PETER II 1:5 - Thuhun Thah (BSI)

⁵ Hujiahmahin, thanop suah himhim in, na ginna vah hoihna hal unla; na hoihna vah heetna hal unla;

PETER II 1:5 Iomraidhean Croise

LUKE 16:26

Huleh hite lou zong, kei uleh nanguh kikalah guam nasatah siamin a um hi; hilama kipana na kawmva hung tumte ahung theih louhna diingun; huleh hulama kipana keiuh kawma hung tumte ahung theih louhna diingun, a chi a.

LUKE 24:21

Hizongleh kei un chu Israelte tantu diing amah ahi chih ka kinem uh; huleh hihaw lou zong, hi silte tun kalsiah tuni ani thum ni ahita hi.

JOHN 6:27

An mangthang diing mai hawlin phephe sih unla, kumtuang hinna dong a um zing diing an, mihing Tapa in ahung piah diing hawlin phe zaw un; ajiahchu Pa Pathian in amah a chiamchihta hi, a chi a.

KORINTHTE I 14:20

Unaute, heetsiamna lamah naupang sih unla, hizongleh giitlouhna lamah chu naupang un; heetsiamna lamah piching un.

EPHESITE 5:17

Hujiahin ngol sih unla, Lalpa deihzawng bang ahiai chih hesiam zaw un.

PHILIPPITE 1:9

Huleh heettheihna leh heetkhenna zousiah a na lungsiatna uh ahung tam semsem diing, hichu ka ngen ahi.

PHILIPPITE 2:12

Huchihjiahin, ka deihtahte, ka um peet chiang chauh hilou a, tua ka um louh lai a zong, thu na man veu mah bangun, lau leh liing pum in na hutdamna chiat uh tongdoh un.

PHILIPPITE 4:8

A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

KOLOSSITE 1:9

Hikhu jiahin keiuh zong, hi ka jah ni vapatin, nanguh diing a haamteisah leh, pilna leh hagaulam heetchi ana zousiah a amah deihzawng heetna a na hung dimna diing uh ngetsah ka tawp sih uhi.

KOLOSSITE 2:3

Hu Khrist ah pilna leh heetna gou zousiah phual in a um hi.

HEBRAITE 11:6

Hizongleh ginna louin chu amah kipaahsah gual ahi sih hi; ajiahchu Pathian kawma hung inchu amah a um chih leh, amah guntuhtah a hawltute kawma kipaahman petu ahi chih a gintaat diing ahi.

HEBRAITE 12:15

Pilvaangtahin en un, huchilou inchu mi khattou Pathian hehpihna ching zou lou na umkha diing va; khaatna zung bang aha hung selnou in, hukhu in mi tampite suhbuah in a umkha diing uhi.

HEBRAITE 6:11

Huleh nanguh kuapouh in, kinepna heetchi ana kim tang diingin, a tawp dongin thanop suah chiat leh u’chin ka hung deih mahmah uhi.

PETER I 3:7

Huchimahbangin, nanguh pasalte, na haamteina uh daal a, a umlouhna diingin, hinna hehpihna tangkhawm diing na hih jiahun, numei chu beel keehbaih zaw bang a ngai in, na jite u’chu paahtawi kawmin, heetna dungjuiin amahuh toh umkhawm un.

PETER II 1:10

Hujiahin unaute, nanguh hung kikouhna leh teelna suchian diingin thanop hung suah un: ajiahchu hite na bawl uleh chu na puuh ngei himhim sih diing uhi:

PETER II 1:11

Ajiahchu, huchi'n Jesu Khrist i Lalpa uleh Hundampa kumtuang gam a luutna nanguh kawmah ahung musah na sa mahmah diing hi.

PETER II 3:14

Hujiahin deihtahte, hu silte kineppih na hi uh chih he in, niin baang lou leh dembei a, hamuangtah a ana um a muh na hih heetna diingun thanop suahun.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.