PETER II 1:6 - Thuhun Thah (BSI)

⁶ Na heetna vah kideehtheihna hal unla; na kideehtheihna vah kuhkalna hal unla; huleh na kukalna vah Pathian ngaihsahna hal unla;

PETER II 1:6 Iomraidhean Croise

LUKE 21:19

Na kuhkalna vah na hinna uh na humbit diing uhi.

LUKE 8:15

Hizongleh lei hoiha tute chu hichibangte ahi uh; lungtang siangthou leh hoihin thu chu a ja va, a pom va, huleh kuhkaltahin gah a suang uhi.

SILBAWLTE 24:25

Huleh Paul in dihtatna thute, kideehna thute leh, vaihawmna hung tung diingte a soi leh, Felix chu lauin a kithing a, Tuin chiah kiit photin; hun lem ka neih tahchiangin ka hung kou diing, a chi a.

ROMETE 15:4

Ajiahchu malaia ana kigial photmah chu, Pathian lehkhathu a kuhkalna leh hamuanna jala eite’n kinepna i neihtheihna diing a eiuh kihilhna diing a gelh ahi.

ROMETE 2:7

Sil hoih bawl a kuhkaltaha pang a, loupina leh paahtawina leh manthai theih louhna hawl mite kawmah kumtuang hinna a pe diing a;

ROMETE 8:25

Hizongleh i muh louh i kineppih inchu kuhkaltahin i ngaah zoveu hi.

KORINTHTE I 9:25

Huleh koipouh kidemna a zoh tum mi chu sil zousiah ah a kideeh veu uhi. Amahun vang lallukhuh sethei muhna diingin a bawl uh ahi a; eite’n chu lallukhuh sethei lou diingin ahi.

KORINTHTE II 6:4

Himahleh Pathian thunatongtute ka hi uh chih sil zousiah ah ka suchian va, kuhkalna mahmah ah bang, hahsatna ah bang, taahsapna ah bang, lungkhamna ah bang;

GALATIATE 5:23

Thunuaigolhna, kisuumtheihna, ahi; hichibangte kalhin daan a um sih hi.

KOLOSSITE 1:11

A silbawltheihna loupitah dungjui a kipaahna toh kuhkalna leh thuaahhaatna lama haatna zousiah a suhhaat a um in.

THESSALONIKATE I 1:3

I Pathian leh Pa ma ah na ginna natohte uh, lungsiatna natohgimte uh, huleh i Lalpa uh Jesu Khrist a kinepna jiaha na hahkatnate uh bang mangngilh lou a he zing in,

THESSALONIKATE II 1:4

Huchi'n mi’n nanguh ahung sawihnate uleh, na gimthuaahnate zousiah va na kuhkal dan uleh, na gindan zousiah uh jiahin Pathian kouhtuam pawlte lahah ka hung suang uhi.

THESSALONIKATE II 3:5

Huleh Lalpa’n na lungtangte uh Pathian lungsiatna ah leh, Khrist diinga ngaah kuhkalna ah hung pui heh.

TIMOTHI I 2:10

Hizongleh (numei Pathian ngaihsah kichite a hun giapin) silbawl hoihin kithuam le’uh ka deih hi.

TIMOTHI I 2:2

Kumpipate leh thuneihna mun a um zousiahte a diingin zong; huchia Pathian ngaihsah leh zahumtah a hinkhua kituaah leh hamuanhuai i man theihna diingun.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

TIMOTHI I 6:11

Hizongleh, Aw nang Pathian mipa, hi silte taisan inla, dihtatna bang, Pathian ngaihsahna bang, ginna bang, lungsiatna bang, dohtheihna bang, thunuaigolhna bang delh zaw in.

TIMOTHI I 6:3

Mi koipouh in thuhilhna dang a hilh a, thutah, i Lalpa Jesu Khrist thu leh, Pathian ngaihsahna lam thuhilhna hoih a sah louhleh;

TIMOTHI I 6:6

Hizongleh lungkimna toh Pathian ngaihsah chu punna nasatah ahi.

TIMOTHI II 3:5

Pathian ngaihsah batna a nei diing va, hizongleh a silbawltheihna a tahsang sih diing uh; huchibangte chu nungheisan in.

TITA 1:1

Paul, Pathian suaah leh, Pathian miteelte ginna dungjui leh, Pathian ngaihsahna banga thutah heetna lama Jesu Khrist sawlleh in;

TITA 1:8

Mitaangphal hih ut, mihoihte ngaina, lungsimdih, midihtat, misiangthou, mikisuumthei ahih diing ahi.

TITA 2:2

Puteehte chu lungsim dihtah, zahum, kisuumthei, huleh ginna leh, lungsiatna leh, kuhkalna a dihtah hi diingin hilh in.

HEBRAITE 10:36

Bang jiahin ahiai i chih leh Pathian deihzawng na bawlzoh va, silchiam chu na muhtheihna diingun na kuhkal uh a ngai hi.

HEBRAITE 12:1

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh,

HEBRAITE 6:12

Na kithahdah louh va, ginna leh kuhkalna jiaha thuchiam gouluahtute umdan juitute na hih uh ka hung deih uhi.

HEBRAITE 6:15

Huchi'n ama’n kuhkaltaha a thuaah mualsuaah nungin silchiam chu a muta hi.

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 3:11

Hu silte zousiah chu huchia beimang diing ahi chih he in, umdan siangthou leh Pathian ngaihsahna lam photah mi bangchi hi diing na hi viai mah?

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.

THUPHUANDOH 13:10

Koipouh sala puiluuttu chu sal in a taang diing a; koipouh namsaau a that chu namsaau a thah in a um diing. Hi ah misiangthoute kuhkalna leh ginna a kilang hi.

THUPHUANDOH 14:12

Hi ah Pathian thupiah juite leh, Jesu gingta misiangthoute kuhkalna a kilang hi.

THUPHUANDOH 2:2

Na natohte, na tohgimnate, na kuhkaldan, huleh migilou haw na thuaahtheih louhdan, huleh hiloupi a sawlleh ka hi uh chi haw na etkhiah a mi zu an a hihdan uh na matdoh leh;