PETER II 2:2 - Thuhun Thah (BSI)

² Huchi'n mi tampiin a huuhna lam sil uh ahung chiing diing va; amahuh jiahin lam dih chu soisiat ahi diing hi.

PETER II 2:2 Iomraidhean Croise

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MATTHAI 24:24

Ajiahchu Khrist tahlou leh zawlnei tahlou ahung pawt diing a, chiamchihna leh silmah loupitahtah ahung ensah diing uhi; huah chu ahihtheihleh teelte ngei zong ahung heem diing uhi.

MATTHAI 7:14

Hinna a chiahna kot chu a geeng a, a lampi zong a neu a, huleh a mute zong a tawm uhi.

MARK 12:14

Huleh amahun ahung tunun, a kawmah, Houtupa, nang hi midihtah na hi a, mi koimah na giing sih hi; ajiahchu mi maaizahtuam na nei sih a, dihtahin Pathian lampi thu na hilh jel, chih ka he uh; Kaisar kawma siah tawi dih ahiai, dihlou?

MARK 13:22

Ajiahchu Khrist tahlou leh zawlnei tahlou ahung pawt diing va, hute’n chu chiamchihnate leh silmahte ensah in, hithei lehouh teelte nasan a heemkhe diing uh.

JOHN 14:6

Jesu’n a kawmah, Kei lampi leh, thutah leh, hinna chu ka hi; keimah a pailou in koimah Pa kawm a tung ngei sih hi.

SILBAWLTE 13:10

Huin, Aw Nang mi heem leh hoih louhna chintenga dimpa, nang diabol tapa, nang dihtatna zousiah meelmapa, Lalpa lam dihtahte suhsiat tawplou diing na hi maw?

SILBAWLTE 14:2

Hizongleh, gingta lou Judate’n Jentelte a chiilsia va, unaute a mudahsahta uhi.

SILBAWLTE 16:17

Hu mi in chu Paul leh keiuh ahung jui a, kikou in, Hi mite, hutdamna lampi hung hilhte hi tungnungpen Pathian suaahte ahi uh, a chi a.

SILBAWLTE 18:26

Huleh kikhopna inn ah haangsantahin thu a soipanta a; Prisilla leh Akuila in a thusoi a jah un a inn vah a pui va, a kawmah Pathian lampi thu kichian semin a hilhchianta uhi.

SILBAWLTE 19:9

Hizongleh khenkhat a chihmoh va, a gingta ut sih va, mipi ma a hu lampi chu a soisiat tahun, amahuh a chiahsan a, nungjuite a puituam a, Tiranna skul ah nichinin a kihoulimpihta hi.

SILBAWLTE 22:4

Huleh hi lampi a mite hi sihna khopin ka sawi jel a, huleh numei pasal in ka kaan a suangkul ah ka khum jel hi.

SILBAWLTE 24:14

Hizongleh, hi thu chu na kawmah ka soidoh hi, amahun biahdan tuam a chih uh lam juiin ka pulepate uh Pathian ka bia a, daan leh zawlneite lehkhabu a kigial zousiah gingta in;

ROMETE 2:24

Bang jiahin ahiai i chih leh Pathian min chu nanguh jalin Jentelte lahah soisiatin a umta hi, chia gelh bangin.

TIMOTHI I 5:14

Hujiahin, meithai nungaah deuhte’n chu pasal nei u’henla, soiselna diing lemtaang mawngmawng meelma musah sih leuh ka deih hi.

TITA 2:5

Pathian thu chu soisiata a um louhna diing a kiveeng a, siangthou a um a, innsung nna tong a, hoihtah a um a, a pasalte uh thu mang a um diinga a hilh theihna diingun.

TITA 2:8

Thusoi dihtah, soisel guallouh bang a kilat a, lehlam a pangte na tunga sil gilou soi diing nei lou a, a zahtaat theihna diingin.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER II 2:12

Hizongleh hi ganhing ngaihtuahna nei lou mat a hihmang diingte bangin a heetsiam louh uh silte a soisia va; huchi'n amahuh siatna ah a beimang veh diing uhi;

PETER II 2:15

Lampi dih a taisan va, a vaahmang va, dihtatlouhna loh ngainapa Bosor tapa Balaam lampi a juita uhi;

PETER II 2:18

Ajiahchu thuloi lou chiaahjen a soi in, gilou a umte apat a suaahta zoute chu tahsa utna ah huuhna in a heempuuh veu uhi.

PETER II 2:21

Ajiahchu dihtatna lampi heet nunga, thupiah siangthou a kawmva kepsaha um chu nungngatsan sangin dihtatna lampi he lou ana hileh uh amahuh diingin a hoihzaw diing hi.

PETER II 2:7

Huleh migiloute umdan thanghuaitah jiah a lungsim na mahmah Lot midih chu a hunkheta hi.

JUDE 1:10

Hizongleh hite’n chu sil a heet louhte uh a soisia va; ngaihtuahna nei lou gamsate banga pianken heettheihna a a heet uh hu silte ah amah uleh amahuh a kisusesuaah uhi.

JUDE 1:15

Mi zousiah tunga vaihawm diing leh, a lahva Pathian ngaihsah loua a toh uh Pathian ngaihsah louhna nna zousiah leh, Pathian ngaihsah lou mi sualte’n a tunga a haamsiatna zousiah jiaha Pathian ngaihsahloute zousiah siamlouh tangsah diingin, chi in.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.

JUDE 1:7

Sodom leh Gommorrah, huleh a kimvel a khuate, huchibang maha kingaihna a kipumpiah leh, tahsa tuamdang na delhte chu kumtuang a mei a gawtna thuaah a, etton diing a taahlat a, a um bangun.

THUPHUANDOH 12:9

Huleh dragon lian chu paihdoh in a umta a, hu guulpi teeh, Diabol leh Setan kichi, khovel pumpi heemtu chu; amah chu leitung ah paihkhiah in a umta a, a angelte zong amah toh paihkhiah in a um uhi.

THUPHUANDOH 13:14

Hu gamsa mitmuha silmah bawltheihna a kawma piah a umte zangin leitung a umte kawmah, namsaau a saatna maliam nei a hing nalai hu gamsa lim na siam diing uh ahi, chi'n leitung a teengte chu a heemta hi.

THUPHUANDOH 13:8

Huleh leitung a teeng zousiah, khovel siam chiil akipana thahsa Belaamnou hinna lehkhabua a min uh kigialloute’n amah a be diing uhi.