PETER II 3:14 - Thuhun Thah (BSI)

¹⁴ Hujiahin deihtahte, hu silte kineppih na hi uh chih he in, niin baang lou leh dembei a, hamuangtah a ana um a muh na hih heetna diingun thanop suahun.

PETER II 3:14 Iomraidhean Croise

MATTHAI 24:26

Hujiahin, na kawmva, Ngai un, gamdai ah a um, ahung chih uleh chiahdoh sih un; ngai un, pindan sunggil ah a um, ahung chih uleh tahsang sih un.

MATTHAI 25:7

Hu tahin hu nungaahte chu a thou veh va, a thaumei uh a deta va.

LUKE 12:43

A pu ahung pai chianga huchibang bawl a ahung muh hu suaah chu a hampha hi.

LUKE 2:29

Lalpa, tuin na suaah chu na thu bang jel a hamuangtah a chiahsah diing na hi;

KORINTHTE I 1:8

Ama’n i Lalpa uh Jesu Khrist ni chianga soiselbei a na um theihna diingun a tawp dongin zong ahung sukip diing hi.

KORINTHTE I 15:58

Hujiahin, ka unau deihtahte, dettahin, suhliing guallouh in, Lalpa natoh phatuamngaitaha tong ngiitngeet in um un; na tohgimna uh chu Lalpa ah a thawn sih diing chih na he ngal va.

PHILIPPITE 1:10

Huchia sil hoih mahmahte na hung heettheih va; Khrist ni tan a, a tahtah leh suhsualbei na hung hihtheihna diingun.

PHILIPPITE 2:15

Khangthah gilou leh chihmohte lah a khovel a vaahte banga na vaahnate lahva soiselna bei, suhsiat nei lou Pathian tate na hihtheihna diingun;

PHILIPPITE 3:20

Ajiahchu eihaw khualetui hihna chu vaan ah ahi a, hu a kipanin Lalpa Jesu Khrist, Hundampa chu i ngaah uh ahi.

THESSALONIKATE I 3:13

Huchi'n i Lalpa Jesu Khrist, a misiangthoute zousiah toh ahung chiangin Pathian, i Pa uh ngei ma ah na lungtangte uh sianthouna lama soisel beiin ahung sukip thei diing hi.

THESSALONIKATE I 5:23

Huleh hamuan na Pathian ngei in napumun hung susiangthou heh; huleh na hagau uleh, na lungsim uleh, na tahsa uh i Lalpa uh Jesu Khrist hung chiang a soiselbei diingin humbit in um hen.

TIMOTHI I 6:14

I Lalpa Jesu Khrist hung kilat masiah hi thupiah chu siangthou leh soiselbei a kol diingin;

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

JAKOB 1:27

Pathian leh Pa mitmuh a sahkho biah siangthou leh buahbaang lou chu, nubei pabeite leh meithaite a gimthuaah lai va veh leh, khovel a niin baang lou a kikoih zing ahi.

PETER I 1:7

Na ginna etkhiahna u’chu, sana mei a etkhiah ahih nung a zong mangthang jel sanga luul zaw, Jesu Khrist hung kilaahni chianga paahtawina leh, zahbawlna leh, loupina a muh a, a um theihna diingin.

PETER II 3:1

Deihtahte, tu a na kawmva ka gelh, hi lehkhathot a nihna ahi: hute geel ah heetzingna thu daanin na lungsim chiimtahte uh ka tohthou ahi:

PETER II 3:16

A lehkhathot zousiah ah hi silte tungtaang a soi phial hi; huah chu thu heetsiam hahsate a um a, hute chu mipillou leh mikiploute’n Pathian lehkhathu dang a ngaihkawi bang va ngaikawi in amahuh siatna diingin a zang veu uhi.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.