PHILIPPITE 2:1 - Thuhun Thah (BSI)

¹ Hujiahin Khrist a kihehnepna bang, kilungsiatna hamuanna bang, Hagau a kipawlkhawmna bang, huleh kilainatna leh kikhotuahna bang a um leh,

PHILIPPITE 2:1 Iomraidhean Croise

LUKE 2:25

Huleh ngai in, Jerusalem ah pasal khat a min Simeon kichi a um a; amah chu midihtat leh Pathian ngaihsahtah ahi a, Israelte hamuanna diing chu a ngaah zing a; huleh Hagau Siangthou a tungah a um hi.

JOHN 14:18

Ha muanna beiin ka hung nuse sih diing; na kawmvah ka hung diing hi.

JOHN 14:27

Ha muanna ka hung nuutsiat hi, keimah hamuanna ka hung pia hi; khovel in a piah bangin ke'n nanguh ka hung pe sih. Na lungtang uh mangbangsah sih unla, lau zong lausah sih un.

JOHN 17:13

Huin na kawmah hung diing ka hita; huleh amah va ka kipaahna a bukim theihna diingin hi silte khovel ah ka soi ahi.

SILBAWLTE 2:46

Huleh, ni chinin lungsim munkhat in Pathian biahinn ah phatuamngaitahin a um jel va, a inn lam haw vah zong tanghou balkeeh in kipaahtah leh lungkimtahin a an uh a ne jel uh,

SILBAWLTE 4:32

Huleh, a gingta mipite chu, lungsim munkhat leh ngaihtuah munkhat in awm va; a lahva khat in zong a sil neih chu kei a tuam ahi, a chi sih a; sil zousiah a kikop jel zaw uhi.

ROMETE 5:5

Huleh kinepna in chu a zahtasah sih; ajiahchu hu Hagau Siangthou i kawma ahung piahin Pathian lungsiatna i lungtang vah a leihleetta hi.

ROMETE 8:26

Hutobangmahin, Hagau in i haatlouhnate a panpih jel hi; ajiahchu bangchi banga haamtei diing i hiai chih i he sih a; hizongleh Hagau in thuumna soi guallouhin ahung ngetsah zing hi.

KORINTHTE I 12:13

Ajiahchu eiuh Judate hiin, Jentelte hitalei, suaah hiin, suaahlou hilei, i bawnun sapumkhat a um diingin Hagau khat a baptis in i um uhi; huleh i bawnun Hagau khat mah dawnsah in i umta uhi.

KORINTHTE I 15:31

Jesu Khrist i Lalpa u’a ka hung suanna sial in, Nitengin ka si, chih hahtahin ka soi ahi.

KORINTHTE I 3:16

Pathian inn na hi va, huleh na sungvah Pathian Hagau a teeng chih he lou na hi viai mah?

KORINTHTE II 13:14

Lalpa Jesu Khrist hehpihna leh, Pathian lungsiatna leh, Hagau Siangthou kipawlpihna na bawnva tungah umta hen. Amen.

KORINTHTE II 2:14

Himahleh Khrist a gualzohna hung pe zingtu leh, keiuh zang a mun chin a amah heetna gimnamtui phuangdohtu Pathian kawmah kipaahthu um heh.

GALATIATE 4:6

Huleh ta na hih jiahun Pathian in a Tapa Hagau chu, Abba, Pa, chia kikou in na lungtang vah ahung sawlkheta hi.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

EPHESITE 4:4

Kouh a na umna pen uh kinepna, mun khat a kouh na hih bangmah un, sapumkhat leh Hagau khat,

PHILIPPITE 1:8

Ajiahchu, Jesu Khrist lainatna in nanguh na bawnun ka hung ngai mahmah chih Pathian ahung heetpihtu ahi.

PHILIPPITE 3:3

Ajiahchu ei u’chu hagau a Pathian bia zehtante i hi a, huleh Khrist Jesu ah i nuam mahmah a, tahsa ah chu suan diing i nei sih hi.

KOLOSSITE 2:2

Pathian leh, Pa leh, Khrist thuguuh hedoh diing a heetsiamna kichiantah hauhsatna zousiah lama lungsiatna a khuikhawma a um va, a lungtangte uh hamuangtah a, a um theihna diingin.

KOLOSSITE 3:12

Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

HEBRAITE 6:18

Huchu Pathian zuauthei ahih louhna kihengkiit thei lou sil nihte jiaha, eiuh kihumbitna diinga i ma a kinepna kikoih tu diinga taite’n hasotna nasatah i neihna diingun ahi.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

JOHN I 3:24

Huleh mi koipouh a thupiah jui chu Amah ah a um a, Amah zong amah ah a um hi. Huleh hikhu ah amah chu eiuh ah a um zing chih i he uh, Hagau ahung piah ah.

JOHN I 4:12

Mi koimah in bangchihmahin Pathian a mu ngei sih hi. Eihaw khat leh khat i kilungsiat leh Pathian eimah ah a um zing a, a lungsiatna zong eimah ah a bukim ahi.

JOHN I 4:16

Huleh i tunga Pathian in lungsiatna a neih chu i he va, ging zong i gingta uhi. Pathian chu lungsiatna ahi; koipouh lungsiatna a um chu Pathian ah a um a, Pathian zong amah ah a um hi.