PHILIPPITE 1:15 - Thuhun Thah (BSI)

¹⁵ Khenkhatte’n chu thangsiatna leh kinialna jiahin Khrist a taangkoupih va; huleh khenkhatte’n deihsahna jiahin zong a soi uh;

PHILIPPITE 1:15 Iomraidhean Croise

MATTHAI 23:5

Amahun a bawl zousiah uh chu mi muh diing a bawl ahi uh; a sil buh uleh khipte uh a sulian va, a puan mongte uh a tualsah uh;

SILBAWLTE 10:36

Pathian in hamuanna thu Jesu Khrist mina soi a, Israel haahte kawma a thu thot chu, (Jesu chu mi zousiah Lalpa ahi).

SILBAWLTE 11:20

Hizongleh a lahva khenkhat chu Cyprus gam leh Cyrene khua a mite ahi va, hu mite’n Antiok khua a tunun Grikte zong a houpih va, Lalpa Jesu Tanchinpha a hilhta uhi.

SILBAWLTE 5:42

Huleh, ni chinin Pathian biahinn leh inn chinah Jesu chu Khrist ahi chia thu hilh leh soi a tawp sih uhi.

SILBAWLTE 8:35

Huin, Philip in a kam a kaah a, hu Pathian lehkhathu ngei apanin a kawmah Jesu thu a soita hi.

SILBAWLTE 8:5

Huin, Philip chu Samaria khopi ah a chiahsuh a, a kawmvah Khrist thu a soi hi.

SILBAWLTE 9:20

Huleh, kikhopna innte haw ah Jesu chu Pathian Tapa a hihdan thu a taangkoupih pai ngal hi.

ROMETE 2:8

Hizongleh soihah a, thutah jui loua, dihtatlouhna juizote tungah chu hehnate leh lungthahnate a um diing,

KORINTHTE I 1:23

Hizongleh eiun chu Khrist kilhbeh thu i soi uhi, huchu Judate diingin puuhna, huleh Grikte diingin ngolna ahi.

KORINTHTE I 13:3

Huleh ka neih zousiah migentheite vaahna diingin peveh in, huleh ka sapum haaltum diingin pe ngam mah zong leng, lungsiatna ka neih louh inchu bangmah a phatuam sih hi.

KORINTHTE II 1:19

Bang jiahin ahiai i chih leh na lahva keiuh, keimah ngei leh, Silvana leh Timothi in a thu ka soi uh Pathian Tapa Jesu Khrist chu, ahi leh hilou, chih ahi sih a, amah ah chu ahi chih ahi zaw hi.

KORINTHTE II 11:13

Bang jiahin ahiai i chih leh huchibang mite chu Khrist sawllehte a kibawlthuh, natongtu heemhaatte, sawlleh tahloute ahi uhi.

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

KORINTHTE II 4:5

Bang jiahin ahiai i chih leh keiuh leh keiuh ka kisoithang sih va, Khrist Jesu chu Lalpa ahi chih leh, keiuh chu Jesu ziahin na suaahte uh ka hi uh chih ka soi zaw uhi.

GALATIATE 2:4

Huleh huchu suaah ahung tansah theihna diing va, Khrist Jesu a i zalenna neih uh enkhe diing a guuhsima hung luut unau tahloute jiah giap ahi.

PHILIPPITE 2:3

Kinialna aha, ahihlouhleh kiloupisahna jiah aha in bangmah bawl hi sih heh; hizongleh lungsim ngiamtahin mi chinin amah sangin midang hoihzaw in ngai chiat heh.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.