PETER I 4:11 - Thuhun Thah (BSI)

¹¹ Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.

PETER I 4:11 Iomraidhean Croise

MATTHAI 6:13

Heemna ah hung puiluut sinla, gilou lahah hung hunkhe zaw in: lalgamte, silbawltheihnate, loupinate, kumtuanga nanga ahih jiahin. Amen, chi'n.

JOHN 13:31

Hujiahin, a pawtdoh nungin Jesu’n, Tuin chu mihing Tapa paahtawi in a umta, huleh Pathian zong amah ah paahtawi in a um hi.

SILBAWLTE 7:38

Sinai taanga amah toh kihou angel leh i pulepate toh gamdai a kouhtuamte laha um, i kawma piahsawn diing a thu hingte latu chu hipa ahi.

ROMETE 11:36

Bang jiahin ahiai i chih leh amaha kipan leh, amah jalin leh, amah diinga sil zousiah um ahi; amah kawmah kumtuang in loupina um hen. Amen.

ROMETE 12:3

Bang jiahin ahiai i chih leh ka kawma hung kipia hehpihna jalin, na lahva mi koimah in a kingaihsang diing huntawh val a kingaisang lou in, himahleh Pathian in mi chin kawma ginna a piah hun bang jel a dihtaha ngaihtuah zaw diingin ka chi ahi.

ROMETE 16:27

Pathian pil chauh kawmah, Jesu Khrist jalin kumtuang in loupina um hen. Amen.

ROMETE 3:2

Lam chintengah a phatuam hi; a pipenin, Pathian kamsuaahte a kawmva kolsaha a um jiahin ahi.

KORINTHTE I 10:31

Hujiahin na neeh un hileh, na dawn un hileh, na bawl photmah uh Pathian loupina diingin bawl veh un.

KORINTHTE I 12:4

Huchi'n silpiah tuamtuam a um a, hizongleh Hagau khat ahi.

KORINTHTE I 3:10

Pathian hehpihna kei hung kipia dungjuiin innlamtu piltah bangin ke’n innbulphuh chu ka lemta a, midangin a tungah inn a lam uhi. Hizongleh michin hu a tunga a innlamdan vah pilvaang chiat u’heh.

KORINTHTE I 6:20

Ajiahchu mana lei na hi uhi: hujiahin na sapum uleh, na hagau vah, Pathian paahtawi un, huchu Pathian a ahi.

KORINTHTE II 2:17

Bang jiahin ahiai i chih leh mi tampiin Pathian thu mite heem a sumkawlveina a, a zat bangun kei un chu ka zang sih uh; hizongleh chihtahzetin Pathian a bang zawin, Khrist ah Pathian mitmuh ah thu ka soi uh ahi.

KORINTHTE II 9:13

Hi natohna apat Khrist tanchinpha nuai a na kituhluutna uleh, amah uleh midang zousiah kawma na silphal dan uh kilat jiahin amahun Pathian a paahtawi uhi.

EPHESITE 1:19

Huleh a silbawltheihna haatna natoh dungjui a ei a gingtate lama a silbawltheihna nasatdan bang na hung heettheihna diingun.

EPHESITE 4:29

Na kam vapat thusia pawt sih henla, hizongleh a ngaikhetute kawma hehpihna a piah theihna diingin, bawl hoihna diingin thu hoih pawt zaw heh.

EPHESITE 5:20

Bangkim tungah i Lalpa uh Jesu Khrist minin Pathian leh Pa kawmah kipaahthu soi ngiitngeet un.

EPHESITE 6:10

A tawppenin, ka unaute, Lalpa ah leh a haatna silbawltheihna ah haattahin um un.

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

PHILIPPITE 2:11

Lei chinteng in, Jesu Khrist chu Pa Pathian loupina diinga Lalpa ahi chih a phuan theihna diingun.

KOLOSSITE 4:6

Mi chin bangchibang a dawn but diing ahiai chih na heet theihna diingun na haam kamsuaah uh chu hehpihna tel, chi kisoh hi zing hen.

THESSALONIKATE I 2:4

Tanchinpha kolsah a um diing a Pathian phatsah mi ka hih bang ngeiun mihing kipaahsah diing bang hilou a ka lungtang uh endihtu Pathian kipaahsah hi zaw in, thu ka soi jel uh ahi zaw hi.

TIMOTHI I 1:17

Tuin kumtuang kumpipa si thei lou, muhtheihlouh, Pathian pil chauh kawmah zahna leh loupina um zingta hen. Amen.

TIMOTHI I 6:16

Amah chauh in sihtheih louhna a nei a, koimah naih theih louh vaah ah a um a, amah chu koima’n a mu ngei sih a, mu zong a muthei sih hi; amah kawmah kumtuang loupina leh silbawltheihna um hen. Amen.

TITA 2:1

Hizongleh nang chu thugin dih toh kilawm thute soi in;

TITA 2:15

Hi thute soi inla, huleh thuneitahin vau in. Koima’n nang hung musit sih heh.

HEBRAITE 13:7

Na tungva thuneitute leh Pathian thu na kawmva soitute chu he zing un; a umdan va sil hung umdohte ngaihtuah unla, a gindan uh jui un.

HEBRAITE 5:12

Ahun lam ngaihtuah inchu houtute na hihtaah diing uh ahi a, Pathian thubulte khat in ahung hilh kiit ngai na hita uh; huleh angum hilou a nawitui kiphamoh bang na hung hita uhi.

JAKOB 1:19

Huchihjiahin, ka unau deihtahte, michin ngaihkhiah lamah kilawp henla, thusoi lamah kilawp sih henla, lungthah baih sih heh.

JAKOB 1:26

Na lahva mi koipouh sahkhomitah bang a um a, a lei veeng hoih loua, amah lungtang kihem zaw chu, hu mi sahkho biah chu a thawn ahi.

PETER I 2:12

Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.

PETER I 4:10

Mi chinin silpiah na muh bang jelun Pathian hehpihna chi tuamtuam kemtu hoihtahte bangin, hutein na kitohsahtuah chiat un.

PETER I 4:16

Ahihvangin koipouh in Khristian ahihjiaha a thuaah leh zum sih heh; hizongleh hi tungtaang jiahin Pathian paahtawi zaw heh.

PETER I 5:11

Amah kawmah kumtuang kumtuang in paahtawina leh lalna umta hen. Amen.

JUDE 1:25

I Hundampa uh Pathian pil chauh kawmah, loupinate, paahtawinate, vaihawmnate leh silbawltheihnate tu leh kumtuang in um zingta hen. Amen.