PHILIPPITE 2:13 - Thuhun Thah (BSI)

¹³ Ajiahchu, amah lungdeihlam bawl diinga nanguh hung utsahtu leh hung tongsah diing a bawltu chu Pathian ahi hi.

PHILIPPITE 2:13 Iomraidhean Croise

LUKE 12:32

Pawl tawmte, lau sih un; bang jiahin i chih leh na kawmva lalgam piah chu na Pa uh kipaahna zawngtah ahi.

LUKE 2:14

Tungnungpen ah Pathian loupitahin um henla, leitung a a kipaahpih mihingte lahah lemthu leeng heh, chi'n.

JOHN 3:27

John in a dawng a, Vaana kipana piah ahihlouhleh mihingin bangmah a nei thei sih,

JOHN 6:45

Zawlneite lehkhabu ah, Pathian hilhin a um veh diing uh, chih gelh ahi. Hujiahin michin Pa thu ja a, he photmah ka kawmah ahung veu hi.

JOHN 6:65

Huleh ama’n, Hujiahin ahi, Ka Pa’n ahung piah louhleh koimah ka kawmah ahung thei sih, chia na kawmva ka soi, a chi a.

SILBAWLTE 11:21

Huleh Lalpa khut in amahuh a panpih a, huleh, mi tamtah in a gingta va, Lalpa lam ahung ngatta uhi.

ROMETE 12:3

Bang jiahin ahiai i chih leh ka kawma hung kipia hehpihna jalin, na lahva mi koimah in a kingaihsang diing huntawh val a kingaisang lou in, himahleh Pathian in mi chin kawma ginna a piah hun bang jel a dihtaha ngaihtuah zaw diingin ka chi ahi.

ROMETE 9:11

Naupangte chu piang nailou in, silhoih leh silsia zong bawl nailou in, teel lam thu a Pathian thuguat a det theihna diingin, silbawl jiah hi lou a, a koutu deih jiah hizaw in;

ROMETE 9:16

Huchi'n a deihpa jiahin ahi sih a, a taipa jiahin zong ahi diah sih, hizongleh a khotuahtu Pathian jiahin ahi zaw hi.

KORINTHTE I 12:6

Huleh natohdan tuamtuam a um a, hizongleh bangkim a bangkim bawltu Pathian khat ahi.

KORINTHTE I 15:10

Hizongleh Pathian hehpihna jiahin ka hihhih diing ka hita; huleh a hehpihna hung piah chu a thawnin a um sih a; hizongleh amahuh haw zousiah sangin ka tonggim zaw hi; ahiinlah kei toh ahi sih a, Pathian hehpihna ka kawma um in a tong zaw ahi.

KORINTHTE II 3:5

Bang sil ahakhat keiuh apat ahi chi diingin keiuh chauhin ka chin sih va; ka chinna u’chu Pathian a kuan ahi zaw hi.

EPHESITE 1:11

Amah lunggel bang jel a sil zousiah bawlpa tup banga guatlawhsa hi in, amah ah gouluah diing a siam i hi uhi.

EPHESITE 1:5

Amah lungguat leh deihzawng bangin, Jesu Khrist jiaha amah a diinga ta a bawl diingin ahung na guatlawhta hi,

EPHESITE 1:9

Ama’n a lungdeihzawng a amah a bawl a tup bangin a lungguat thuguuh i kawma hung hesah in;

EPHESITE 2:8

Ajiahchu hehpihna a ginna jala hutdam na hi uh; hu zong nanguh a suaah ahi sih a; Pathian silthawnpiah ahi;

THESSALONIKATE II 1:11

Hujiahin i Pathian un nang u’chu ahung kouhna toh kiphutawh mawng ahung sah theihna diing leh, hoih utna zousiah leh ginna natoh zousiah a silbawltheihna toh ahung buchinsah theihna diingin, nanguh diingin zong ka haamtei ngiitngeet uhi.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

HEBRAITE 13:21

Jesu Khrist jala a mitmuh a, a deihzawng photmah bawl diingin sil hoih chinteng ah nanguh hung subukim hen; amah kawmah loupina kumtuang kumtuang in umta hen. Amen.

PETER I 1:3

Misi laha kipana Jesu Khrist thohkiitna jiaha a khotuahna loupitah dungjui a kinepna hing tang diing a eiuh hung hingkhe kiitpa Pathian leh i Lalpa uh Jesu Khrist Pa chu phat in um hen,