PETER I 2:23 - Thuhun Thah (BSI)

²³ Vau a, a um laiin a vauthuh sih a; a thuaah laiin zong a tai sih; hizongleh dihtattaha ngaihtuahpa kawmah a kikemsah zaw hi;

PETER I 2:23 Iomraidhean Croise

LUKE 23:41

Ei chu gawt taah mawng i hi; ajiahchu i silbawlte man mu i hi; hizongleh hipa’n chu bangmah a susual sih hi, a chi a.

LUKE 23:46

Huleh Jesu chu aw ngaihtahin a kikoua, Pa, na khutah ka hagau ka hung kolsah hi, a chi a; huleh huchia a chihzohin a hagau ahahta hi.

LUKE 23:9

Huin ama’n a kawmah thu tampi a donga; hizongleh ama’n bangmahin a dawng sih.

SILBAWLTE 17:31

Ni a chiam jiahin, hu ni chiangin a mi guat chu, lei a mite dihtattahin a ngaihtuahsah diing; huchu Pathian in Amah misi lah akipata kaithouin, mi zousiah kawmah a hesahta hi, chi in,

SILBAWLTE 4:29

Huleh, tuin, Lalpa, ahung vaudan uh en dih; huleh, na suahte’n haangsantah a na thu a soi theihna diing uh pia in,

SILBAWLTE 7:59

Huleh, Stephen in, Lalpa Jesu ka hagau la in, chi a Pathian a kouh laiin suang in a sep souhsouh uhi.

SILBAWLTE 9:1

Huleh, Saul chu Lalpa nungjuite a vau thu leh, thah a tup thu sekhe kawmin, siampu lal kawmah a va chiah a,

ROMETE 2:5

Hizongleh na lungtang khauh jiah leh, na kisiih nuam louh jiahin, Pathian lungthahna ni leh valhawmna dihtat hung kilat ni chianga diingin na tungah lungthahna na kikholkhawm ahi.

EPHESITE 6:9

Huleh nanguh pute haw, huchimahbangin a kawmvah bawl un, amah uleh nanguh pu chu vaan ah a um chih leh, ama’n mi deihsah tuam a nei sih chih he in, vaubawl sih un.

THESSALONIKATE II 1:5

Hichu Pathian gam mi hitaah a guat na hihtheihna diing va Pathian vaihawmna dihtah chiamchihna chiantah ahi, hu diing maha zong thuaah na hi uhi;

TIMOTHI II 1:12

Hujiahin ahi hi silte zong ka thuaah; hizongleh ka zum sih hi; ajiahchu ka gintaatpa ka he hi, huleh a kawm a ka kolsah chu hu nia diingin a kolbit thei chih chiantahin ka he hi.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

HEBRAITE 12:3

Bang jiahin ahiai i chih leh na lungsim va na tawl va na chauh louhna diingun, amah tunga misualte nialkalhna thuaahzoupa chu ngaihtuah un.

PETER I 3:9

Giitlouhna giitlouhna a thuh louin, taina zong taina a thuh lou in, hizongleh vangpiahna tang diing a kouh na hi uh chih he in vangpiah zaw un.

PETER I 4:19

Huchihjiahin koipouh Pathian lemsah dungjui a thuaahte’n silhoih bawl in a hagau uh Siamtu ginumtah kawma bangin a kawmah kolsah u’hen.

THUPHUANDOH 19:11

Huin vaan kihong ka mu a, huleh ngai in, sakol kaang khat leh a tunga tuangpa, a min Ginum leh, Thutah kichi ka mu a; huleh ama’n dihtatna in vai a hawm a, huleh gaal a bawl hi.