PHILIPPITE 3:10 - Thuhun Thah (BSI)

¹⁰ Huchia, a sihna toh kituaahtou jel a, amah leh, a thohkiitna silbawltheihna leh, a gimthuaahna kikoppihna bang ka heet theihna diingin.

PHILIPPITE 3:10 Iomraidhean Croise

MATTHAI 20:23

Huin ama’n a kawmvah, Ka dawn diing nou chu na dawn ngei diing va, ka baptisma tan diing zong na tang ngei diing uhi; hizongleh ka jiatlam leh ka veilam a tousah diing thu chu keimah piah diing ahi sih hi, ka Pa’n a bawlsahte kawmah piah ahi diing, a chi a.

JOHN 10:18

Koima’n ahung laahsah ahi sih a, ka thuin ka pia ahi zaw hi. Piah theihna leh laah kiit theihna thu ka nei hi. Hi thupiah ka Pa apat ka muta hi, a chi a.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

ROMETE 8:17

Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

ROMETE 8:29

Ajiahchu a heetlawhte chu amah tapa banga um diingin a guatlawh a; a tapa chu unau tampite laha ta masapen ahung hihtheihna diingin.

ROMETE 8:36

Nangmah jiahin nitum in thahin ka um uh; goh diing belaamte banga ngaih ka hi uh, chia gelh bangin.

KORINTHTE II 1:10

Ama’n chu huchituha sihna nasatah lah apat ahung hundohta a, huleh ahung hundoh zinga; huleh ahung hundoh nalai diing chi'n amah ah ka kinem uhi.

KORINTHTE II 1:5

Ajiahchu Khrist thuaahgimnate ka tungva a dimlet bangin, Khrist jiahin ka kihehnepna uh zong a dimlet hi.

KORINTHTE II 13:4

Bang jiahin ahiai i chih leh haatlouhna jalin kilhbeh in um mahleh, Pathian silbawltheihna in a hing zing ahi. Ajiahchu keiuh zong amah ah haat lou ka hi va, hizongleh Pathian silbawltheihna in nanguh lamah amah toh ka hingkhawm diing uhi.

GALATIATE 2:20

Khrist toh kilhbeh in ka um hi; hizongleh ka hing ahi; keimah hing hi nawn louin, Khrist keimah ah a hing ahi zaw hi; huleh tu a tahsa a ka hin chu, ahung lungsiat a ka luang a kipepa Pathian tapa ginna a hing ka hi.

GALATIATE 6:17

Tua kipanin koima’n hung subuai nawn sih heh, ajiahchu ka tahsa ah Lalpa Jesu chiamtehna ka pua hi.

EPHESITE 4:13

Ginna leh Pathian tapa heetna lama kithutuaah a, piching a, Khrist taangchinna dungtan i phaah chiat masiah uh;

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

KOLOSSITE 1:24

Nanguh diinga ka gimthuaah ah tuin ka kipaah hi, huleh Khrist gimthuaah baan chu a tahsa jiahin ka sa ah ka sunzom jel hi, hu tahsa chu kouhtuam ahi.

KOLOSSITE 2:13

Huleh nanguh, na sualnate uleh na tahsa va zehtanlouhna jiah a si chu, na bohsiatna zousiah uh hung ngaidam in, ama’n amah toh ahung suhingkhawmta hi;

KOLOSSITE 3:1

Huchi'n Khrist toh kaihthoh khawm na hih taah uleh, tunglam a Pathian jiatlama tou Khrist umna a sil umte chu hawl un.

PETER I 1:3

Misi laha kipana Jesu Khrist thohkiitna jiaha a khotuahna loupitah dungjui a kinepna hing tang diing a eiuh hung hingkhe kiitpa Pathian leh i Lalpa uh Jesu Khrist Pa chu phat in um hen,

PETER II 1:13

Ahi, hi bawhinn a ka um sung teng nanguh hung heetpih in hung tohhalh zing hoih ka sa hi;

JOHN I 2:3

Huleh a thupiahte i juih a ahihleh, hikhu in amah i he chih i he uhi.

JOHN I 2:5

Hizongleh a thu jui photmah chu, amah ah Pathian lungsiatna a bukim tahzet ahi; hikhuin amah ah i um chih i he hi.

THUPHUANDOH 1:18

A hing zingpa chu ka hi; huleh ka si a, hizongleh ngai in, kumtuang in ka hing ahi, Amen; huleh misikhua leh sihna chabite ka nei hi.