PETER I 3:9 - Thuhun Thah (BSI)

⁹ Giitlouhna giitlouhna a thuh louin, taina zong taina a thuh lou in, hizongleh vangpiahna tang diing a kouh na hi uh chih he in vangpiah zaw un.

PETER I 3:9 Iomraidhean Croise

MATTHAI 19:29

Huleh michin ka min jiaha, innte aha, unaute aha, sanggamnute aha, pa aha, nu aha, ji aha, tate aha, gamte aha nusia in chu a lehza a mu diing va, kumtuang hinna a tang diing uh.

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

MATTHAI 5:39

Hizongleh ke'n chu na kawmvah ka soi ahi, Migilou thuh sih un; hizongleh koipouh in na ngeiphe jiatlam a beh leh a lehlam zong doh zaw in.

MATTHAI 5:44

Hizongleh ke'n chu na kawmvah ka soi ahi, Na meelmate uh lungsiat unla, haamsia hung lohte vangpiah unla, ahung mudahte diingin sil hoih bawlsah unla, huleh ahung bawlsete leh ahung suduhdahte diingin haamteisah un.

MARK 10:17

Huleh lampi a chiah diing a a pawt laiin, mi khat ahung tai a, a ma ah a khupdin a, huleh a kawmah, Houtupa hoih, kumtuang hinna ka tan theihna diingin bang ahiai ka bawl diing? chi'n a dong a.

LUKE 10:25

Huleh ngai in, daantheimi khat a dingdoh a, amah ze-etna in, Houtupa, kumtuang hinna ka neih theihna diingin bang ahiai ka bawl diing? a chi a.

LUKE 18:18

Huleh vaihawmtu koiaha in a kawmah, Houtupa hoih, kumtuang hinna ka tan theihna diingin bang ahiai ka bawl diing? chi'n a donga.

ROMETE 12:14

Ahung gawtte vangpiah un; vangpiah unla, haamsiat sih un.

ROMETE 12:17

Koimah giitlouh giitlouhin thuh sih un. Mi zousiah mitmuh ah sil kilawm bawl diing tum un.

ROMETE 8:28

Huleh Pathian lungsiatte, ama’n a guat banga a kouhte diingin, sil zousiah in a hoihna diingun a tongkhawm chiat hi chih i he hi.

ROMETE 8:30

Huleh a guatlawhte chu kouh zong a kou a; huleh a kouhte chu siam a tangsah a; huleh siam a tansahte chu a paahtawi hi.

GALATIATE 3:14

Huchi'n Abraham tunga vangpiahna chu Jesu Khrist jala Jentelte tunga ahung um a, eihawn Hagau chiam chu ginna jala i muhtheihna diingun ahi.

EPHESITE 4:32

Khat leh khat kingainatuah chiat unla, lungnem unla, Pathian in Khrist jiaha nanguh ahung ngaihdam bangin, nanguh zong kingaidamtuah chiat un.

THESSALONIKATE I 5:15

Koimah in koi giitlouh zong giitlouh a thuh lou diingin pilvaang un; hizongleh nang u’lah hiin, mi zousiah lamah hitaleh a hoih taphot jui un.

HEBRAITE 12:17

Bang jiahin ahiai i chih leh a nunglamin vangpiahna gou chu luah tum in mit hi luang pum in phatuamngaitahin hawl mahleh kisiihna mun a muh louh jiahin deih louh in a umta chih na he uhi,

HEBRAITE 6:14

Tahzetin vang ka hung pe diing a, suhpung zong ka hung supung diing hi, chi'n.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.