PETER I 3:18 - Thuhun Thah (BSI)

¹⁸ Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

PETER I 3:18 Iomraidhean Croise

MATTHAI 27:19

Huleh vaihawmna touphah a, a tou laiin, a ji in a kawmah mi a sawl a, Hu mi dih tungah bangmah bawl sin; ajiahchu amah jiahin tu ni’n ka mang in sil tampi ka thuaah hi, a va chisah hi.

MATTHAI 27:24

Pilat in bangmah loh theih louh leh, buaina semsem hi diing ahi chih a muh tahin, tui a la a, mipi ma a, a khut sil in, Hi mi dih sisan ah mohna bei ka hi; nangun na lohloh kiloh un, a chi a.

JOHN 16:10

Dihtatna thu ah siamlouh a tangsah diing, ka Pa kawma chiah a, na hung muh nawn louh diing jiahun.

SILBAWLTE 22:14

Huleh ama’n, I pulepate uh Pathian in a deihlam he diing leh, Midihtat chu mu a, a kama suaah aw ja diing a hung guat ahita hi.

SILBAWLTE 3:14

Misiangthou leh Dihtat chu na deih sih va, tualthatpa chu na kawmva piah na ngen zawta uh;

ROMETE 1:4

Huleh sianthouna hagaulam daan a misi laha kipan a thohkiitna in silbawltheihna toh Pathian Tapa ahih a kilatsah tungtaang;

ROMETE 4:25

Hu Jesu chu i tatsualnate jiahin piahkhiahin a um a, huleh siam i tanna diingin kaihthohin a um hi.

ROMETE 5:2

Amah jal mahin hi i dinkipna hehpihna huang ah ginna a luut theihna i neita uhi; huleh Pathian loupina a kinemin kipaahin zong i um uhi.

ROMETE 8:11

Hizongleh misi laha kipana Jesu kaithoupa Hagau nanguh a a um inchu misi laha kipana Khrist kaithoupa’n nanguh a um Hagau jiahin na sapum uh sitheite zong a suhing diing hi.

ROMETE 8:3

Ajiahchu tahsa jala haatlouhna jiaha daan in a bawl guallouh chu, Pathian in a tapa ngei, sualna tahsa gilou lim puain, huleh sual thoihna diing a hung sawlin, tahsa a sual um chu siamlouh a tangsahta hi.

KORINTHTE II 1:24

Na ginna tungva thu hung neihkhum hilou in, na kipaahna uh panpihtu ka hizaw uhi; ajiahchu ginna in na dingdet uh ahi.

KORINTHTE II 13:4

Bang jiahin ahiai i chih leh haatlouhna jalin kilhbeh in um mahleh, Pathian silbawltheihna in a hing zing ahi. Ajiahchu keiuh zong amah ah haat lou ka hi va, hizongleh Pathian silbawltheihna in nanguh lamah amah toh ka hingkhawm diing uhi.

KORINTHTE II 5:21

Ajiahchu amah a Pathian dihtatna i hung hihtheihna diingin, sualna mawngmawng he lou amah chu Pathian in eiuh jiahin sual in a bawlta hi.

GALATIATE 1:4

Amah chu Pathian leh i Pa uh deihdan dungjuiin tulai khovel giloutah lah akipan ahung suahtaatsah theihna diingin i sualnate luang in a kipeta hi.

GALATIATE 3:13

Khrist chu ei luang a haamsiata hung um in, daan haamsiatna apatin ahung tandohta hi; ajiahchu hichibanga gelh ahi, Singdawna khailup photmah chu haamse thuaah ahi uh.

EPHESITE 3:12

Amah ginna jiahin eihaw’n amah ah haansanna leh muangtah a luut theihna i nei uhi.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

HEBRAITE 10:10

Hu deihzawng lam a Jesu Khrist sapumkhatvei setden diing a lat jiahin suhsiangthou in i umta uhi.

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

HEBRAITE 9:26

Huchi hilouleh leilung siam chiil apat tampi vei a thuaahta diing hi; hizongleh tu huntawp ah amah chu sualna suhbeina diing a amah kipetawm diingin khatvei ahung kilangta hi.

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

JAKOB 5:6

Midih chu siamlouh na tangsah va, na thatta uh; huleh ama’n chu ahung doudaal sih hi.

PETER I 3:19

Hu Hagau in a va chiah a, suangkul a um hagaute kawmah thu a va soi hi;

PETER I 4:1

Huchi'n eiuh diinga Khrist in tahsa a hung thuaahsahta ahihjiahin nanguh zong huchibang lungsim in kithuam un; ajiahchu koipouh tahsa a thuaahsa in chu sual a tawpsanta hi;

PETER I 4:6

Bang jiahin ahiai i chih leh, tahsa a um mihingte banga vaihawmsaha a um va, hagau a Pathian banga a hin theihna diingun hikhu jiahin a kawmvah tanchinpha soi in a um ahi.

JOHN I 1:9

I sualnate i phuan inchu, i sualnate ngaidam diing leh, dihtat louhna zousiah apat hung silsiang diingin amah chu a muanhuai in a dihtat ahi.