PETER I 3:7 - Thuhun Thah (BSI)

⁷ Huchimahbangin, nanguh pasalte, na haamteina uh daal a, a umlouhna diingin, hinna hehpihna tangkhawm diing na hih jiahun, numei chu beel keehbaih zaw bang a ngai in, na jite u’chu paahtawi kawmin, heetna dungjuiin amahuh toh umkhawm un.

PETER I 3:7 Iomraidhean Croise

MATTHAI 18:19

Huleh na kawmvah ka soi kiit hi, Leitung a na lahva mi nih a sil nget diing va a kithutuah uleh ka Pa vaan a um bawlsah in a um diing uhi.

KORINTHTE I 7:3

Pasal in a ji kawmah a tan diing hun chu pia heh; huchimahbangin numei in zong a pasal kawmah pia heh.

EPHESITE 3:6

Huchu hi ahi, tanchinpha jiahin Khrist ah Jentelte chu gouluahpihte, tahsa khata umte, thuchiam tanpihte ahi diing uh.

EPHESITE 4:30

Huleh Pathian Hagau Siangthou sulungngai sih un, tatna ni a diinga amah a chiamchih na hi uh.

EPHESITE 5:33

Banghitaleh, na lahva koipouh in amah a kilungsiat bangin a ji lungsiat heh; huleh ji chu a pasal zahtaat diingin pilvaang heh.

EPHESITE 6:18

Haamteina leh ngetna chintengin bangchihlaipouhin Hagau a haamtei zing a um in, hulam pangah chu misiangthoute zousiah diingin thuaah haatna leh ngetsahna toh ngaihsah zing in um un.

KOLOSSITE 3:19

Pasalte, na jite uh lungsiat unla, a tungvah gilou sih un.

THESSALONIKATE I 4:4

Mi chinin siangthou leh jahtaha a beel chiat uh kepdan na heet diing uh;

TITA 3:7

A hehpihna a siamtansah a um in kumtuang hinna kinepna dungjuiin gouluahtu diing a siamin i um ngei diing uhi.

HEBRAITE 1:14

Amahuh haw zousiah chu, hutdamna gouluah diingte natohsah diing a sawldoh natohna hagaute ahi sih viai mah?

PETER I 3:1

Huchimahbangin, nanguh jite, na pasalte uh kawm chiatah kituluut un, huchi'n koiaha in thu gingta sih mahleh, thu lou a, jite gamtatdan a zohin a um thei diing hi;