PETER I 2:24 - Thuhun Thah (BSI)

²⁴ Eiuh sual lama si a, hizongleh dihtatna lama i hin theihna diingin ama’n amah sapum ah i sualnate sing dawnah a pua a; amah kivuah hualte ah suhdam in na umta uhi.

PETER I 2:24 Iomraidhean Croise

MATTHAI 27:26

Huin ama’n Barabba chu a kawmvah a hahkhiahsahta a; huleh Jesu chu a jep zohin kilhbeh diingin a pedohta hi.

MATTHAI 5:20

Ajiahchu ka hung hilh ahi, Na dihtatna un lehkhagialtute leh Pharisaite dihtatna a khup louh inchu vaan lalgam ah na luut top sih diing uhi.

MATTHAI 8:17

Zawlnei Isaiah in, Amah ngei in i hatlouhnate a la a, i natnate a pua hi, chia a soi chu a taangtun theihna diingin.

MARK 15:15

Huchi'n Pilat in mipi suhlungkim a ut a, Barabba a hahdohsah a, huleh Jesu chu a jep zohin kros a kilhbeh diingin a peta hi.

LUKE 4:18

Migentheite kawma Tanchinpha soi diing a ahung guat jiahin Lalpa Hagau chu ka tungah a um hi; ama’n chu lungtang hasete sudam diing leh, saltaangte kawma suahtaatna thu leh, mittawte kawma mit vaah kiitna thu soi diing leh, bawlsiat thuaahte zalensah diingin,

JOHN 1:29

A jingni’n John in Jesu a kawm lama hungin a mu a, En un Pathian Belaamnou, khovel sualna pomangpa chu,

JOHN 19:1

Hujiahin Pilat in Jesu chu a pui a, a jepta a.

SILBAWLTE 10:35

Ahihvangin namchin laha kuapouh Amah laudan siam a, dihtaha gamta photmah chu a paahtaat mi ahi veu uhi.

SILBAWLTE 10:39

Huleh Judate gam leh, Jerusalem khua a a silbawl zousiah heetpihtu ka hi uhi; amah chu singdawn a khai in a sulumta uhi;

SILBAWLTE 13:29

Huleh a tungtaang thu na kigelhsa zousiah a suhtaangtung zohun, sing akipanin a lakhia va, haanah a sialta uhi.

SILBAWLTE 5:30

Jesu, nangun singa na khai va na suhluppa uh, i pulepate Pathian in a kaithouta hi.

ROMETE 6:11

Huchimahbangin nanguh zong sual lam thu ah sisa in kingai unla, hizongleh Pathian lamah chu i Lalpa uh Jesu Khrist jalin hingin kingai un.

ROMETE 6:13

Na sapum hiangte uh zong dihtatlouhna vanzat diingin sual kawmah pephal sih un; ahihvangin misi laha kipana hing kiit bangin Pathian kawmah kipia unla, na sapum hiangte u’zong dihtatna vanzat diingin Pathian kawmah pe phal zaw un.

ROMETE 6:16

Sual hial lou diing Sihna diing a sual suaah hiin, dihtatna diing a thumanna suaah hitaleh, koi kawm pouh ah zong thumang diing a suaah a na kipiah unchu, a thu na manpa uh suaah na hi uh chih na he sih viai mah?

ROMETE 6:2

Um zing lou hial diing. Eiuh sual lama sisate bangchi’n sual ah i hing thei nalai lai diai?

ROMETE 6:22

Hizongleh tuin sual apat zalensaha um a, Pathian suaahte na hung hih nungun, sianthouna khopin na gah uh na nei va, huleh a tawpna ah kumtuang hinna toh.

ROMETE 6:7

Ajiahchu koipouh sita sa chu sual apatin a zalenta hi.

ROMETE 7:6

Hizongleh tuin chu ahung tupa laha si zouta in, daan a kipan hahkhiah in i umta uh; lehkhagelh lui bangphet hiloua, hagau thaha nna i toh theihna diingin.

KORINTHTE I 15:3

Bang jiahin ahiai i chih leh a masapenin ke’n zong ka muh chu nanguh ka hung hilhsawn hi, chihchu, Pathian lehkhathu dungjuiin Khrist chu i sualnate jiahin a si a;

KORINTHTE II 6:17

Hujiahin a lahva kipan hung pawtdoh unla, a tuam in um un, Lalpa’n a chi, huleh sil sianglou khoih sih un; huchi'n ka hung pom thei diing a.

GALATIATE 3:13

Khrist chu ei luang a haamsiata hung um in, daan haamsiatna apatin ahung tandohta hi; ajiahchu hichibanga gelh ahi, Singdawna khailup photmah chu haamse thuaah ahi uh.

EPHESITE 5:9

(Ajiahchu, Hagau gah ahihleh hoihna chinteng leh dihtatna leh thutah ah ahi).

PHILIPPITE 1:11

Pathian loupina leh paahtawina diinga Jesu Khrist a um dihtatna gah a dim in.

KOLOSSITE 2:14

Daanthu, ei uh hung lang zawng leh ei toh kikalh lam a gelh chu nawtmang in, a kros dawn a kilhbeh in a lamangta hi;

KOLOSSITE 2:20

Huchih jiahin khovel thubulte apat Khrist toh si na hih taah uleh bang diinga khovel a hing banga daan thupiahte nuaia kituluut na hi viai?

KOLOSSITE 3:3

Ajiahchu, na sita va, na hinna uh Khrist toh Pathian ah phual ahita hi.

HEBRAITE 10:10

Hu deihzawng lam a Jesu Khrist sapumkhatvei setden diing a lat jiahin suhsiangthou in i umta uhi.

HEBRAITE 10:5

Huchihjiahin khovela ahung lai in, ama’n, Kithoihna leh sillat na deih sih a, hizongleh sapumkhat na hung bawlsah zaw hi;

HEBRAITE 12:13

Huleh na keengte uh diingin lampi tang siam un, huchilou inchu keengbaite lampi apat a peetmangkha diinguh; hizongleh hute chu sudam zaw un.

HEBRAITE 7:26

Ajiahchu huchibang siampu lal, misiangthou, nun se lou, buah baang lou, misualte laha kituamkoih, huleh vaante sanga saangzaw a siam chu eihaw a diingin a kilawm mawng ahi.

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

JAKOB 5:16

Suhdam a na um theihna diingun, na khelhnate uh thupha kitawituah unla, khat leh khat kihaamteisah un. Midihtat guntuhtaha haamteina chu a phatuam mahmah hi.

JOHN I 2:29

Amah chu midihtat ahi chih na heet uleh, michin dihtatna bawl photmah chu amaha piang ahi chih na he uhi.

JOHN I 3:7

Tate haw, kuamah heem in um sih un; dihtatna bawltu chu midihtat ahi, amah a dihtat bangmah in.

THUPHUANDOH 22:2

Hu khopi kotzing lailung leh a luipang tuaah ah gah chi tuamtuam sawmlenih nei, huleh ha china gah, hinna singkung a um a; huleh hu sing nah chu namte suhdamna diing ahi.