PETER I 1:7 - Thuhun Thah (BSI)

⁷ Na ginna etkhiahna u’chu, sana mei a etkhiah ahih nung a zong mangthang jel sanga luul zaw, Jesu Khrist hung kilaahni chianga paahtawina leh, zahbawlna leh, loupina a muh a, a um theihna diingin.

PETER I 1:7 Iomraidhean Croise

MATTHAI 19:28

Huin Jesu’n a kawmvah, Chihtahzetin ka hung hilh ahi, Siamthahna ah, mihing Tapa a loupina touphah a, a tou chiangin nanguh kei hung juite chu Israel nam sawmlenihte vaihawm in laltouphah sawmlenih ah na tou saam diing uhi.

MATTHAI 25:21

A pu in a kawmah, Suaah hoih leh ginum, na bawl hoih hi; sil tawmtakhat tungah na ginum a, sil tampi tungah thuneitu in ka hung koih diing hi; na pu kipaahna ah luut in, a chi a.

MATTHAI 25:23

A pu in a kawmah, Suaah hoih leh ginum, na bawl hoih hi, sil tawmtakhat tungah na ginum a, sil tampi tungah thuneitu in ka hung koih diing hi; na pu kipaahna ah luut in, a chi a.

LUKE 12:33

Na neih pouh uh zuah unla, migentheite kawmah pia un; vaan ah guta chiah louhna leh, leikha neehsiat louhna ah, dangka ip lui thei lou leh gou sethei lou kikhol zaw un.

LUKE 17:30

Huchimah bangin mihing Tapa hung kilaah ni chiangin ahi diing hi.

JOHN 12:26

Koipouhin ka nna a toh leh hung jui heh; ka umna ah ka suaahpa zong a um diing ahi; mi koipouh in ka nna a tohleh ka Pain amah a kipaahpih diing hi.

JOHN 5:44

Nanguh, khat leh khat kipaahtawituahna ngaina a, Pathian chauh a kipan a hung pawt paahtawina hawl loute’n bangchi’n na gingta thei diviai?

SILBAWLTE 8:20

Hizongleh, Peter in a kawmah, Na sum nangmah toh mangkhawm heh, Pathian silpiah dangka sum a lei na tup jiahin.

ROMETE 2:10

Hizongleh silhoih bawl photmahte kawmah chu loupinate, paahtawinate, huleh hamuanna te piah ahi diing; Judate kawmah piah masat ahi diing a, huleh Grikte kawmah zong piah ahi diing hi.

ROMETE 2:29

Hizongleh a sungnung lam a Judami hi chu Judami tah ahi; huleh zehtan tah chu lungsim lam a tan ahi, lehkha thu mai a hilouin, hagau ah ahi; amah paahtaat loh chu mihing apat ahi sih a, Pathian apat ahi zaw hi.

ROMETE 2:7

Sil hoih bawl a kuhkaltaha pang a, loupina leh paahtawina leh manthai theih louhna hawl mite kawmah kumtuang hinna a pe diing a;

ROMETE 8:19

Ajiahchu silsiam zousiah in kinem mahmahin Pathian tate kilatna diing a ngaahlah mahmah uhi.

KORINTHTE I 3:13

Michin natoh chu ahung kisulang diing hi; ajiahchu a ni in a phuangdoh diing hi, mei a sulat hi diing ahihjiahin; huleh mei in mi chin natoh chu bangchi bang ahiai chih a suchian diing hi.

KORINTHTE I 4:5

Hujiahin a hun ma in, Lalpa hung masiahin, bangmah enkhe sih un, ama’n chu mial a sil kiphualte vaah ah ahung podoh diing a, huleh lungtang a ngaihtuahte zong ahung sulang diing hi; hu hun chiangin michin in Pathian phatna a tang chiat diing uhi.

JAKOB 1:12

Ze-etna thuaah teitei mi chu a hampha hi, bang jiahin ahiai i chih leh etkhiah a a um zoh chiangin Lalpa’n amah lungsiattute kawma piah a chiam, hinna lallukhuh chu a mu diing hi.

PETER I 1:13

Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;

PETER I 1:5

Hun nunung chianga kilang diing hutdamna mu diing a ginna jala Pathian silbawltheihna a kol na hi uhi.

PETER I 2:4

Amah, mite deih louh, hizongleh Pathian teel leh luul suangpi hing kawm a banga hung in,

PETER I 2:7

Hujiahin nanguh a gingtate diingin amah chu a luul ahi; a gingta loute diingin chu, inn lamtute suang deih louh, hu ngei chu a ning a suang poimohpen ahung hita hi,

PETER I 4:12

Deihtahte, nanguh ze-et diinga na tungva ze-etna hung tung chu sil limdang bang aha hung tung bangin ngaihtuah sih un;

PETER I 4:13

Hizongleh Khrist thuaahnate kikoppih na hih jiahun kipaah un; huchi'n a loupina ahung kilat chiangin nanguh zong naahpitaha nuamin na kipaah thei diing uh.

PETER I 5:1

Na lahva upa umte chu, kei na upa hihpih uleh, Khrist thuaahna heetpihtu leh, loupina hung kilang diing zong tanpihtu in ka hung hasot hi;

PETER II 1:1

Simon Peter, Jesu Khrist suaah leh sawlleh in, Pathian leh i Hundampa Jesu Khrist dihtatna jala ginna manpha i tan bang tangte kawmah:

PETER II 1:4

Hujiahin thuchiam manpha leh loupi mahmah chu ahung pia hi: huchi'n utna jiaha khovela siatna um chu taikhiahsan in Pathian hinna kikoppihte na hung hi thei diing uhi.

PETER II 3:14

Hujiahin deihtahte, hu silte kineppih na hi uh chih he in, niin baang lou leh dembei a, hamuangtah a ana um a muh na hih heetna diingun thanop suahun.

JUDE 1:24

Huchi'n na puuh louhna diing va nangu hung veengbit thei leh, a loupina ma a nasataha nuamsa a soiselbei a nanguh hung koih theipa,

THUPHUANDOH 1:7

En in, meipi toh ahung kum hi; mit chintengin amah a mu diing hi, amah suntute ngei inzong; huleh leia nam zousiah amah jiahin a kap diing uhi. Huchi hihen, Amen.

THUPHUANDOH 2:10

Na hung sil thuaah diingte lau sin; ngai in, etkhiah a na um theihna diingun diabol in na lahva khenkhat chu suangkul aha hung khum diing a, ni sawm sung gimthuaahna na nei diing uh; sih tanphain ginum in, huchi'n hinna lallukhuh ka hung pe diing hi.

THUPHUANDOH 3:10

Ka kuhkalna thu na kol zing jiahin leitung a um mite etkhiahna diinga khovel pumpi a hung tung diing heemna hun a kipanin ke'n zong ka hung veengbit diing hi.

THUPHUANDOH 3:18

Na hung hauhsat theihna diingin sana mei a haalchiim leh, na saguah zumhuaina a kilat louhna diing a na silh diing puanvaam leh, na muhtheihna diing a na mit na nuh diing mitna lou ka kawma apat lei diingin ka hung deihsah hi.