PETER I 2:9 - Thuhun Thah (BSI)

⁹ Hizongleh a vaahna limdangtah a luut diing a mial a kipana nanguh hung koudohpa paahtawina na suhlat theihna diingun nanguh chu chi teel, lal siampu, nam siangthou, Pathian mituamte na hi uhi;

PETER I 2:9 Iomraidhean Croise

MATTHAI 4:16

Mial a tou mite’n vaah loupitah a mu uh; huleh sihna gam leh liima toute tungah vaah ahung suaahta hi, a chih chu, chi'n.

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

LUKE 1:79

Mial lah leh sihna liim nuaia pute taan vaah diing leh, hamuanna lampi a i keengte hung puisah diingin, a chi a.

JOHN 17:19

Amahuh jiahin ka kisusiangthou hi, thutah jala amah u’zong suhsiangthou a, a um theihna diingun.

SILBAWLTE 20:28

Hujiahin Pathian kouhtuam, Amah sisana a leite vaah diingin Hagau Siangthou in houtu a ahung siamna pawlte zousiah leh nanguh tungah pilvaang un.

SILBAWLTE 26:18

A mit uh suvaah diing leh mial apat vaahlam ngatsah diingin, huleh, Setan thuneihna apat Pathian lama a kihei theihna diing uleh sual ngaihdamna a muhna diingun, huleh kei ahung gintaat jiah va kisusiangte laha gou a luah theihna diingun.

SILBAWLTE 26:28

Huin Agrippa in Paul kawmah, Thu themkhat a heema Khristian a hung bawl tum na hi, a chi a.

ROMETE 9:24

Hu khotuahna beelte chu, Judate lah chauh a kipan hilouin, Jentelte laha kipana zong kouhte, eihaw na chiang i hi uhi.

KORINTHTE I 3:17

Mi koipouh in Pathian inn a suhbolhhoh inchu, amah Pathian in a suse diing hi; ajiahchu Pathian inn chu a siangthou a, hu inn chu nanguh na hi uhi.

EPHESITE 1:14

Huchu Pathian loupidan paahtawina diing a gou leisa tatkhiahna hun masiah diing a i gouluah diing uh khaamna ahi.

EPHESITE 1:6

A hehpihna loupidan paahtawi diingin, hu hehpihna a’chu a lungsiat mahmahpa ah deihtaah in ahung siamta hi.

EPHESITE 3:21

Khrist Jesu jiahin kouhtuam ah kumtuang in, a khang a khang in loupina umta hen. Amen.

PHILIPPITE 3:14

Khrist Jesu a Pathian kouhna saang kipaahman mu diingin phaahtawpna chu ka delh ahi.

KOLOSSITE 1:13

Ama’n chu mial silbawltheihna a kipanin ahung hundoh a, a Tapa deihtah gam ah ahung luutsahta hi.

TIMOTHI II 1:9

Ama’n chu i silbawlte dungjui hilou in, amah guat leh a hehpihna dungjuiin ahung hundam a, kouhna siangthou in ahung kouta hi, huchu leilung pianma a Khrist Jesu a ahung piah ahita hi.

TITA 2:14

Ama’n chu giitlouhna zousiah apat ahung tat theihna diingin leh, amah diing a sil hoih bawl a phatuamngai leh teeltuam hi diing a ahung suhsiangthou theihna diingin i luang in a kipeta hi.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

PETER I 2:5

Nanguh zong suang hingte bangin, Jesu Khrist jiaha Pathian deihzawng hagaulam kithoihna laan diing a siampu siangthou leh hagaulam inn a lamtouhna hi uhi.

PETER I 4:11

Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.

THUPHUANDOH 1:6

Pathian leh a Pa kawma lal leh siampu a hung bawltu kawmah loupina leh thuneihna kumtuang kumtuang in um zingta hen. Amen.

THUPHUANDOH 20:6

Thohkiitna masapena telte chu a hampha uhi; hute tungah sih nihna in thu a nei sih a, hizongleh amahuh chu Pathian leh Khrist siampute ahi diing va, amah toh kum saang khat vai a hawm diing uhi.

THUPHUANDOH 5:10

Huleh i Pathian uh kawmah lalte leh siamputein na hung siamta hi; huleh leitung ah lal in i tou diing uhi, chi'n.