PETER II 2:1 - Thuhun Thah (BSI)

¹ Hizongleh mite laha zawlnei tahloute zong ana um veu mah bangin, na lahva zong houtu tahloute ahung um diing uh a, amahun chu, amahuh leipa Lalpa hilhial kiheetmohbawl in, siamlouh tangsah thei gintuamnate a guuh in ahung luutpih diing va, amahuh tungah thakhat a siatna a tungsah diing uhi.

PETER II 2:1 Iomraidhean Croise

MATTHAI 10:33

Hizongleh koipouh mite ma a hung kiheetmohbawl chu, kei zong vaan a ka Pa ma-ah ka kiheetmohbawl diing hi.

MATTHAI 24:11

Huleh zawlnei tahlou tampi ahung pawt diing va, mi tampi a heem zou diing uh.

MATTHAI 24:24

Ajiahchu Khrist tahlou leh zawlnei tahlou ahung pawt diing a, chiamchihna leh silmah loupitahtah ahung ensah diing uhi; huah chu ahihtheihleh teelte ngei zong ahung heem diing uhi.

MATTHAI 24:5

Ajiahchu mi tampi in, Khrist ka hi, Huchi'n ka min in ahung diing va; mi tampi a heem zou diing uhi.

MATTHAI 7:15

Zawlnei tahloute na lahva belaam vun silha hung a, hizongleh a sungnunglam va ngei haangsantah hingalte lahah pilvaang un.

MARK 13:22

Ajiahchu Khrist tahlou leh zawlnei tahlou ahung pawt diing va, hute’n chu chiamchihnate leh silmahte ensah in, hithei lehouh teelte nasan a heemkhe diing uh.

LUKE 12:9

Hizongleh mite ma a kei hung kiheetmohbawl chu Pathian angelte ma ah kiheetmohbawl in a um diing.

LUKE 21:8

Huin ama’n, Heema na um louhna diingun pilvaang un; ajiahchu Khrist ka hi, huleh a hun tung diing ahita, chi'n mi tampite ka minin ahung diing uh; hujiahin amahuh jui sih un.

LUKE 6:26

Mi zousiah in ahung phat chiangun na tunguh a gih hi; ajiahchu huchimahbangin a pulepate un zawlnei tahloute tungah ana bawl uhi.

ROMETE 16:18

Bang jiahin ahiai i chih leh hutobang mite’n i Lalpa uh Jesu Khrist nna a tong sih va, amahuh gilpi nna a tong zaw uhi; huleh kampha leh kamsia min mimawlte lungsim a heem veu uhi.

KORINTHTE I 11:19

Ajiahchu a taha kipomte a kilat theihna diingin na lahvah gindan tuamtuam zong a um diing mawng ahi.

KORINTHTE I 6:20

Ajiahchu mana lei na hi uhi: hujiahin na sapum uleh, na hagau vah, Pathian paahtawi un, huchu Pathian a ahi.

KORINTHTE I 7:23

Man a leisa na hi va; mite suaah hi sih un.

GALATIATE 2:4

Huleh huchu suaah ahung tansah theihna diing va, Khrist Jesu a i zalenna neih uh enkhe diing a guuhsima hung luut unau tahloute jiah giap ahi.

GALATIATE 3:13

Khrist chu ei luang a haamsiata hung um in, daan haamsiatna apatin ahung tandohta hi; ajiahchu hichibanga gelh ahi, Singdawna khailup photmah chu haamse thuaah ahi uh.

GALATIATE 4:17

Amahun phatuamngaitahin nanguh ahung hawl va, a hoih lamin ahi sih hi; nangun amahuh na hawl theihna diing va, hung poseh tum ahi zaw uhi.

GALATIATE 5:20

Milimbiahna, bumna, muhdahna, kihauna, thangsiatna, lungthahna, kilanna, kikhinna, gintuamna,

EPHESITE 1:7

Amah ah a sisan jalin tatkhiahna i nei a, a hehpihna hauhdan dungjui a i sualnate ngaihdamna.

EPHESITE 4:14

Huchi'n dihlouhna heemna bangin, lepchiahpil a mihing heem a um a, thuhilhna huih chintenga lehlam lehlam a muutleeng lehleh naupangte hi nawnta louin,

PHILIPPITE 3:19

A tawpna u’chu manthaina ahi a, a Pathian u’chu a gilpi uh ahi, huleh a loupina u’zong a zumna uh ahi, leilam silte a ngaihtuah uhi).

KOLOSSITE 2:18

Mi koimah in, a sil muh ngeilouhte a um zingin, a tahsa lungsima kimawhsahtheih in, mahni siamthuh kingaihtawm na leh angelte biahna zangin na kipaahman muh diing uh hung laahsah sih heh.

KOLOSSITE 2:8

Pilvaang un, huchilou inchu mi koiaha in Khrist thu bang hilou in, mihing thugousiah leh, khovel thubulte bang zaw in, khovel pilna leh heemna mai in gaallaah in ahung lakha diing uh.

TIMOTHI I 5:8

Hizongleh koipouh in amah mite a diing, a diahkhol a amah innkuanpihte a diinga ngaihtuah kholh louhleh ginna chu a zuausan a, ginglou mi sangin a gilou zaw ahi.

TIMOTHI II 4:3

Ajiahchu thuhilhna dih a ngaihkhiah peih louh hun uh hung tung diing ahi a; a bilte uh a lawp jiahin amahuh deihzawng bangin a kawmvah houtu a khawm diing uh,

TITA 1:11

Hute kam chu hupsah diing ahi, punna niin deih man in thu a hilh louh diing uh a hilh va, mi innkuan sung a tohbuai veu uhi.

TITA 3:10

Gindan dihlou nei mi chu khatvei nihvei na hilh nungin nual in.

HEBRAITE 10:29

Pathian Tapa tuandeen a, thuhun sisan amah suhsiangthouna chu sil sianglou a ngai a, huleh hehpihna Hagau simmohbawl chu, hu sanga bangchituha gawtna loupizaw ahiai thuaahleh kilawm a na ngaihtuah uh?

PETER I 1:8

Mu ngei loupiin amah chu na lungsiat va; tuin amah mu sih zong leh u’chin na gingta va, kipaahna soi guallouh leh loupina a dimin na kipaah uhi;

PETER II 2:3

Huleh huaihamna jiahin zuauthu in sumkolveina diingin nanguh ahung nei diing uh: nidanglai a, a tungva vaihawmna chu a khawl sih a, a siamlouhtanna uh zong a ihmu sih hi.

JOHN I 2:26

Nanguh hung puimang tumte tung thu a hite ka hung gelh ahi.

JOHN I 4:1

Deihtahte, hagau taphot gingta sih unla, hagaute chu Pathian a kuan ahihleh hih louh chian zaw un; ajiahchu zawlnei tahlou tampi khovel ah a pawtdohta hi.

JUDE 1:18

Hun nunung chiangin Pathian ngaihsah louhna lama amahuh utna banga um, simmoh haatte ahung um diing uh, a chih haw uh bang.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.

THUPHUANDOH 13:14

Hu gamsa mitmuha silmah bawltheihna a kawma piah a umte zangin leitung a umte kawmah, namsaau a saatna maliam nei a hing nalai hu gamsa lim na siam diing uh ahi, chi'n leitung a teengte chu a heemta hi.

THUPHUANDOH 2:13

Na natoh leh na umna mun, Setan touna ngei chu ka he hi; huleh ka min na pomkip a, ka martar ginum, Antipa, Setan teenna na lahva thah a, a um laiin zong na hung ginna na phatsan sih hi.

THUPHUANDOH 2:9

Na natohte leh, gimthuaahte leh, na zawndan (hizongleh na hausa hi) ka he hi, huleh Judami hiloupi a ka hi uh chi, Setan kikhopna inn hingal, hute Pathian soisiatna ka he hi.

THUPHUANDOH 3:8

Na natohte ka he hi; ngai in, na ma-ah koimah khaah theih louh kot kihong ka koih hi; ajiahchu thahaatna neutakhat na nei a, ka thu na kol zing a, huleh ka min na kiheetmohbawl sih hi.

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;

THUPHUANDOH 6:10

Amah u’chu aw ngaihtaha kikou in, Aw Lalpa, siangthou leh dih, bangtan ahiai leitung a teengte tunga vaihawm lou leh, ka sisan uh phuba la lou a na um diing? a chi uh.