PETER II 2:21 - Thuhun Thah (BSI)

²¹ Ajiahchu dihtatna lampi heet nunga, thupiah siangthou a kawmva kepsaha um chu nungngatsan sangin dihtatna lampi he lou ana hileh uh amahuh diingin a hoihzaw diing hi.

PETER II 2:21 Iomraidhean Croise

MATTHAI 21:32

Ajiahchu John chu dihtatna lam thu ah na kawmvah a hung a, amah na gingta sih uh; hizongleh siahdongte leh nohchizuahte’n amah a gingta uhi; huleh nangun hu na muh un, amah na gintaatna diingun na kisiih nuam tuan sih uhi.

LUKE 12:47

Huleh suaah a pu deihzawng he ngal a ana kiginglou leh a deihzawng banga bawl lou chu tampivei vuaah ahi diing.

JOHN 15:22

Kei hunglou a, a kawmva thu soilou hileng sualna nei lou diing hi va, hizongleh tuin chu a sualna uh khuh na diing a neita sih uhi.

JOHN 9:41

Jesu’n a kawmvah, Mittaw hile u’chin sualna nei lou diing hi u’chin a; hizongleh tuin, Ka muthei uh, na chi va; hujiahin na sualna uh a um zing hi, a chi hi.

ROMETE 7:12

Huchi ahihjiahin daan chu a siangthou hi, thupiah zong a siangthoua, a dih a, a hoih hi.

GALATIATE 6:2

Khat leh khat na puaahgih uh kidawn chiat unla, huchi'n Khrist daan juikim un.

THESSALONIKATE I 4:2

Ajiahchu Lalpa Jesu jalin bangtobang thu ka hung piah uh na he uhi.

TIMOTHI I 6:14

I Lalpa Jesu Khrist hung kilat masiah hi thupiah chu siangthou leh soiselbei a kol diingin;

HEBRAITE 10:26

Bang jiahin ahiai i chih leh thutah heetna i neih nung a i sual teitei inchu, sualnate diing a kithoihna a um nawnta sih a,

JAKOB 4:17

Hujiahin, mi sil hoih bawl diing he a, bawl tuan lou chu, amaha diingin sual ahi.

PETER II 3:2

Zawlnei siangthoute’n ana soi masat uh thute, huleh keiuh Lalpa leh Hundampa sawllehte thupiah na heetzingna diingun:

JUDE 1:3

Deihtahte, i hutdamna thu taangpi na kawmva gelh diing ka ngaihtuah nasat laiin, misiangthoute kawma diing ginna khatvei kipia khu diinga phatuamngaitaha na pan na diingun hung gelh leh, hung hasot kei diingin a poimoh hi.