PETER I 5:9 - Thuhun Thah (BSI)

⁹ Na unaute uh khovela umte tungah huchibang thuaahnatnate a tungve chih he in, amah chu ginna a kiptah a um in dou un.

PETER I 5:9 Iomraidhean Croise

LUKE 22:32

Hizongleh na ginna a man louhna diingin ka hung haamteisah hi; na kihei kiit chiangin na unaute sukip in, a chi a.

JOHN 16:33

Keimaha hamuanna na neihna diingun hi thute na kawmvah ka soi ahi. Khovel ah gimthuaahna na nei diing uh; hizongleh kipaahtahin um un, ke’n khovel ka zouta hi, a chi hi.

SILBAWLTE 14:22

Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi.

KORINTHTE I 10:13

Mihing thuaahzoh val heemna na tungvah a tung ngei nai sih, hizongleh Pathian chu a muanhuai hi, ama’n na thuaahzoh val uh heemna na tuaah diing uh a phal sih diing; na thuaahzoh na diingun heemna toh kitonin taikhiahna lampi zong ahung siamsah zo diing hi.

EPHESITE 4:27

Diabol zong mun ot sih un.

EPHESITE 6:16

A bawn a tungah, ginna lum la un, hukhuin giloupa thal kuang thei zousiah na sumit thei diing uhi.

KOLOSSITE 2:5

Ajiahchu tahsain na kawmvah um sih zongleng, kipaahtahin, na kizendan uleh, Khrist a na ginna kipdan uh en in, hagau in na kawmvah ka um hi.

THESSALONIKATE I 3:3

Hi gimthuaahnate jiaha koimah a kiliin louhna diingin; ajiahchu hi silte thuaah diing mawng a guat i hi uh chih nanguh ngei in na he uhi.

TIMOTHI I 6:12

Ginna kidouna hoih dou inla, kumtuang hinna chu tu in; hu tang diing a kouh zong na hi a, huleh heetpihtu tamtah mitmuh in gupna hoih chu na gumta hi.

TIMOTHI II 3:12

Ahi, mi Khrist Jesu a Pathian ngaihsah a umtum zousiah in sawina a thuaah diing mah ahi.

TIMOTHI II 4:7

Kidouna hoih chu ka douta a, kitaidemna chu ka zouta hi, ginna chu ka kemta hi.

HEBRAITE 11:33

Hute’n chu ginna in gamte a la va, dihtatna a bawlkhia va, thuchiamte a tang va, humpibahneite kam a chihsah va,

HEBRAITE 12:8

Hizongleh ta zousiah tan ngei sawina na thuaah louh unchu, jauta na hi va, ta tah na hi sih uhi.

JAKOB 4:7

Hujiahin Pathian kawmah kituluut un. Diabol chu doudaal un, huchi'n ahung taimangsan diing hi.

PETER I 1:6

Huah chu nasatahin na kipaah va, tuin tomkhat sung a poimoh leh, ze-etna jat tuamtuam in lungkham tadih mahleh u’chin;

PETER I 2:21

Huchibang hih diing a kouhna hi ngal va; ajiahchu Khrist in zong a khaap a na juih diing uh, etton diing hung nuutsiat in eiuh luang in ana thuaahta hi.

PETER I 3:14

Hizongleh dihtatna jiaha na thuaah uleh na hampha uhi; ahung vauna uh lau sih unla, lung zong lungkham sih un.

PETER I 4:13

Hizongleh Khrist thuaahnate kikoppih na hih jiahun kipaah un; huchi'n a loupina ahung kilat chiangin nanguh zong naahpitaha nuamin na kipaah thei diing uh.

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.

THUPHUANDOH 6:11

Huleh amahuh chu puan vaam a kipe chiat a; a suaah hihpihte uleh a unaute uh, amahuh bangmaha thaha um diingte ahung kim masiah uh tomkhat na khawl tadih diing a, a kawmvah hilh ahi uhi.

THUPHUANDOH 7:14

Ke’n a kawmah, Pu, nangma’n na he hi, ka chi a. Ama’n ka kawmah, Hite chu gimthuaahna nasatah apat hung pawtdohte ahi va, huleh a puan uh Belaamnou sisana sawp in a ngousahta uhi.