PHILIPPITE 2:11 - Thuhun Thah (BSI)

¹¹ Lei chinteng in, Jesu Khrist chu Pa Pathian loupina diinga Lalpa ahi chih a phuan theihna diingun.

PHILIPPITE 2:11 Iomraidhean Croise

MATTHAI 10:32

Hujiahin koipouh mite ma a hung gum chu, ke'n zong vaan a ka Pa ma ah amah ka gum diing hi.

LUKE 2:11

Ajiahchu tuniin nanguh diingin David khua ah. Hundampa a piangta, Khrist Lalpa chu.

JOHN 12:42

Ahihvangin vaihawmtu lamkaite lahah zong tampiin amah a gingta va, hizongleh Pharisaite jiahin amah a soiphuang ngam sih uh, huchilouin chu kikhopna inn apat nohdohin a umkha diing uhi.

JOHN 13:13

Nangun kei chu, Houtupa leh Lalpa, na hung chi va, na hung chi dih ngei uh, ajiahchu ka hi him hi.

JOHN 13:14

Huchia kei na Lalpa uleh Houtupaun bawn na keeng uh ka sila ahihleh nanguh zong khat leh khat keeng na kisilsah diing uh ahi.

JOHN 14:13

Huleh ka min a na nget photmah uh huchu ka bawl diing, Pa Tapa a paahtawia a um theihna diing in.

JOHN 14:23

Jesu’n a dawng a, a kawmah, Mi koipouh in ahung lungsiat leh ka thu a jui diing; huleh ka Pa’n amah a lungsiat diing a, a kawmah ka hung diing va, amah toh ka umkhawm zing diing uh.

JOHN 17:1

Hi thute Jesu’n a soi a, huleh vaanlam ngain a daah a, Pa, ahun a tungta, na Tapa paahtawi in, na Tapa’n zong Nangmah ahung paahtawi theihna diingin.

JOHN 20:28

Thoma’n a dawng a, a kawmah, Ka Lalpa leh ka Pathian, a chi a.

JOHN 5:23

Pa a zahbawl bang va mi zousiah in Tapa zong a zahbawl na diingun. Koipouh Tapa zahbawl lou in Pa amah sawlpa zong a zahbawl lou ahi.

JOHN 9:22

Hi thute a nulepate’n Judate a lau jiahun a soi uhi; ajiahchu Judate’n ma apat in, Amah chu Khrist ahi, chia phuang a umleh kikhopna inn apat nohdoh diing chi'n thu ana lemsahta uhi.

SILBAWLTE 10:36

Pathian in hamuanna thu Jesu Khrist mina soi a, Israel haahte kawma a thu thot chu, (Jesu chu mi zousiah Lalpa ahi).

SILBAWLTE 2:36

Hujiahin, Jesu na kilhbeh ngei uh chu Pathian in Lalpa leh Khrist hikhawm in a bawlta chih, Israel nam zousiah in chiantahin he uheh, a chi hi.

ROMETE 14:11

Bang jiahin ahiai i chih leh Lalpa’n, Mi zousiah ka ma ah a kuun diing a, lei chinteng zong Pathian kawmah a kiphuang diing uh, chi'n ka chiam hi, a chi; chin gelh ahi.

ROMETE 14:9

Bang jiahin ahiai i chih leh misite leh mihingte Lalpa ahihtheihna diingin Khrist chu a si a, a thou kiit a, huleh suhhing in a um ahi.

ROMETE 15:9

A khotuahna jiaha Jentelte’n Pathian a paahtawi theihna diingun; Hikhu jiahin Jentelte lahah ka hung paahtawi diing a, na min phatin la ka sa diing hi, chih gelh bangin.

KORINTHTE I 12:3

Hujiahin kuama’n Pathian Hagau a thu soi in, Jesu chu haamsethuaah ahi, a chi ngei sih hi; huleh kuama’n Hagau Siangthou louin Jesu chu Lalpa ahi, a chih thei ngei sih hi, chih ka hung hesah hi.

KORINTHTE I 15:47

Mihing masa chu lei a siam, leimi ahi a; mihing nihna chu vaan a kuan Lalpa ahi.

KORINTHTE I 8:6

Eiuh diingin chu Pathian khat chauh, Pa chu a um a, amah a kuanin sil zousiah a um a, ei u’zong amah a um i hi uhi; huleh Lalpa khat chauh, Jesu Khrist a um hi, amah jiahin sil zousiah a um a, ei u’zong amah jiah a um i hi uhi.

PETER I 1:21

Amah jiahin misi laha kipana amah kaithoupa leh loupina pepa Pathian na gingta uhi; na ginna uleh na kinepna uh Pathian a ahih theihna diingin.

JOHN I 4:15

Mi koipouh Jesu Pathian Tapa ahi chih gum taphot chu Pathian amah ah a um, amah zong Pathian ah a um hi.

JOHN I 4:2

Hikhuah Pathian Hagau na he diing uh: Jesu Khrist tahsa in ahung piang chih gum hagau photmah chu Pathian a kuan ahi.

JOHN II 1:7

Bang jiahin ahiai i chih leh, Jesu Khrist tahsa in ahung chih gum lou heemtu tampi khovel ah a umdohta hi. Hutobang mi chu heemtu leh Khrist doudaaltu ahi.

THUPHUANDOH 3:5

A gualzoupa chu huchimahin puan vaam silhsah ahi diing a; huleh a min chu hinna lehkhabu apat ka nawtmang sih diing, hizongleh ka Pa ma leh, a angelte ma ah a min ka gum diing hi.