PETER I 5:10 - Thuhun Thah (BSI)

¹⁰ Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

PETER I 5:10 Iomraidhean Croise

LUKE 22:32

Hizongleh na ginna a man louhna diingin ka hung haamteisah hi; na kihei kiit chiangin na unaute sukip in, a chi a.

ROMETE 15:13

Hagau Siangthou silbawltheihna jiaha kinepna na hauh theihna diingun kinepna Pathian in ginna a kipaahna leh hamuanna chintengin hung sudim hen.

ROMETE 15:5

Huchi'n kuhkalna leh hamuanna Pathian in Khrist Jesu mahbangin khat leh khat lungsim kibang nei in hung umsah hen;

ROMETE 16:25

Tuin amah, ka tanchinpha leh Jesu Khrist thu kitaangkoupihna banga, thuguuh kiphual kiphuandohna dungjui a, hu thuguuh kiphual chu khovel siam chiil akipana phual a um,

ROMETE 9:11

Naupangte chu piang nailou in, silhoih leh silsia zong bawl nailou in, teel lam thu a Pathian thuguat a det theihna diingin, silbawl jiah hi lou a, a koutu deih jiah hizaw in;

ROMETE 9:24

Hu khotuahna beelte chu, Judate lah chauh a kipan hilouin, Jentelte laha kipana zong kouhte, eihaw na chiang i hi uhi.

KORINTHTE I 1:10

Huleh unaute, na bawnva thu khat na soi va, huleh na lahva kikhenna mawngmawng a um louhna diingin lungsim kikhat leh ngaihtuahna kibang a hoihtah a na kizop zawhna diingun Lalpa Jesu Khrist minin ka hung ngen hi.

KORINTHTE I 1:9

Pathian chu a muanhuai hi, ama’n a Tapa Jesu Khrist i Lalpa uh kipawlkhawmna ah nanguh ahung kou luutta hi.

KORINTHTE II 13:11

A tawp pen in, unaute, kipaahtahin um un. Hoihbukim in um unla, hamuangtahin um unla, lungsim munkhat pua unla, kituaahtahin um un; huleh lungsiatna leh hamuanna Pathian na kawmvah a um diing hi.

KORINTHTE II 4:17

Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

PHILIPPITE 4:13

Amah ahung suhaatpa Khrist jalin sil zousiah ka bawl thei hi.

KOLOSSITE 2:7

Amah ah zungha leh lamtouh a um in, ahung kihilhta mahbanga ginna a kipaahtaha um in, huah chu kipaahthu soina a dimin um un.

THESSALONIKATE I 2:12

A lalgam leh a loupina a nanguh hung kouluutpa Pathian mi hitaah a na um theihna diingun.

THESSALONIKATE II 2:14

Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi.

THESSALONIKATE II 2:17

Na lungtang uh suhamuang in, thusoi leh natoh hoih chintengah hung sukipta hen.

THESSALONIKATE II 3:3

Hizongleh Lalpa chu a ginum a, ama’n nanguh ahung sukip diing a, migilou lahah ahung veeng diing hi.

TIMOTHI I 6:12

Ginna kidouna hoih dou inla, kumtuang hinna chu tu in; hu tang diing a kouh zong na hi a, huleh heetpihtu tamtah mitmuh in gupna hoih chu na gumta hi.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

TIMOTHI II 2:10

Hujiahin Khrist Jesu a um hutdamna chu kumtuang a loupina toh a muh ve theihna diingun teelte jiahin sil zousiah ka thuaah ahi.

HEBRAITE 9:15

Huleh hikhu jiahin amah chu thuhun thah palai ahi, thuhun masa nuai a tatsualnate lah apat a tatkhiahna diing a a sih taah jiahin, kouhte’n kumtuang a gouluah diing thuchiam chu a tang thei diing uhi.

PETER I 1:15

Hizongleh nanguh hung koupa a sianthou bangin nanguh zong na gamtatdan zousiah vah siangthou un:

PETER I 4:10

Mi chinin silpiah na muh bang jelun Pathian hehpihna chi tuamtuam kemtu hoihtahte bangin, hutein na kitohsahtuah chiat un.

PETER I 4:11

Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.

PETER II 1:3

Amah loupina leh hoihna a ei hung koupa heetna jiahin a Pathian silbawltheihna bangin hinna leh Pathian ngaihsahna lam thu ah sil zousiah ahung pia hi.

JOHN I 2:25

Huleh hikhu ahi silchiam ama’n piah diing a ahung chiam chu, kumtuang hinna ngei.

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,