PETER II 3:18 - Thuhun Thah (BSI)

¹⁸ Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.

PETER II 3:18 Iomraidhean Croise

MATTHAI 28:20

Thu ka hung piah zousiah jui diingin thuhilh un; huleh ngai un, kei bangchihtanin, khovel tawp dongin na kawmvah ka um diing hi, a chi hi. Amen.

MATTHAI 6:13

Heemna ah hung puiluut sinla, gilou lahah hung hunkhe zaw in: lalgamte, silbawltheihnate, loupinate, kumtuanga nanga ahih jiahin. Amen, chi'n.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 5:23

Pa a zahbawl bang va mi zousiah in Tapa zong a zahbawl na diingun. Koipouh Tapa zahbawl lou in Pa amah sawlpa zong a zahbawl lou ahi.

ROMETE 11:36

Bang jiahin ahiai i chih leh amaha kipan leh, amah jalin leh, amah diinga sil zousiah um ahi; amah kawmah kumtuang in loupina um hen. Amen.

KORINTHTE II 4:6

Ajiahchu, Jesu Khrist meel a Pathian loupina heetna vaah hung pe diingin, mial laha kipana vaah hung vaahdoh diing a thupetu Pathian in ka lungtang uh a salhvaahta hi.

EPHESITE 1:17

I Lalpa uh Jesu Khrist Pathian, loupina Pa in amah heetna lam thu a pilna leh kilaahna hagau nanguh ahung piah theihna diingin;

EPHESITE 4:15

Hizongleh lungsiatna a thutah soi in, sil zousiah ah amah ah i khang tou thei zaw diing hi, amah chu lutang ahi, Khrist chu.

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

KOLOSSITE 3:10

Mihing thahin na kithuamta va, huchu heetsiamna neia a siamtu batpiha siamthah in a um ahi.

THESSALONIKATE II 1:3

Unaute, na ginna uh nasatah a a khanlet a, na bawnva na kilungsiattuahna uh a punsem jiahin, na tung thu vah, hihtuaah ahih mahbangin, Pathian kawma kipaahthu soi zing diing mawng ka hi uhi.

TIMOTHI II 4:18

Huleh Lalpa’n migilou chinteng laha kipanin ahung suahtasah diing a, a vaangam ah bittahin ahung tut diing hi; a kawmah kumtuang kumtuang in loupina umta hen. Amen.

PETER I 2:2

Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.

PETER II 1:2

Pathian leh i Lalpa Jesu heetna jiahin, na tungvah hehpihna leh hamuanna suhpung in um hen;

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 1:8

Ajiahchu hite nanguh a, a um a, a khan jel leh, i Lalpa Jesu Khrist heetna lamah chiing leh gahlou a um louin ahung bawl diing uhi.

PETER II 2:20

Ajiahchu Lalpa leh Hundampa Jesu Khrist heetna jiah a, khovel thanghuainate a nuutsiatsan nung va, humaha a taan kiit va, zoh a a um uleh, a umdan nunung u’chu a chiil a sangin a sezaw hi.

JUDE 1:25

I Hundampa uh Pathian pil chauh kawmah, loupinate, paahtawinate, vaihawmnate leh silbawltheihnate tu leh kumtuang in um zingta hen. Amen.

THUPHUANDOH 1:6

Pathian leh a Pa kawma lal leh siampu a hung bawltu kawmah loupina leh thuneihna kumtuang kumtuang in um zingta hen. Amen.