PETER II 1:8 - Thuhun Thah (BSI)

⁸ Ajiahchu hite nanguh a, a um a, a khan jel leh, i Lalpa Jesu Khrist heetna lamah chiing leh gahlou a um louin ahung bawl diing uhi.

PETER II 1:8 Iomraidhean Croise

MATTHAI 13:22

Huleh ling laha tupa zong, thu chu a ja a ahihvangin hi khovel awlmohna leh hauhsatna heemna in thu chu a deep a, huchi’n amah chu gah nei louin ahung umta hi.

MATTHAI 20:3

Huleh amah chu daah thumna velin a pawtdoh a, midang dawlmun a ding meimeite a mu a,

MATTHAI 20:6

Huleh daah sawm leh daah sawmlekhatna velin a va pawt kiit a, a kawmvah, Bang diinga ding meimei na hi viai? a chi a.

MATTHAI 25:26

A pu in a dawng a, a kawmah, Nang suaah gilou leh zawmthopa, ka tuh louhna ah ka aat a, ka theh louhna ah ka lakhawm veu hi chih na he maw?

JOHN 15:2

Keimah a um ba gahlou photmah chu a paaimang veu a; a gah photmah chu a susiangthou veu hi, a gah tam sem theihna diingin.

JOHN 17:3

Huleh hichu ahi kumtuang hinna, Nang Pathian tah chauh leh na sawl Jesu Khrist a heet uh.

JOHN 5:42

Hizongleh Pathian lungsiatna nanguh ah a um sih chih ka hung he hi.

ROMETE 12:11

Taimaah lamah thase sih unla; hagaulamah phatuamngai un; Lalpa nna tong in.

KORINTHTE I 15:58

Hujiahin, ka unau deihtahte, dettahin, suhliing guallouh in, Lalpa natoh phatuamngaitaha tong ngiitngeet in um un; na tohgimna uh chu Lalpa ah a thawn sih diing chih na he ngal va.

KORINTHTE II 13:5

Ginna ah na umna viai mah nang uleh nanguh kienkhia unla; nanguh mimal kienchian un. Nang u’ah Jesu Khrist a um chih nanguh ngei in kiheet lou na hi viai mah? deih louh na hih louhngal uleh.

KORINTHTE II 8:2

Huchia hahsatna a ze-etna loupi a a kipaahna uh dimlet leh, a zawn mahmah na u’chu a silphalna loupi uh ahung hihdan chu.

KORINTHTE II 8:7

Hujiahin sil bangkim a, ginna a, thusoitheihna a, phatuamngaihna zousiaha, huleh keiuh na hung lungsiatna va na hauh bangun, hi hehpihna a zong na hauh na diinguh ngaihtuah un.

KORINTHTE II 9:14

Huleh amahun zong nanguh diing a hung haamteisahna in, na tungva Pathian hehpihna loupitah jiahin nanguh ahung ngai mahmah uhi.

PHILIPPITE 1:9

Huleh heettheihna leh heetkhenna zousiah a na lungsiatna uh ahung tam semsem diing, hichu ka ngen ahi.

PHILIPPITE 2:5

Khrist Jesu a zong um hi lungsim chu nanguhah um heh;

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

KOLOSSITE 1:10

Huchia Lalpa diinga kilawmtawh leh sil zousiah a deihhuai a na gamtat va, natoh hoih chintenga hung gah a, huleh Pathian heetsiamna lama na hung khantouhna diing uleh;

KOLOSSITE 2:7

Amah ah zungha leh lamtouh a um in, ahung kihilhta mahbanga ginna a kipaahtaha um in, huah chu kipaahthu soina a dimin um un.

KOLOSSITE 3:16

Khrist thu chu pilna zousiah in nanguh ah tampiin umsah un; phatna la bang, Pathian la bang, huleh hagaulam la bang kizilsah in, kihilhtuah unla, na lungtang va hehpihna nei in Lalpa chu la sahsah un.

THESSALONIKATE I 3:12

Huleh nanguh lama lungsiatna ka hauh bangun, Lalpa’n nanguh khat leh khat kilungsiattuahna leh, mi zousiah na lungsiatna uh hung supung in, hung hausahta hen.

THESSALONIKATE I 4:1

Huchi'n unaute, a tawppen in, na umdan diing uleh, Pathian na kipaahsahdan diing uh, ka kawmva kipan a na laah bangun na hauh semna diingun Lalpa Jesu minin ka hung ngen un, ka hung hasot uhi.

THESSALONIKATE II 1:3

Unaute, na ginna uh nasatah a a khanlet a, na bawnva na kilungsiattuahna uh a punsem jiahin, na tung thu vah, hihtuaah ahih mahbangin, Pathian kawma kipaahthu soi zing diing mawng ka hi uhi.

TIMOTHI I 5:13

Hulou zong, inn chinah a vaahleh va, thasiat a chiing veu uhi; huleh thasiat chauh zong hilou in, a soi louhlouh diing uh soi in kamtam leh mi demhaat ahi veu uhi.

TITA 3:14

Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in.

PHILEMON 1:6

Na ginna kikoppihna chu Khrist Jesu a nangmah a um sil hoih chinteng heetkimna lama ahung phattuam theihna diingin.

HEBRAITE 6:12

Na kithahdah louh va, ginna leh kuhkalna jiaha thuchiam gouluahtute umdan juitute na hih uh ka hung deih uhi.

PETER II 1:2

Pathian leh i Lalpa Jesu heetna jiahin, na tungvah hehpihna leh hamuanna suhpung in um hen;

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 2:20

Ajiahchu Lalpa leh Hundampa Jesu Khrist heetna jiah a, khovel thanghuainate a nuutsiatsan nung va, humaha a taan kiit va, zoh a a um uleh, a umdan nunung u’chu a chiil a sangin a sezaw hi.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.