PETER I 4:6 - Thuhun Thah (BSI)

⁶ Bang jiahin ahiai i chih leh, tahsa a um mihingte banga vaihawmsaha a um va, hagau a Pathian banga a hin theihna diingun hikhu jiahin a kawmvah tanchinpha soi in a um ahi.

PETER I 4:6 Iomraidhean Croise

MATTHAI 24:9

Hu hun chiangin nanguh chu suhgim diingin ahung mansah diing va, ahung that diing uh; huleh ka min jiahin nam zousiah huat na hi diing uh.

ROMETE 8:2

Bang jiahin ahiai i chih leh Khrist Jesu a um hinna Hagau daan in sual leh sihna daan a kipan ahung zalensahta hi.

GALATIATE 2:19

Ajiahchu Pathian lama ka hin theihna diingin, kei chu daan jiahin daan lamah ka sita hi.

GALATIATE 5:25

Hagau a hing i hihleh, Hagau mah ah i um diing uh,

PETER I 1:12

Vaan akipana Hagau Siangthou hung kisawlkhia panpiha na kawmva tanchinpha soitute’n amahuh diing chauh hilou in, eiu diingin tua na kawmva thu kisoisawnte nna a tong uh chih a kawmvah suhlat in a um hi; hu silte chu angelte’n zong etvel a ut uhi.

PETER I 3:18

Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

PETER I 3:19

Hu Hagau in a va chiah a, suangkul a um hagaute kawmah thu a va soi hi;

THUPHUANDOH 14:18

Huleh mei tunga thunei, angel dangkhat, maitaam apatin ahung pawt a, aw ngaihtaha kikou in kawite hiam tawipa kawmah, Na kawite pan inla, Lei grep gahbomte khawm in, ajiahchu grepte a min vehta hi, a chih a.