PETER I 4:14 - Thuhun Thah (BSI)

¹⁴ Khrist min jiah a tai na hih uleh na hampha uhi; ajiahchu loupina Hagau leh, Pathian Hagau na tungvah a um hi; amahuh lam thu ah amah chu soisiat ahi a, hizongleh nanguh lam thu ah chu paahtawi in a um ahi.

PETER I 4:14 Iomraidhean Croise

MATTHAI 5:11

Mi’n keimah jiaha ahung housiat va, ahung soih va, zuau a gilou chintenga ahung heeh hun chiangun na hampha uhi.

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

LUKE 6:22

Mihing Tapa jiaha mite’n ahung muhdah va, a lahva kipana ahung nohdoh va, ahung tai va, huleh na min uh hoihlouchia ahung pampaih chiangun na hampha uh ahi;

JOHN 15:21

Hizongleh ka min jiahin hi silte zousiah na tungvah a bawl diing uh, ahung sawlpa a heet louh jiahun.

JOHN 8:48

Huin Judate’n a dawng va, a kawmah, Samarimi na hi a, huleh dawipaai na hi ka hung chih uh ka chi dih mahmah sih viaimah? a chi va.

JOHN 9:28

Huin amah a tai va, Nang amah nungjui na hi a; kei u’chu Mosi nungjuite ka hi uh.

JOHN 9:34

Amahun a dawng va, a kawmah, Nang sual lumleta piangin keiuh na hung hilh vial maw? a chi va. Huin amah chu a nohdohta uhi.

SILBAWLTE 13:45

Hizongleh Judate’n mipite a muh tahun a thangse mahmah va, Paul thusoi chu a kalh va, a soisia uhi.

SILBAWLTE 18:6

Huleh a kalh un a soisia va, Paul in a puan a thing a, a kawmvah, Na moh uh na tungvah kituh heh; kei chu ka siang ahi; tu kalsiah Jentelte kawmah ka chiahta diing hi, a chi a.

SILBAWLTE 28:22

Hizongleh na ngaihdan chu nangmah apat ka ja nuam uhi; ajiahchu hi pawl hi gam chin a soisiat a, a um uh ka he uhi, a chi va.

SILBAWLTE 5:41

Huleh, amahuh chu vaihawmte lah apatin a pawtkhia va, hu min jiaha zumna thuaah taah a guat ahih jiahun a kipaah mahmah uhi.

KORINTHTE II 12:10

Hujiahin haat louhnate ah, suhduhdahnate ah, taahsapnate ah, sawihnate ah, hahsatnate ah Khrist jiahin ka kipaah hi; ajiahchu ka haat louh hun tahchiangin ka haat hi.

KORINTHTE II 4:10

Jesu hinna ka sapum va suhlata a um theihna diingin, bangchih laipouh in Lalpa Jesu sihna ka sapum vah ka po lehleh uhi.

KORINTHTE II 4:16

Hukhu jiahin ka chau sih uh; hizongleh ka polam mihing uh kiam hiaihiai zongleh, ka sunglam mihing u’chu ni china siamthah in a um zing hi.

GALATIATE 1:24

Huleh amahun keimah ah Pathian a paahtawita uhi.

HEBRAITE 11:26

Khrist kimuhsitna chu Aigupta gam goute sanga hauhsatna loupizaw a ngaiin; ajiahchu a kipaahman muh diing lam chu a en zing hi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

JAKOB 5:11

Ngai un, a thuaahaatte chu hampha in i sep uhi. Job kuhkaldan na ja va, Lalpa’n a tawp a, a bawldan: Lalpa chu hehpihna leh khotuahna dim ahih zong na mu uhi.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 3:14

Hizongleh dihtatna jiaha na thuaah uleh na hampha uhi; ahung vauna uh lau sih unla, lung zong lungkham sih un.

PETER I 3:16

Khrist a na gamtatdan hoih uh dihloutah a hung demte, silgilou bawl banga ahung soisiatna va a zum theihna diingun sialepha heetna hoihtah nei un.

PETER I 4:16

Ahihvangin koipouh in Khristian ahihjiaha a thuaah leh zum sih heh; hizongleh hi tungtaang jiahin Pathian paahtawi zaw heh.

PETER II 2:2

Huchi'n mi tampiin a huuhna lam sil uh ahung chiing diing va; amahuh jiahin lam dih chu soisiat ahi diing hi.