PETER I 2:16 - Thuhun Thah (BSI)

¹⁶ Mi zalente bangin, huleh na zalenna u’chu giitlouhna khuhkhumna diing a zang louin, hizongleh Pathian suaahte bangin um un.

PETER I 2:16 Iomraidhean Croise

MATTHAI 23:13

Hizongleh nanguh lehkhagialtu leh Pharisai lepchiahte aw, na tunguh a gih hi! vaan lalgam lampi mite na khaahsah va; nanguh lah na luut ngal sih va, mi a luut diingte lah na luutsah sih uhi.

JOHN 15:22

Kei hunglou a, a kawmva thu soilou hileng sualna nei lou diing hi va, hizongleh tuin chu a sualna uh khuh na diing a neita sih uhi.

ROMETE 6:18

Suala kipan hahdoha um in, dihtatna suaahte na hung hita uhi.

ROMETE 6:22

Hizongleh tuin sual apat zalensaha um a, Pathian suaahte na hung hih nungun, sianthouna khopin na gah uh na nei va, huleh a tawpna ah kumtuang hinna toh.

KORINTHTE I 7:22

Ajiahchu suaah hihlaia Lalpa a kouh chu, Lalpa mi zalen ahi; huchimahbangin zalen hihlai a kouh zong Khrist suaah ahi.

GALATIATE 5:1

Hujiahin suaah hi nawn lou diing a Khrist in ahung zalensahna ah ding kip unla, suaah ngawngkol ah taang kiit nawn sih un.

GALATIATE 5:13

Ajiahchu, unaute, zalen diing a kou na hi uh a, na zalenna uh tahsa diing a lemtaanna in zang sih unla, lungsiatna in khat leh khat nna kitohsah zaw un.

EPHESITE 6:6

Mihing kipaahsah diing a mitmei chauh veeng hilou in, Khrist suaah bang a lungtang a Pathian deihzawng bawl zaw in:

KOLOSSITE 3:24

Lalpa kawm apatin kipaahman diing gou chu na mu diing uh chih he in; ajiahchu Lalpa natohsah na hi uh.

THESSALONIKATE I 2:5

Ajiahchu bangmah chihin zong kimaitangphatna leh duhaamna thu aha ka zang ngei sih uh chih na he uh; Pathian ahung heetpihtu ahi.

JAKOB 1:25

Hizongleh koipouh zalenna daan bukim en a, hu a um zing a, mangngilhhaat thungaikhia hilou a, thu tongtu hizaw chu, hu mi chu a natoh ah vangpiah in a um diing hi.

JAKOB 2:12

Hujiahin zalenna daan a vaihawmsah diingte bangin thu soi unla, sil bawl un.

PETER II 2:19

Amahuh chu siatna suaah hipum in mite suaahtaatna thu a chiam veu uhi: mi zoh a a umna humah in amah chu suaah in a siam veu hi.

JUDE 1:4

Ajiahchu ma laipeh a hih siamlouhna tang diing a guatsa, Pathian ngaihsah lou leh, i Pathian uh hehpihna chu huuhna suaahsah a, huleh Lalpa Pathian khat chauh um leh, i Lalpa uh Jesu Khrist gingta lou, a guuh a hung luut mi koite aha a um uhi.