PHILIPPITE 2:6 - Thuhun Thah (BSI)

⁶ Amah chu Pathian bang a um hiin, Pathian toh kibang a um chu sil khiahlahhuai in a ngaihtuah sih a;

PHILIPPITE 2:6 Iomraidhean Croise

MATTHAI 1:23

Ngai un, nungaah siangthou a gaai diing a, tapa a nei diing a, a min Immanuel a chi diing uh, huchu i kawmah Pathian a um chihna ahi."

JOHN 1:18

Kuama’n bangchihmahin Pathian a mu ngei sih; Tapa tang neihsun, Pa aangsunga umpa, amahin a tanchin a phuangta hi, chi in.

JOHN 10:30

Kei leh ka Pa khat ka hi uh, a chi a.

JOHN 10:33

Judate’n a dawng va, Natoh hoih jiahin suang in seh ka hung tum uh ahi sih a; hizongleh Pathian na soisiat jiah leh, nang mihing hi ngal a, Pathian banga na kibawl jiahin ahi zaw, a chi uh.

JOHN 10:38

Hizongleh ka toh a ahihleh, kei hung gingta sih mah zong leh u’chin natohte beeh gingta un; Pa keimah ah a um a, kei amah ah ka uhi chih na heet va, na gintaat theihna diingun, a chi a.

JOHN 14:28

Ka chiahmang diing a, na kawmvah ka hung kiit diing, chia na kawmva ka soi na zata uh. Kei na hung lungsiat unchu Pa kawmah ka chiah diing ka chih jiahin na nuam diing uh; ajiahchu ka Pa kei sangin a lianzaw hi.

JOHN 14:9

Jesu’n a kawmah, Hitanveipi na kawmah ka um a, huchi'n zong na hung he nai sih maw, Philip? koipouh kei hung muin Pa a mu ahi; bangchidan a, Pa chu kei uh hung musah in, na chih ahiai mah?

JOHN 17:5

Tuin Aw Pa, khovel um ma a na kawma ka neih paahtawina in nangmah kawm ngeiah hung paahtawi in.

JOHN 20:28

Thoma’n a dawng a, a kawmah, Ka Lalpa leh ka Pathian, a chi a.

JOHN 5:18

Huchi'n Judate’n amah chu thah a tum sem va, ama’n khawlni a bohsiat chauh hilou a, Pathian ka Pa ahi a chi a, Pathian toh kibanga a kibawl jiahin.

JOHN 5:23

Pa a zahbawl bang va mi zousiah in Tapa zong a zahbawl na diingun. Koipouh Tapa zahbawl lou in Pa amah sawlpa zong a zahbawl lou ahi.

ROMETE 9:5

Pulepate amahuh a ahi a, huleh tahsalam thu ah Khrist zong amahuh laha kipana hung pawt ahi; amah chu sil zousiah tunga um, kumtuanga paahtawi taah Pathian ahi. Amen.

KORINTHTE II 4:4

Pathian lim batpih, Khrist tanchinpha loupina vaahin amahuh a salhvaah theih louhna diingin, hute ah hi khovel Pathian in a gingta loute lungsim a suhmialsahta hi.

KORINTHTE II 8:9

Ajiahchu i Lalpa uh Jesu Khrist hehpihna chu na he uh; a gentheihna jiaha na hung hauhsat theihna diingun, amah chu hausa mah zongleh, nang u’ jiahin ahung gentheita hi.

TIMOTHI I 1:17

Tuin kumtuang kumpipa si thei lou, muhtheihlouh, Pathian pil chauh kawmah zahna leh loupina um zingta hen. Amen.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

TITA 2:13

Hu kinepna kilawphuaitah, Pathian loupi leh i Hundampa uh Jesu Khrist hung kilatna diing loupitah chu ngaah in i um diing uh ahi chih ahung hilh hi;

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.

HEBRAITE 1:6

Hulezong, ta masapen khovel a ahung puiluut laiin, Pathian angelte zousiah in amah bia u’heh, a chi hi.

HEBRAITE 1:8

Hizongleh Tapa tungtaang thu chu hichi'n a soi hi, Aw Pathian, na laltouphah chu kumtuang kumtuang in a um diing hi; dihtatna lalchiang zong na gam lalchiang ahi.

HEBRAITE 13:8

Jesu Khrist chu jan ni toh, tuni toh, huleh kumtuang in a ngeimah ahi.

THUPHUANDOH 21:6

Huleh ama’n ka kawmah, bawl zoh ahita. Kei Alpha leh Omega, abul leh atawp ka hi. Dangtaah photmah kawmah hinna tui luikhuuh a, a thawn in ka pe diing hi.