Nazareth Jesu tungtaang thu, Pathian in Amah chu Hagau Siangthou leh silbawltheihna a, a thopdan; Amah chu mi tunga silhoih bawl leh diabol suhduhdah zousiah sudam in a vaah leh a; Pathian a kawma a um jiahin.
Bangkim ka bawl taphot na juih diingun ka hung ensah vehta hi, huchibanga tonggim leh Lalpa Jesu thu he zing kawmin mi haatloute na panpih diing uh ahi; Amah ngei in, 'Laah sangin, piah hi vangpiahna sangzaw ahi,' a chih khuh, a chi a.
Hizongleh na bangkhat neeh jiaha na unau lungsim a nat inchu lungsiatna daan in na gamta lou ahi. A sih luang a Khrist in a sihsahpa chu na bangkhat neehin sumang sin.
Keimah phattuamna diing hawl loua, hutdam ahihtheihna diing va mi tampite phattuamna diing hawl zaw a, sil zousiaha mi chinteng ka kipaahsah bang mahin.
Huchibang hih diing a kouhna hi ngal va; ajiahchu Khrist in zong a khaap a na juih diing uh, etton diing hung nuutsiat in eiuh luang in ana thuaahta hi.
Huchi'n eiuh diinga Khrist in tahsa a hung thuaahsahta ahihjiahin nanguh zong huchibang lungsim in kithuam un; ajiahchu koipouh tahsa a thuaahsa in chu sual a tawpsanta hi;