PETER II 1:3 - Thuhun Thah (BSI)

³ Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

PETER II 1:3 Iomraidhean Croise

MATTHAI 28:18

Huin Jesu chu a kawmva hung in amahuh a houpih a, Vaan leh lei a thuneihna zousiah ka kawmah piah ahita.

ROMETE 8:32

Amah tapa ngei zong hawi loua, i bawnva diing a hung pepa in bang diingin sil zousiah a thawnin amah toh ahung pekhawm lou diai?

ROMETE 9:24

Hu khotuahna beelte chu, Judate lah chauh a kipan hilouin, Jentelte laha kipana zong kouhte, eihaw na chiang i hi uhi.

KORINTHTE I 1:9

Pathian chu a muanhuai hi, ama’n a Tapa Jesu Khrist i Lalpa uh kipawlkhawmna ah nanguh ahung kou luutta hi.

KORINTHTE II 12:9

Huleh ama’n ka kawmah, Ka hehpihna nang a diingin a huntawh hi; ajiahchu ka haatna chu haat louhna ah suhbukim in a um hi, a chi a. Hujiahin Khrist silbawltheihna ka tunga a um theihna diingin, kipaahtahin ka haatlouhnate ka suang zaw diing hi.

EPHESITE 4:1

Hujiahin kei, Lalpa a mitaang in, kouh a na umna utoh kilawm tawh a gamta diingin ka hung ngen hi.

EPHESITE 4:4

Kouh a na umna pen uh kinepna, mun khat a kouh na hih bangmah un, sapumkhat leh Hagau khat,

PHILIPPITE 3:8

Ahi, tahzetin, Khrist Jesu, ka Lalpa heetna hoih jiahin sil zousiah chu manna giapin ka ngai ahi; amah jiahin sil zousiah ka taanta a, huleh hute chu eeh bang giapin ka ngai hi, Khrist ka tan theihna diingin,

PHILIPPITE 4:8

A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

KOLOSSITE 1:16

Ajiahchu amah mang a sil zousiah siam ahi a; vaan a umte leh lei a umte, muhtheih leh muhtheihlouh, laltouphah hiin, lalgam hitaleh, vaihawmnate leh thuneihnate hizongleh; sil zousiah amah siam ahi a, amah diinga siam ahi.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

THESSALONIKATE I 4:7

Ajiahchu Pathian in sianglou diingin ahung kou sih a, hizongleh siangthou diingin ahung kou zaw hi.

THESSALONIKATE II 2:14

Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi.

TIMOTHI I 4:8

Ajiahchu tahsa kithununna ahihleh them khat chauh a phatuam a; hizongleh Pathian ngaihsahna chu, hinna, tu a um zing leh hung um kiit diing piah thuchiam a neih jiahin sil zousiah ah a phatuam hi.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.

PETER I 1:15

Hizongleh nanguh hung koupa a sianthou bangin nanguh zong na gamtatdan zousiah vah siangthou un:

PETER I 1:5

Hun nunung chianga kilang diing hutdamna mu diing a ginna jala Pathian silbawltheihna a kol na hi uhi.

PETER I 2:21

Huchibang hih diing a kouhna hi ngal va; ajiahchu Khrist in zong a khaap a na juih diing uh, etton diing hung nuutsiat in eiuh luang in ana thuaahta hi.

PETER I 2:9

Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER I 3:9

Giitlouhna giitlouhna a thuh louin, taina zong taina a thuh lou in, hizongleh vangpiahna tang diing a kouh na hi uh chih he in vangpiah zaw un.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

PETER II 1:10

Hujiahin unaute, nanguh hung kikouhna leh teelna suchian diingin thanop hung suah un: ajiahchu hite na bawl uleh chu na puuh ngei himhim sih diing uhi:

PETER II 1:2

Pathian leh i Lalpa Jesu heetna jiahin, na tungvah hehpihna leh hamuanna suhpung in um hen;

PETER II 1:5

Hujiahmahin, thanop suah himhim in, na ginna vah hoihna hal unla; na hoihna vah heetna hal unla;

PETER II 1:6

Na heetna vah kideehtheihna hal unla; na kideehtheihna vah kuhkalna hal unla; huleh na kukalna vah Pathian ngaihsahna hal unla;

PETER II 1:8

Ajiahchu hite nanguh a, a um a, a khan jel leh, i Lalpa Jesu Khrist heetna lamah chiing leh gahlou a um louin ahung bawl diing uhi.

PETER II 2:20

Ajiahchu Lalpa leh Hundampa Jesu Khrist heetna jiah a, khovel thanghuainate a nuutsiatsan nung va, humaha a taan kiit va, zoh a a um uleh, a umdan nunung u’chu a chiil a sangin a sezaw hi.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.