PETER I 5:4 - Thuhun Thah (BSI)

⁴ Huchi'n Belaampu lianpen ahung kilat chiangin loupina lallukhuh mualtheilou na mu diing uhi.

PETER I 5:4 Iomraidhean Croise

JOHN 10:11

Kei belaampu hoih chu ka hi; belaampu hoihin a belaamte diing in a hin na a pia hi.

KORINTHTE I 9:25

Huleh koipouh kidemna a zoh tum mi chu sil zousiah ah a kideeh veu uhi. Amahun vang lallukhuh sethei muhna diingin a bawl uh ahi a; eite’n chu lallukhuh sethei lou diingin ahi.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

HEBRAITE 13:20

Tuin hamuanna Pathian, i Lalpa uh Jesu Khrist misi laha kipana kaithoupa, kumtuang thuhunna sisan jala Belaampu loupitah in,

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

PETER I 1:4

Goutan sethei lou, huleh tuaithei lou, vaan a nanguh diinga siit mu diingin,

PETER I 2:25

Ajiahchu belaam bangin nana lammangta uh a; hizongleh tuin chu Belaampu leh na hagau uh veengtu kawmah na hung kih kiitta uhi.

PETER I 5:2

Na lahva Pathian belaam pawl umte vaah un, hih louh theih louh ahihjiah hilou in, ut thu hizaw in, punna niin deih jiah hilou in, lungsim kipeihsa kawm hizaw in;

JOHN I 3:2

Deihtahte, tuin Pathian tate i hi a, huleh bangtobangin ahiai i um diing chihchu a kilang nai tadih sih hi; hizongleh amah ahung kilat chiangin amah bangin i um diing uh chihchu i he uhi; amah chu a um bangbang a mu diing i hih jiahin.

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 3:11

Ngai in, kintahin ka hung hi; koimah in na lallukhuh ahung laahsah louhna diingin na sil neihsa chu koldet in.