PHILIPPITE 2:9 - Thuhun Thah (BSI)

⁹ Huchihjiahin Pathian in zong amah chu nasatah in a tawisangta a, min lahlah a min tungnungpen a peta hi;

PHILIPPITE 2:9 Iomraidhean Croise

MATTHAI 11:27

Ka pa’n sil zousiah ka kawmah ahung pekheta hi; huleh, Pa lou in koima’n Tapa chu a he sih uh; huleh Tapa leh, Tapa’n a kawma a phuan nuamnate chihlouh in koima'n Pa a he sih hi.

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

LUKE 10:22

Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

JOHN 13:3

Jesu’n Pain sil bangkim a khutah a peta chih leh, Pathian a kipana hunga, Pathian kawma chiah kiit diing a hihdan he in,

JOHN 17:11

Tuin kei khovel ah ka um nawn sih diing, hizongleh hite khovel ah a um diing uh, kei na kawmah hung diing ka hi. Pa Siangthou, ei pumkhat i hih mahbanga amah u’zong pumkhat ahihtheihna diingun, nang na hung piahte na minin kem in.

JOHN 17:12

Khovel a amahuh toh ka um sungin na minin Amahuh ka kema, Pathian lehkhathu a taangtun theihna diingin mangthang tapa loungal khatbeeh a mangthang sih uh.

JOHN 17:5

Tuin Aw Pa, khovel um ma a na kawma ka neih paahtawina in nangmah kawm ngeiah hung paahtawi in.

SILBAWLTE 5:31

Amah ngei chu Pathian in Kumpipa leh Hundampa a um diingin a jiatlam ah a hihlianta a, Israelte kawma kisiih a lungheina leh sual ngaihdamna pe diingin.

EPHESITE 1:10

Hunbi khenna kim ahung hun chiang a amah ngei a vaan a sil umte leh, leitung a sil umte a bawna Khrist a khata a suhtuahkhawmna diingin,

KOLOSSITE 1:18

Amah chu tahsa, chihchu, kouhtuam lutang ahi; sil bangkim a masapen hihna mun a tan theihna diingin, bulpipen, misi laha kipana piang masapen ahi.

THESSALONIKATE II 1:12

I Pathian uleh Lalpa Jesu Khrist hehpihna dungjui a, i Lalpa uh Jesu min chu nanguh a, huleh nanguh amah a suhloupia a um theihna diingin.

HEBRAITE 1:4

Angelte sang a minpha zaw a muh bang ngei in, amahuh sanga hoihzaw mahmah a siam ana hita him hi.

HEBRAITE 1:9

Nangma'n dihtatna na deih a, giitlouhna na hua hi; hujiahin Pathian, na Pathian ngei in nang chu na lawite tung daihah kipaahna thau ahung nuhta hi.

HEBRAITE 12:2

I ginna siamtu leh subukimtu Jesu lam en in; ama’n chu a ma a um kipaahna jiahin zumnate zong poisa lou in, kros a gimna a thuaah a, Pathian laltouphah jiatlam ah a va touta hi.

HEBRAITE 2:9

Hizongleh Jesu chu, Pathian hehpihna jiaha michin a diinga sihna a chep theihna diing a, sihna thuaahna diing jiah a angelte sanga themkhat nuaizaw a bawl a um a, loupina leh paahtawina khuhsah a um in i mu zaw uhi.

PETER I 3:22

Amah chu vaan ah a chiahta a, angelte leh thuneihnate leh silbawltheihnate a thunuai a koih in Pathian jiatlamah a umta hi.

PETER II 1:17

Ajiahchu ama’n chu Pa, Pathian kawma kipatin paahtawina leh loupina a mu a, huchihlaiin loupina nasatah apatin hichibang aw a kawmah ahung tung a, Hichu ka Tapa deihtah, ka kipaahna mahmah ahi, chi'n.

JOHN III 1:7

A min jiaha Jentelte kawma bangmah la lou a chiahdoh ahihjiahun.

THUPHUANDOH 1:5

Huleh heetpihtu ginum, misi laha piang masapen leh, leia kumpipate vaihawmtu Jesu Khrist a kipan, hehpihna leh hamuanna na kawmvah um hen. Amah ei hung lungsiat a, i sualna apat amah ngei sisana hung silsiangtu leh,

THUPHUANDOH 11:15

Huleh angel sagihna in a muut a; vaan ah aw ngaihtah a ging a, khovel lalgamte chu i Lalpa uleh a Khrist lalgam ahung hita; amah chu kumtuang kumtuang in lal in a tou diing hi, chi'n.

THUPHUANDOH 19:16

Huleh ama’n a puan tung leh a malpi tungah KUMPIPATE KUMPIPA, LALPATE LALPA chia kigial min a nei hi.

THUPHUANDOH 3:21

A gualzoupa chu ka kawmah ka laltouphah ah ka tousah diing, kei zong ka gualzoh a, ka Pa toh a laltouphaha ka tou mahbangin.

THUPHUANDOH 5:12

Thah a um Belaamnou chu thuneihnate, hauhsatnate, pilnate, thahaatnate, paahtawinate, loupinate leh vangpiahnate tangtaah ahi, chia aw ngaihtaha kikou in.