PETER I 4:13 - Thuhun Thah (BSI)

¹³ Hizongleh Khrist thuaahnate kikoppih na hih jiahun kipaah un; huchi'n a loupina ahung kilat chiangin nanguh zong naahpitaha nuamin na kipaah thei diing uh.

PETER I 4:13 Iomraidhean Croise

MATTHAI 16:27

Mihing Tapa chu a Pa loupinna a angelte toh hung diing ahi ngal a; huchiangin michin a natoh bangjelin a thuh chiat diing hi.

MATTHAI 25:21

A pu in a kawmah, Suaah hoih leh ginum, na bawl hoih hi; sil tawmtakhat tungah na ginum a, sil tampi tungah thuneitu in ka hung koih diing hi; na pu kipaahna ah luut in, a chi a.

MATTHAI 25:23

A pu in a kawmah, Suaah hoih leh ginum, na bawl hoih hi, sil tawmtakhat tungah na ginum a, sil tampi tungah thuneitu in ka hung koih diing hi; na pu kipaahna ah luut in, a chi a.

MATTHAI 25:31

Mihing Tapa chu angel siangthou zousiah toh a loupina a, a hung chiangin amah chu a loupina laltouphah tungah a tou diing hi;

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 5:12

Nuam unla, nasatahin kipaah un; vaan ah na kipaahman diing uh a tam mahmah ngal a; na ma va zawlnei umte zong hitobangin ana sawi veu uhi.

MARK 8:38

Hujiahin mi koipouh tulai khang thah aangkawm haat leh giloute laha keimah leh ka thu zumpih chu mihing Tapa in zong angel siangthoute toh a Pa loupina a ahung chiangin, hu mi chu a zumpih ve diing hi, a chi hi.

LUKE 17:30

Huchimah bangin mihing Tapa hung kilaah ni chiangin ahi diing hi.

SILBAWLTE 16:25

Huleh jan khang laiin Paul leh Silas chu a haamtei va, Pathian kawmah phatna la a sa va; huleh, mitaangte in a ngaikhia uhi.

SILBAWLTE 5:41

Huleh, amahuh chu vaihawmte lah apatin a pawtkhia va, hu min jiaha zumna thuaah taah a guat ahih jiahun a kipaah mahmah uhi.

ROMETE 5:3

Huleh hu chauh zong hilouin, gimthuaahna in kuhkalna a siam chih he in gimthuaahna ah zong i kipaah uhi.

ROMETE 8:17

Huleh tate i hih inchu, gouluahtute i hi uh; a kawma paahtawi a i um theihna diing a amah i thuaahpih tahzet inchu Pathian gouluahtute, Khrist luahpihtute i hi uhi.

ROMETE 8:18

Bang jiahin ahiai i chih leh tulaia thuaahgimnate chu izawchianga eiuh a loupina suhlata um diing toh tehkaah tham in ka ngai sih hi.

KORINTHTE II 1:5

Ajiahchu Khrist thuaahgimnate ka tungva a dimlet bangin, Khrist jiahin ka kihehnepna uh zong a dimlet hi.

KORINTHTE II 1:7

Huleh nanguh gimthuaahna tangtute na hih bangun, hehnepna tangtute zong na hi uh chih he in ka hung kineppihna uh a det hi.

KORINTHTE II 4:10

Jesu hinna ka sapum va suhlata a um theihna diingin, bangchih laipouh in Lalpa Jesu sihna ka sapum vah ka po lehleh uhi.

KORINTHTE II 4:17

Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

PHILIPPITE 3:10

Huchia, a sihna toh kituaahtou jel a, amah leh, a thohkiitna silbawltheihna leh, a gimthuaahna kikoppihna bang ka heet theihna diingin.

KOLOSSITE 1:24

Nanguh diinga ka gimthuaah ah tuin ka kipaah hi, huleh Khrist gimthuaah baan chu a tahsa jiahin ka sa ah ka sunzom jel hi, hu tahsa chu kouhtuam ahi.

TIMOTHI II 2:12

I thuaah leh amah toh vai i hawm khawm diing a; amah i kiheetmohbawl leh ama’n zong ahung kiheetmohbawl diing;

PETER I 1:13

Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;

PETER I 2:21

Huchibang hih diing a kouhna hi ngal va; ajiahchu Khrist in zong a khaap a na juih diing uh, etton diing hung nuutsiat in eiuh luang in ana thuaahta hi.

PETER I 5:1

Na lahva upa umte chu, kei na upa hihpih uleh, Khrist thuaahna heetpihtu leh, loupina hung kilang diing zong tanpihtu in ka hung hasot hi;

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.

THUPHUANDOH 1:9

Kei John, na unaupa uleh, Jesu Khrist a gimthuaahna leh lalgam leh kuhkalna a na tanneihpih u’chu Pathian thu jiah leh Jesu Khrist thu heetpihna jiahin Patmos kichi tuikulh gam ah ka um a.