PETER I 2:12 - Thuhun Thah (BSI)

¹² Sil gilou bawlte bang a ahung soisiat chiang va, na natoh hoih uh a muhte uh jiaha veha a um ni chiang va Pathian a paahtawi theihna diingun, Jentelte lahah na gamtatdan uh kilawmtahin um un.

PETER I 2:12 Iomraidhean Croise

MATTHAI 10:25

Nungjui chu a houtu banga ahung um a, suaah chu a pu banga ahung um a hun ahi. Amahun inn neitupa bawn Beelzebul a chih uleh, a innkuante chu bang chituhin ahiai a chih taah diing uh?

MATTHAI 5:11

Mi’n keimah jiaha ahung housiat va, ahung soih va, zuau a gilou chintenga ahung heeh hun chiangun na hampha uhi.

MATTHAI 5:16

Hutobangin na vaah uh mi mitmuh in vaah heh, huchi'n amahun na natoh hoihte uh a mu diing va, na Pa uh vaan a um chu a paahtawi thei diing uhi.

MATTHAI 9:8

Hizongleh mipi’n huchu a muh un, thum ah a sa va, huchibang bawltheihna mihingte kawma petu Pathian a paahtawita uhi.

LUKE 1:68

Israel Lalpa Pathian chu paahtawi in um heh; ajiahchu ama’n a mite ahung kana, ahung tanta hi,

LUKE 19:44

Huleh nang leh na sunga na tate tualsaatna’n ahung nei diing va, na sungah suang khatbeeh kithuap in a nuse sih diing uh; ahung kiveh lai nite na heet louh jiahin, chi'n.

LUKE 6:22

Mihing Tapa jiaha mite’n ahung muhdah va, a lahva kipana ahung nohdoh va, ahung tai va, huleh na min uh hoihlouchia ahung pampaih chiangun na hampha uh ahi;

JOHN 13:31

Hujiahin, a pawtdoh nungin Jesu’n, Tuin chu mihing Tapa paahtawi in a umta, huleh Pathian zong amah ah paahtawi in a um hi.

SILBAWLTE 15:14

Pathian in amah min paw diing a, a lah vapat mi honkhat ladoh diingin a masa in Jentelte a veh hi chih thu Simeon in a soita hi.

SILBAWLTE 24:13

Huin zong ahung heehnate uh kichiantahin a bul a suikhe thei sih uhi.

SILBAWLTE 25:7

Huleh amah ahung tunin, Jerusalem akipan hungsuh Judate chu a kiimah a ding va, a tungah thubuai tampi soi in, setahin a heeh va a thu dihtah chu a ensah thei tuan sih uhi.

SILBAWLTE 28:22

Hizongleh na ngaihdan chu nangmah apat ka ja nuam uhi; ajiahchu hi pawl hi gam chin a soisiat a, a um uh ka he uhi, a chi va.

ROMETE 12:17

Koimah giitlouh giitlouhin thuh sih un. Mi zousiah mitmuh ah sil kilawm bawl diing tum un.

ROMETE 13:13

Suuna um bangin dihtahin i um diingun; huhel leh zukham buai a um louin, huuh leh kingaihhaat a um louin, huleh kihau leh kithangsiat a um louin.

ROMETE 14:18

Hujiahin koipouh hi silte a Khrist natong chu Pathian kipaahpih leh, mihing paahtaat in a um veu uhi.

ROMETE 15:9

A khotuahna jiaha Jentelte’n Pathian a paahtawi theihna diingun; Hikhu jiahin Jentelte lahah ka hung paahtawi diing a, na min phatin la ka sa diing hi, chih gelh bangin.

KORINTHTE I 14:25

Huchi'n a lungtang thuguuhte chu suhlat in a umta diing a; huleh khupboha puuhin Pathian a be diing a; na lahvah Pathian a um tahzet hi chi'n a soisawn diing hi.

KORINTHTE II 1:12

Bang jiahin ahiai i chih leh ka suan u’chu hikhu ahi, ka sialepha heetna uh hung heetpih, sianthouna leh Pathian dihna nei in, tahsa pilna a hilouin, Pathian hehpihna a hi zaw in, khovel ah, huleh a diahkhol inchu nangu lamah ka khohei uhi.

KORINTHTE II 13:7

Huleh silgilou na bawl louhna diingun Pathian kawmah ka ngen hi; huchu keiuh deihhuai a ka kilat theihna diing uh ahi sih a, nangun keiuh deih louh hitamah le’ung, a kilawm photmah na bawl theihna diing uh ahi zaw hi.

KORINTHTE II 8:21

Lalpa mitmuh chauh ah hilouin, mihing mitmuh ah zong sil kilawm ka ngaihtuah jel uhi.

EPHESITE 2:3

Hute lahah eiuh zong tumalaiin i tahsa utna ah, i tahsa leh i lungsim deihzawng supiching in i um va; huleh mi dangte banga piandan mawng a lungthahna tate i na hi uhi.

EPHESITE 4:22

Na nidanglai umdan va mihing lui, heemna duhgawlna banga hoihlou deuhdeuh chu hawhkhia unla.

PHILIPPITE 1:27

Na umdan uleh Khrist tanchinpha kituaahsah phot un; hunga nanguh ka hung muh ahiai, ahihlouhleh ka um louha zong na tanchin uh, hagau khat a na dinkipdan uleh, lungsim khat nei a, tanchinpha thuginna a na pandan uh ka jah theihna diingin;

PHILIPPITE 4:8

A tawppen in, unaute, thutah photmah, sil zahum photmah, sil dih photmah, sil siangthou photmah, sil hoih photmah, a thang kilawm photmah; hoihna bang a um a, paahtawina bang a um leh, hi silte ngaihtuah un.

THESSALONIKATE I 4:12

Huchi'n polam mite lama kilawmtah a na um theihna diingun leh, bangmah taahsap na neih louhna diingun.

TIMOTHI I 2:2

Kumpipate leh thuneihna mun a um zousiahte a diingin zong; huchia Pathian ngaihsah leh zahumtah a hinkhua kituaah leh hamuanhuai i man theihna diingun.

TIMOTHI I 4:12

Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 5:10

Sil hoih bawl lam a mi paahtawi a um a; tate khoi lian a, mikhualte na zintun a, misiangthoute keeng na silta a, mi gimthuaahte na panpihta a, sil hoih photmah thanuamtaha na bawl zou ahihleh.

HEBRAITE 13:18

Keiuh diingin hung haamteisah un; ajiahchu sil bangkimah dihtaha gamtat utin sialepha heetna hoihtah ka nei uh chih ka gingta uhi.

HEBRAITE 13:5

Na umdan u’chu sumngaihnatna tellou hi heh; na sil neih tungvah lungkim un; ajiahchu ama’n, Bangma chihin ka hung nuse sih diing a, tai zong ka hung taisan sih diing hi, a chi hi.

JAKOB 3:13

Na lahva koi ahiai pila thu hethei um? thunuaigolhtah leh piltahin a silbawlte chu umdan hoih in ensah heh.

PETER I 2:15

Ajiahchu na silhoih bawl va mingolte ngolna na suhdaih uh Pathian deihzawng tah ahi.

PETER I 3:16

Khrist a na gamtatdan hoih uh dihloutah a hung demte, silgilou bawl banga ahung soisiatna va a zum theihna diingun sialepha heetna hoihtah nei un.

PETER I 4:11

Mi koipouh in thu a soi leh Pathian kam a thupawt bangin soi heh; mi koipouh in thu na a toh leh Pathian in haatna a piah bang jelin tong heh, Jesu Khrist jala Pathian chu sil bangkima paahtawia a um theihna diingin, Amah kawmah kumtuang kumtuang in paahtawina leh lalna umta hen. Amen.

PETER II 3:11

Hu silte zousiah chu huchia beimang diing ahi chih he in, umdan siangthou leh Pathian ngaihsahna lam photah mi bangchi hi diing na hi viai mah?