PETER I 5:5 - Thuhun Thah (BSI)

⁵ Huchimahbangin nanguh khanglaite, upate nuaiah kituluut un. Ahi, na bawnun khat leh khat kithumangtuah chiat unla, kingaihngiamna in kithuam un; ajiahchu Pathian in mi kiliansahte a doudaal a, mi kingaingiamte chu hehpihna a pia hi.

PETER I 5:5 Iomraidhean Croise

LUKE 22:26

Hizongleh nang u’chu huchibang na hi sih diing uh; na lahva lianpen chu naupang zaw bangin um henla; huleh a loupipen chu neehbawltu bangin um zaw heh.

ROMETE 12:10

Unau kilungsiatna in khat leh khat kilainattuah chiat unla; kizahbawlna lamah kideihsahtuah chiat un;

ROMETE 13:14

Lalpa Jesu Khrist in kithuam unla, na tahsa uh utna supiching diingin bangmah kibawl sih un.

EPHESITE 5:21

Pathian laudan siamna ah khat leh khat kituluuttuah chiat un.

PHILIPPITE 2:3

Kinialna aha, ahihlouhleh kiloupisahna jiah aha in bangmah bawl hi sih heh; hizongleh lungsim ngiamtahin mi chinin amah sangin midang hoihzaw in ngai chiat heh.

KOLOSSITE 3:12

Hujiahin, Pathian miteel, mi siangthou leh deihtahte bangin lainatna lungtangte, chitnate, kingaihngiamna lungsimte, jaidamnate, huleh thuaahtheihnate in kithuam un;

TIMOTHI I 5:1

Teehsete chu tai sinla, hizongleh pa bangin, tangval deuhte chu unau bangin;

HEBRAITE 13:17

Na tungva thuneitute thu mang unla, a thuthu un um un; bang jiahin ahiai i chih leh na tungtaang thu uh soi diingte bangin na hagau uh ahung veensah uh ahi, huchu lunggimtah a bawllou a, kipaahtaha a bawl theihna diingun; lunggimtaha a bawl u’chu nanguh diingin a phatuam sih ahi.

JAKOB 4:6

Hihmalahin hehpihna tamsem ahung pia hi. Hujiahin Pathian lehkhathu in, Pathian in mi kisatheite a doudaal a, kingaingiamte kawmah hehpihna a pe veu hi, a chi hi.

PETER I 3:8

A tawppen in, khat leh khat kilainattuah in, lungsim mun khat pua unla, hehpih siam unla, lungnem un;

PETER I 4:1

Huchi'n eiuh diinga Khrist in tahsa a hung thuaahsahta ahihjiahin nanguh zong huchibang lungsim in kithuam un; ajiahchu koipouh tahsa a thuaahsa in chu sual a tawpsanta hi;

PETER I 4:5

Hute’n mihing leh misite vaihawm diing a kipeihsapa kawmah a tanchin uh a soi diing uhi: