PETER I 5:1 - Thuhun Thah (BSI)

¹ Na lahva upa umte chu, kei na upa hihpih uleh, Khrist thuaahna heetpihtu leh, loupina hung kilang diing zong tanpihtu in ka hung hasot hi;

PETER I 5:1 Iomraidhean Croise

LUKE 24:48

Nanguh hi silte heetpihtute na hi uh.

SILBAWLTE 1:22

John baptisma a kipana, i lahva apata vaan a puitouh a a um ni tanpha a hung na kithuahpihte laha mi khat, a thohkiitna hung theihpihtu diingin a um ngei diing ahi, a chi a.

SILBAWLTE 1:8

Hizongleh, na tungva Hagau Siangthou ahung tun chiangin silbawltheihna na nei diing uh; huchi'n Jerusalem khua ah zong, Judia gam leh Samaria gam zousiah ah zong, huleh, kawlmong tanphain zong ka thu heetpihtute na hi diing uh, a chi a.

SILBAWLTE 11:30

Huchu a bawlta ngei va, Barnaba leh Saul khut ah, upate kawmah a thotta uhi.

SILBAWLTE 14:23

Huleh kouhtuam china upate a namdet va, an ngawl a, a haamtei zohun, amahuh chu a gintaat uh Lalpa kawmah a kemsahta uhi.

SILBAWLTE 15:4

Huleh Jerusalem khua a tunun kouhtuamte leh sawllehte leh upate in ana kipaahpih va, huleh, Pathian in amahuh zang a a silbawlte zousiah a soi uhi.

SILBAWLTE 15:6

Huin sawllehte leh upate chu hu thu ngaihtuah diingin a kikhawm va.

SILBAWLTE 2:32

Hi Jesu chu Pathian in a kaithou kiitta ngeia, huchu ka bawnun heetpihtute ka hi uhi.

SILBAWLTE 20:17

Huleh Mileta khua a kipanin Ephesa khua ah mi a sawl a, kouhtuam upate a va kousah a.

SILBAWLTE 20:28

Hujiahin Pathian kouhtuam, Amah sisana a leite vaah diingin Hagau Siangthou in houtu a ahung siamna pawlte zousiah leh nanguh tungah pilvaang un.

SILBAWLTE 21:18

Huleh a jingni in, Paul chu kei u’toh Jakob kawmah a luut a; huah kouhtuam upate zousiah a um uhi.

SILBAWLTE 3:15

Hinna siamtu chu na that va; hizongleh, Pathian in Amah chu misi lah apat a kaithou kiit a; hu heetpihtute ka hi uhi.

KORINTHTE II 5:1

Bang jiahin ahiai i chih leh hi puanbuuh i lei inn uh suhsiat in um mah zongleh, khut a bawl hilou, Pathian khut a kuan kumtuang inn det vaan ah i nei uh chih i he uhi.

KORINTHTE II 5:8

Muangtahin i um uh, ka chi ahi, sapum a um lou a, Lalpa kawma um i utzaw uhi.

PHILIPPITE 1:19

Ajiahchu hikhu in na haamteina uleh, Jesu Khrist silpiah jalin ka hutdamna ahung suah ngei diing chih ka he hi,

TIMOTHI I 5:1

Teehsete chu tai sinla, hizongleh pa bangin, tangval deuhte chu unau bangin;

TIMOTHI I 5:19

Kouhtuam upa a heehna u’chu heetpihtu nih aha, thum aha louin pom sin.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

TITA 1:5

Hikhu jiahin ahi Krit tuikulh gam a ka hung nuutsiat, sil bawlzohlouh a umte na bawlzohna diing leh, ka hung thupiah banga khochin a upate na guat theihna diingin;

PHILEMON 1:9

Lungsiatna jiahin keimah Paul, teehsepu leh, tu a zong Jesu Khrist mitaang in ka hung ngen zaw ahi.

HEBRAITE 12:1

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh,

PETER I 1:12

Vaan akipana Hagau Siangthou hung kisawlkhia panpiha na kawmva tanchinpha soitute’n amahuh diing chauh hilou in, eiu diingin tua na kawmva thu kisoisawnte nna a tong uh chih a kawmvah suhlat in a um hi; hu silte chu angelte’n zong etvel a ut uhi.

PETER I 1:7

Na ginna etkhiahna u’chu, sana mei a etkhiah ahih nung a zong mangthang jel sanga luul zaw, Jesu Khrist hung kilaahni chianga paahtawina leh, zahbawlna leh, loupina a muh a, a um theihna diingin.

PETER I 4:13

Hizongleh Khrist thuaahnate kikoppih na hih jiahun kipaah un; huchi'n a loupina ahung kilat chiangin nanguh zong naahpitaha nuamin na kipaah thei diing uh.

PETER I 5:4

Huchi'n Belaampu lianpen ahung kilat chiangin loupina lallukhuh mualtheilou na mu diing uhi.

JOHN I 3:2

Deihtahte, tuin Pathian tate i hi a, huleh bangtobangin ahiai i um diing chihchu a kilang nai tadih sih hi; hizongleh amah ahung kilat chiangin amah bangin i um diing uh chihchu i he uhi; amah chu a um bangbang a mu diing i hih jiahin.

JOHN II 1:1

Upa in, numei teel leh a tate, thutah a ka lungsiatte kawmah; huleh keimah chauh hilouin thutah he zousiah in zong ahi.

JOHN III 1:1

Upa deih mahmah Gaia, thutah a ka lungsiat kawmah.

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.