PETER I 2:1 - Thuhun Thah (BSI)

¹ Huchihjiahin giitlouhna zousiahte, heembawlna zousiahte, lepchiahnate, kithangsiatnate, huleh kisoisiatna zousiahte tawpsan unla.

PETER I 2:1 Iomraidhean Croise

MATTHAI 15:7

Nanguh milepchiahte aw, Isai in, na tungtaang thu uh ana soilawh kha ngeel hi.

MATTHAI 23:28

Hutobangmahin nanguh zong polama mihing mitmuh in, dihtat bangin na lang va, hizongleh na sunglam uh chu lepchiahna leh giitlouhna in a dim hi.

MATTHAI 24:51

Huleh amah chu tum nih suah in, milepchiahte tan bang a tangsah diing a; huah chu kah leh hagawi a um diing hi.

MATTHAI 7:5

Nang milepchiah, nangmah mit apat innkam chu lakhe masa in; huchi’n na unau mit a chiangthem laahdoh diing chu na muchian thei diing hi.

MARK 12:15

Pe diing ka hi viai, ahihlouhleh pe lou diing ka hi viai? a chi va. Hizongleh ama’n a lepchiahdan uh a he a, a kawmvah, Bang diinga hung ze-et na hi viai? makhai khat hung tawi un, ka en diing, a chi a.

LUKE 11:44

Nanguh lehkhagialtu leh Pharisai lepchiahte haw, na tunguh a gih hi! ajiahchu nangun hi haankhuuh, mi’n haan ahihlam he loua a tung a a va pai veunate bang na hi uh, a chi a.

LUKE 12:1

Huchiah laia mipi simseeng louh khat leh khat kituanchil khop hiala ahung kikhop laiun, ama’n a masapenin a nungjuite kawmah, Pharisaite tol, lepchiahna lahah kiveeng un.

LUKE 6:42

Nangmah mit a innkam mu loupi a, na unaupa kawma, Unaupa, na mit a niinthem um hung lakhesah in, bangchi a chithei na hiai? Nang milepchiah, na mit a inkam um chu lakhe masa in, huchileh na unaupa mit a niinthem laahkhiah diing chiantahin na mu thei diing hi.

JOHN 1:47

Jesu in Nathanael a kawm zuana chiah a mu a, a kawmah, En un, giitlouhna nei lou, Israel mitah chu, a chi a.

ROMETE 1:29

Dihtat louhna zousiah, kingaihna zousiah, giitlouhna zousiah, duhaamna zousiah, kimuhdahna zousiaha dim in: thangsiatnate, tualthahnate, kinialnate, kihemnate, mi siatna diing ngaihtuahnate in a dim va,

KORINTHTE I 14:20

Unaute, heetsiamna lamah naupang sih unla, hizongleh giitlouhna lamah chu naupang un; heetsiamna lamah piching un.

KORINTHTE I 5:8

Hujiahin gual vaahna nei nihang, tol lui toh chu hilou in, nunsia leh giitlouhna tol toh zong hilou in; hizongleh tahna leh dihna tanghou tol sohlouh toh i nei zaw diing uhi.

KORINTHTE II 12:20

Bang jiahin ahiai i chih leh ka hung chianga nanguh ka hung muh diing banga ka hung muh louhkha diing leh, kei na hung muh louh diing bang va na hung muh khaah diing ka lau hi; huchilou inchu kinialnate, kithangsiatnate, lungthahnate, kikhinnate, kisoisiatnate, kiguuhhounate, uanghaamnate, huleh buainate ahung umkha diing hi.

EPHESITE 4:31

Khaatnate, lungthahnate, hehnate, haanate, kisoisiatnate, hite zousiah na lah vapat koihmang in umta heh, giitlouhna zousiah toh;

THESSALONIKATE I 2:3

Ajiahchu, ka thusoi uh zuau a pawt ahi sih a, sianglou a pawt zong ahi sih a, huleh heembawlna in zong ahi sih;

TIMOTHI I 3:11

Huchimahbangin a jite u’zong mi zahum ahih ngei diing uh ahi, kamtam lou, kisuumthei, sil zousiah a ginum ahi diing uh ahi.

TITA 2:3

Piteehte zong huchibangmah in siangthouna toh kilawma gamta diing leh, dihloutaha miheeh haat leh uain haite hilou a, sil hoih hilhtute hi diingin hilh in.

HEBRAITE 12:1

Huchihjiahin eiuh zong heetpihtu meipi nasatah uum kiimvel a i um uh he in, ahung gihsah photmah leh, sual eimaha belh zing chu i koihkhe diing va, i ma a kitaidemna um ah kuhkaltahin i tai diing uh,

JAKOB 1:21

Huchihjiahin bolhhoh zousiah leh giitlouhna dimlet chu koihmang unla, na hinna uh hundam thei thu kipsa chu thunuailuuttahin pom un.

JAKOB 3:14

Hizongleh na lungtang va thangsiatna nasatah leh kinialna na neih uleh, uang sih unla, thudih zuausan sih un.

JAKOB 4:11

Unaute, khat leh khat kisoisetuah sih un. Mi a unau soisia a, huleh a unau soisel chu daan soisia a, daan vaihawmkhum ahi; hizongleh daan na soisel inchu, daan juitu na hi sih a, vaihawmtu na hi zaw ahi.

JAKOB 4:5

Hagau eimaha teengin thangse khopin ahung deih hi chih, Pathian lehkhathu in a mawh soi hi diing a gingta na hi u'maw?

JAKOB 5:9

Unaute, khat leh khat kiphunsan sih un, siamlouh tansah in na umkha diing uhi; ngai un, vaihawmtu chu kotkhaah bulah a um ahi.

PETER I 2:16

Mi zalente bangin, huleh na zalenna u’chu giitlouhna khuhkhumna diing a zang louin, hizongleh Pathian suaahte bangin um un.

PETER I 2:22

Ama’n chu sual mawngmawng a bawl sih a, huleh a kam ah zong heemthu a kimu sih hi.

PETER I 3:10

Bang jiahin ahiai i chih leh, hinna deih leh, ni hoihte muh ut in gilou apat a lei veeng henla, a muuh zong heemthu soilou diingin veeng hen.

PETER I 4:2

Ahun umna laiteng tahsa a mihing utna lam banga hingta lou a, Pathian deihzawng a a hinzawh na diingin.

PETER I 4:4

Hu ah chu amahuh nopbawl luatna banga na bawlve louh uh thumah a sa va, nanguh ahung soise veu uhi.

THUPHUANDOH 14:5

Huleh a kam vah zuau thu a um sih a; Pathian laltouphah ma ah soisel bei in a um uhi.