PETER I 2:2 - Thuhun Thah (BSI)

² Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

PETER I 2:2 Iomraidhean Croise

MATTHAI 18:3

Chihtahzetin ka hung hilh ahi, Na lamleet va, naupang neute bang na hung hih louh uleh, vaan lalgam ah na luut het sih diing uh.

MATTHAI 19:14

Hizongleh Jesu’n, Naupangte chu ka kawma a hung diing uh phalsah unla, khap sih un; vaan lalgam, chu huchibang mite a ahi ngal a, a chi a.

MARK 10:15

Chihtahzetin ka hung hilh ahi, Mi koipouh naupang neu banga Pathian gam sang lou chu, a sungah a luut het sih diing, a chi a.

LUKE 18:17

Chihtahzetin ka hung hilh ahi, Koi hizongleh Pathian gam naupang neute banga kipaahpih lou chu a sungah a luut hial sih diing, a chi a.

ROMETE 6:4

Hujiahin Pa loupina in misi laha kipan Khrist a kaihthoh banga eihaw zong hinna thah a i hin theihna diingin a sihna ah baptisma in amah toh vui in i um uhi.

KORINTHTE I 14:20

Unaute, heetsiamna lamah naupang sih unla, hizongleh giitlouhna lamah chu naupang un; heetsiamna lamah piching un.

EPHESITE 2:21

Amah ah chu inn lam zousiah kituaahtah a suhtuah in, Lalpa ah biahinn siangthouin a khang tou ahi.

EPHESITE 4:15

Hizongleh lungsiatna a thutah soi in, sil zousiah ah amah ah i khang tou thei zaw diing hi, amah chu lutang ahi, Khrist chu.

THESSALONIKATE II 1:3

Unaute, na ginna uh nasatah a a khanlet a, na bawnva na kilungsiattuahna uh a punsem jiahin, na tung thu vah, hihtuaah ahih mahbangin, Pathian kawma kipaahthu soi zing diing mawng ka hi uhi.

PETER I 1:23

Chi sethei laha hilou in, chi sethei lou, Pathian thu kumtuang a hing zing leh um zing laha piangthah na hi zaw uhi.

PETER II 3:18

Hizongleh i Lalpa leh Hundampa uh Jesu Khrist hehpihna leh heetna ah hung khang lian un. Amah kawmah tu leh kumtuang in loupina um hen. Amen.