PETER II 3:2 - Thuhun Thah (BSI)

² Zawlnei siangthoute’n ana soi masat uh thute, huleh keiuh Lalpa leh Hundampa sawllehte thupiah na heetzingna diingun:

PETER II 3:2 Iomraidhean Croise

LUKE 1:70

Leilung pian chiil apat a zawlnei siangthoute kama ana soi bangin;

LUKE 24:27

Huin Mosi leh zawlneite zousiah lehkhabu apanin Pathian lehkhabu pumpia amah tungtaang kigialte a kawmvah a hilhchianta hi.

LUKE 24:44

Huleh ama’n a kawmvah, Mosi daan leh zawlneite lehkhabu leh psalm bu-a ka tungtaang kigial zousiah ahung taangtun diingdan nang u’toh ka umkhawm laia na kawmva ka thusoite chu hihaw ahi, a chi a.

SILBAWLTE 10:43

Kuapouh Amah gingta in a min jalin sualnate ngaihdamna a mu diing uh chih a tanchin chu zawlnei zousiah in ana heetsah sa uh ahi, a chi a.

SILBAWLTE 28:23

Huleh ni a guat va, hu a tunni in a kawmah mi tampi ahung va; jingkala kipat nitaahlam dongin a kawmvah Pathian gam thu hilhchianin a hesah a, Mosi daan lehkhabu thu leh zawlneite lehkhabu thuin, Jesu lamah amahuh a zawlzawl hi.

SILBAWLTE 3:18

Hizongleh, Pathian in a zawlnei zousiah kam a, Khrist in a thuaah ngei diing ahi chih ana heetlawhsah chu, huchi bangin a tungsahta ahi.

SILBAWLTE 3:21

Bangkim siamhoih hun a tun masangsiah Amah chu vaanin a kol tadih diing ahi, hu siamhoih diing chu Pathian in leilung pianchiil apat a zawlnei siangthou zousiah ka min a soi zouta hi.

GALATIATE 6:2

Khat leh khat na puaahgih uh kidawn chiat unla, huchi'n Khrist daan juikim un.

EPHESITE 2:20

Huleh Jesu Khrist ngei chu a ninga suang poimohpen hiin, sawllehte leh zawlneite innbullep tung a lam na hi uhi.

EPHESITE 3:5

Huchu tulai a sawlleh siangthoute leh zawlneite kawma Hagau a heetsaha a um bangin, nidang laiin mihing tate kawmah heetsah in a um ngei sih hi;

TIMOTHI I 6:14

I Lalpa Jesu Khrist hung kilat masiah hi thupiah chu siangthou leh soiselbei a kol diingin;

PETER II 2:21

Ajiahchu dihtatna lampi heet nunga, thupiah siangthou a kawmva kepsaha um chu nungngatsan sangin dihtatna lampi he lou ana hileh uh amahuh diingin a hoihzaw diing hi.

PETER II 3:15

Huleh i Lalpa thuaahzohna chu hutdamna in sim un; i unaupa deihtah Paul in a kawma piah pilna dungjui a na kawmva a gelh bangin;

PETER II 3:16

A lehkhathot zousiah ah hi silte tungtaang a soi phial hi; huah chu thu heetsiam hahsate a um a, hute chu mipillou leh mikiploute’n Pathian lehkhathu dang a ngaihkawi bang va ngaikawi in amahuh siatna diingin a zang veu uhi.

JOHN I 4:6

Ei u’chu Pathian a kuan i hi a, Pathian he photin i thu a ngaikhe veu hi; Pathian a kuan hilouin i thu a ngaikhe sih hi. Hikhu ah hagau dih leh dihlou i he uhi.

JUDE 1:17

Hizongleh deihtahte, nangun chu i Lalpa uh Jesu Khrist sawllehte manga malaia thu kisoite he zing un.

THUPHUANDOH 19:10

Huleh amah be diingin a keengbulah ka puuh a. Huin ama’n ka kawmah, Hung be hial sin; kei chu na suaah tanpih leh Jesu heetpihna thu nei, na unaute laha ka hi; Pathian bia in; ajiahchu Jesu heetpihna chu thusoitheihna hagau ahi, a chi hi.