PHILIPPITE 1:11 - Thuhun Thah (BSI)

¹¹ Pathian loupina leh paahtawina diinga Jesu Khrist a um dihtatna gah a dim in.

PHILIPPITE 1:11 Iomraidhean Croise

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

JOHN 15:16

Nangun kei na hung teel sih va, ke’n nanguh ka hung teel zaw hi; huleh chiah a gah diing leh, na gah uh um zing diingin, huleh ka mina Pa kawma na nget photmah uh ahung piah theihna diingin nanguh ka hung guat hi.

JOHN 15:2

Keimah a um ba gahlou photmah chu a paaimang veu a; a gah photmah chu a susiangthou veu hi, a gah tam sem theihna diingin.

JOHN 15:8

Hikhu ah ka Pa paahtawi in a um hi, tampi a na gah vah; huchi'n ka nungjuite na hi diing uhi.

ROMETE 15:28

Hujiahin hi ka bawl zoh a, gah zong chiantaha ka muhsah zoh chiangin nanguh hung tawnin Spain gam ah ka chiah diing hi.

ROMETE 6:22

Hizongleh tuin sual apat zalensaha um a, Pathian suaahte na hung hih nungun, sianthouna khopin na gah uh na nei va, huleh a tawpna ah kumtuang hinna toh.

KORINTHTE I 10:31

Hujiahin na neeh un hileh, na dawn un hileh, na bawl photmah uh Pathian loupina diingin bawl veh un.

KORINTHTE II 9:10

Huleh a thehtupa kawma haichi petu in na neeh diinguh tanghou ahung pia a, na haichi theh uh a pungsah a, huleh na dihtatna gah uh zong a khang sah hi; )

EPHESITE 1:12

Eiuh Khrist a na ging masate, a loupidan paahtawina i hihtheihna diingin.

EPHESITE 1:14

Huchu Pathian loupidan paahtawina diing a gou leisa tatkhiahna hun masiah diing a i gouluah diing uh khaamna ahi.

EPHESITE 2:10

Bang jiahin ahiai i chih leh, Pathian in malai peha i umna diing a ana guatkholh Khrist Jesu a nna hoih tong diing a siam, amah khutsuaah i hi uhi.

EPHESITE 5:9

(Ajiahchu, Hagau gah ahihleh hoihna chinteng leh dihtatna leh thutah ah ahi).

PHILIPPITE 4:17

Silpiah ka deih jiah ahi sih a; nanguh diing a gahpung ka bawl ahi zaw hi.

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

KOLOSSITE 1:6

Hu tanchinpha chu khovel pumpi a gah a, a khan jel mahbangin, na jah va, thutah a Pathian hehpihna na hung heet ni vapat in na lahvah gah a pung jelin na kawmvah ahung tungta hi.

THESSALONIKATE II 1:12

I Pathian uleh Lalpa Jesu Khrist hehpihna dungjui a, i Lalpa uh Jesu min chu nanguh a, huleh nanguh amah a suhloupia a um theihna diingin.

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

HEBRAITE 12:11

Sawina chu a kithuah laiin kipaahhuai a bang sih a, hasiat a huai zaw hi; himahleh a nung chiangin chu huchia soihzoi a umte diingin dihtatna gah hamuan umtah a suah veu hi.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER I 4:14

Khrist min jiah a tai na hih uleh na hampha uhi; ajiahchu loupina Hagau leh, Pathian Hagau na tungvah a um hi; amahuh lam thu ah amah chu soisiat ahi a, hizongleh nanguh lam thu ah chu paahtawi in a um ahi.