrippa, hu kinepna jiahin Judate in ahung heeh uh ahi.

SILBAWLTE 27:12

Huleh phalbi huna umna diing a kuang khawlna mun a kizen louh jiahin a tamzaw in, hu a kipana kitawldoh a, Phoenicia tun teitei a, hutaha phalbi sung um a sawmta va; Phoenicia chu Krit gam a kuang khawlmun khat ahi a, sim tumlam leh maal tumlam ngat tuaah ahi.

ROMETE 11:14

Bangchizawng ahakhat a ka chipihte ka thangsiatsah a, a lahva khenkhatte beeh ka hutdam theih khaah leh chi'n.

KORINTHTE I 15:23

Hizongleh mi chin amah hun chiat ah; Khrist chu gah masapen ahi a; hunung chiangin ahung kiitna ah Khrist a te ahi diing uh.

KORINTHTE I 9:22

Mi haatloute ka laahluut theihna diingin, mi haatloute kawmah haat lou bangin ka um hi; bangchizawng aha a mi khenkhat beeh ka hutdam theihna diingin mi zousiah kawmah sil bangkimin ka kibawl hi.

KORINTHTE I 9:27

Hizongleh ka sapum ka sawi a, ka thu nuaiah ka koih hi; huchilouin chu midangte kawma tanchinpha ka soi zoh nungin keimah houh paihkhiah in ka umkha diing hi.

KORINTHTE II 11:3

Hizongleh guul in a doha a Evi a heem bangin, Khrist a tahna leh siangthouna apat bangchi ahakhat in na lungsim uh suhsiatin a umkha diing ka lauthawng hi.

THESSALONIKATE I 3:5

Hi jiahin ka thuaah zoh nawn louh phetin, heemtu’n nanguh ahung heempuuhkha diing a, ka tohgimna uh a thawnkha diing chi'n na gindan uh he diingin mi ka hung sawl hi.

THESSALONIKATE II 2:3

Koima’n bangmahin hung heem sih heh; ajiahchu puuhsaanna tah ahung tun masat a, sualna mipa, mangthai tapa ngei ahung kilat phot louhleh hu ni chu hung tung lou diing ahi;

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

HEBRAITE 11:35

Numeite’n a misi uh thou kiit a mu va; mi dangte zong gimthuaahsah in a um va, thohkiitna hoihzaw a muhna diingun, hutkhiahna a deih sih uhi.

THUPHUANDOH 20:5

Hizongleh misi dangte chu kum saang khat a bei masiah a hing kiit sih uhi. Hichu thohkiitna masapen ahi.