PETER II 1:17 - Thuhun Thah (BSI)

¹⁷ Ajiahchu ama’n chu Pa, Pathian kawma kipatin paahtawina leh loupina a mu a, huchihlaiin loupina nasatah apatin hichibang aw a kawmah ahung tung a, Hichu ka Tapa deihtah, ka kipaahna mahmah ahi, chi'n.

PETER II 1:17 Iomraidhean Croise

MATTHAI 12:18

En in, ka suaah, ka teel: ka deihtah, amah ka lungkim mahmahna pa chu; ka Hagau a tungah ka koih diing a, huleh ama’n Jentelte kawmah vaihawmna thu a soi diing.

MATTHAI 17:3

Huleh, ngai in, Mosi leh Elijah a kawmva hung kilaah in amah toh a kihou uhi.

MATTHAI 17:5

A soi laitahin, ngai in, mei vaahtahin amahuh ahung khuhta a; huleh, ngai in, hu mei lah apatin aw khat in, Hichu ka Tapa deihtah ahi, amah ah ka kipaah mahmah hi; amah thu ngai un, a chi a.

MATTHAI 28:19

Hujiahin chiah unla, nam chin a mi nungjui in siam unla, Pa leh Tapa leh Hagau Siangthou min in baptis un;

MATTHAI 3:17

Huleh ngai in, vaan a kipanin aw in, "Hi ka Tapa deihtah, ka kipaahna mahmah ahi, a chi hi.

MARK 1:11

Huleh vaan a kipanin aw khat ahung ging a, Nang ka Tapa deihtah na hi, na tungah ka kipaah mahmah hi, chi'n.

MARK 9:7

Huin meilum lom khat in amahuh ahung liah a; huleh meilum laha kipanin aw ahung ging a, Hichu ka Tapa deihtah ahi; a thu ngai un, a chi a.

LUKE 10:22

Sil zousiah ka Pa’n kei ahung pekheta hi; Tapa koi ahih chih Pa loungal koima’n a he sih; huleh Pa koi ahih Tapa leh a kawmva Tapa’n a phuan nuamnate loungal koima’n a he sih, a chi a.

LUKE 3:22

Huleh Hagau Siangthou chu tahsa nei in vakhu bangin ahung kumsuh a, a tungah a tuta a; huleh vaan apatin aw ahung suaah a, Nang ka Tapa deihtah na hi; na tungah ka kipaah mahmah hi, a chi hi.

JOHN 10:15

Pain kei ahung heet bangin ke'n zong Pa ka he hi; huleh belaamte diingin ka hinna ka pia hi.

JOHN 10:36

Pa in a guat, khovel a, a sawlpa tungah, Pathian Tapa ka hi ka chih jiahin Pathian na soisia na hung chi uh ahi maw?

JOHN 14:11

Kei Pa ah ka um a, huleh Pa keiah a um chih hung gingta un; ahihlouhleh silbawlte jiah beehin hung gingta un.

JOHN 14:6

Jesu’n a kawmah, Kei lampi leh, thutah leh, hinna chu ka hi; keimah a pailou in koimah Pa kawm a tung ngei sih hi.

JOHN 17:21

Pumkhat ahih theihna diingun; Pa, nang keimah a na um a, kei nangmah a ka um banga amah u’zong eimaha pumkhat ahihtheihna diingun; huleh nang na hung sawl chih khovel in a gintaat theihna diingun.

JOHN 20:17

Jesu’n a kawmah, Hung khoih sin; ajiah chu ka Pa kawmah ka chiahtou nai sih hi. Ahihvangin ka unaute kawmah chiah inla, a kawmvah, Ka Pa, na Pa uh, huleh ka Pathian, na Pathian uh kawmah chiahtou diing ka hi chi in, a chi a.

JOHN 3:35

Pain Tapa a lungsiat a, a khutah sil zousi ah a peta hi.

JOHN 5:20

Ajiahchu Pain tapa a lungsiat a, a silbawl zousiah a kawmah a musah veu hi, huleh thumah na sah diing uh hite sanga na loupizaw a musah diing hi.

JOHN 5:26

Ajiahchu Pain amah a hinna a kineih bangin Tapa in zong amah a hinna kineih diingin a peta hi.

JOHN 6:27

An mangthang diing mai hawlin phephe sih unla, kumtuang hinna dong a um zing diing an, mihing Tapa in ahung piah diing hawlin phe zaw un; ajiahchu Pa Pathian in amah a chiamchihta hi, a chi a.

JOHN 6:37

Ka Pa’n ahung piah zousiah ka kawmah ahung diing; huleh ka kawma hung photmah chu bangchi lezong ka nohdoh het sih diing.

JOHN 6:39

Huleh Pa ahung sawlpa deihzawng chu hi ahi, Ama’n ahung piah zousiah khatbeeh mangsah lou a, hizongleh ni tawpni chianga ka kaihthoh chu,

ROMETE 15:6

Pathian; i Lalpa uh Jesu Khrist Pa ngei chu lungsim munkhat pua leh aw khat suah a na paahtawi theihna diingun.

KORINTHTE II 1:3

Pathian, i Lalpa uh Jesu Khrist Pa ngei, khotuahna Pa leh lungmuanna zousiah Pathian chu paahtawi in um hen.

KORINTHTE II 11:31

Pathian leh i Lalpa uh Jesu Khrist Pa, kumtuanga paahtawi a um in ka zuau louh a he hi.

HEBRAITE 1:3

Amah chu a loupina vaah leh, a umze kibatpih lim ngei hiin, sil zousiah a silbawltheihna mu a tuding in, amah mah in i sualnate a silsiang zoh nungin, tunglama Loupipen jiatlam ah a touta hi.

JOHN II 1:3

Pa Pathian akipan leh Lalpa Jesu Khrist, Pa Tapa akipan hehpihna leh khotuahna leh hamuanna chu thutah leh lungsiatna in na kawmvah um hen.

JUDE 1:1

Jude, Jesu Khrist suaah leh Jakob unau in, Pa Pathian koihtuam, Jesu Khrist a veenbit leh kouhte kawmah;