PHILIPPITE 2:3 - Thuhun Thah (BSI)

³ Kinialna aha, ahihlouhleh kiloupisahna jiah aha in bangmah bawl hi sih heh; hizongleh lungsim ngiamtahin mi chinin amah sangin midang hoihzaw in ngai chiat heh.

PHILIPPITE 2:3 Iomraidhean Croise

LUKE 18:14

Ka hung hilh ahi, khatpen sangin hipa chu siamtang in a inn ah a chiahsuhta hi; ajiahchu mi amah kingailoupi photmah a ngiam diing a; huleh mi amah kingaingiam photmah chu tawisangin a um diing, a chi a.

ROMETE 12:10

Unau kilungsiatna in khat leh khat kilainattuah chiat unla; kizahbawlna lamah kideihsahtuah chiat un;

ROMETE 13:13

Suuna um bangin dihtahin i um diingun; huhel leh zukham buai a um louin, huuh leh kingaihhaat a um louin, huleh kihau leh kithangsiat a um louin.

ROMETE 2:8

Hizongleh soihah a, thutah jui loua, dihtatlouhna juizote tungah chu hehnate leh lungthahnate a um diing,

KORINTHTE I 15:9

Ajiahchu sawllehte laha a neupen ka hi a, Pathian kouhtuam ka sawih jiahin sawlleh minvoh taah zong ka hi sih hi.

KORINTHTE I 3:3

Ajiahchu nanguh na tahsami nalai uhi; bang jiahin ahiai i chih leh na lahva kithangsiatna leh, kinialna leh, kipawlkhenna a um zing jiahin tahsami hi nalaiin, mihing bang a um nalai hilou na hi u'maw?

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

GALATIATE 5:15

Hizongleh na kikeih va, na kineehtuah uleh na kisuhmang louhna diingun pilvaang un.

GALATIATE 5:26

Khat leh khat kilang leh kithangsiat a um louin, a mawh a kiloupisah i tum sih diing uhi.

EPHESITE 4:2

Kingaihngiamna leh thunuaigolhna zousiah, thuaahtheihna toh, lungsiatna a kithuahzoutuah chiat in;

EPHESITE 5:21

Pathian laudan siamna ah khat leh khat kituluuttuah chiat un.

PHILIPPITE 2:14

Sil zousiah phun lou leh nial lou in bawl un.

KOLOSSITE 3:12

Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

KOLOSSITE 3:8

Hizongleh tuin chu nangun zong lungthahnate, thangtawmnate, huatnate, soisiatnate, houlimna thanghuaite, hihaw zousiah na kam vapat koihmang un.

TIMOTHI I 6:4

Amah chu a kisathei ahi a, bangmah he lou ahi; heet malah in kinial leh thukalh lamah a ngol zota hi; huchibanga kipanin thangsiatna, kinialna, daalna, kiginmohna hoihloute,

PETER I 3:8

A tawppen in, khat leh khat kilainattuah in, lungsim mun khat pua unla, hehpih siam unla, lungnem un;

PETER I 5:5

Huchimahbangin nanguh khanglaite, upate nuaiah kituluut un. Ahi, na bawnun khat leh khat kithumangtuah chiat unla, kingaihngiamna in kithuam un; ajiahchu Pathian in mi kiliansahte a doudaal a, mi kingaingiamte chu hehpihna a pia hi.