PETER I 1:6 - Thuhun Thah (BSI)

⁶ Huah chu nasatahin na kipaah va, tuin tomkhat sung a poimoh leh, ze-etna jat tuamtuam in lungkham tadih mahleh u’chin;

PETER I 1:6 Iomraidhean Croise

MATTHAI 11:28

Nanguh tonggim leh puaahgih pote zousiah ka kawmah hung un, keima’n khawldamna ka hung pe diing hi.

MATTHAI 26:37

Huleh ama’n Peter leh Zebedi tapate nih a pui a, lungsim in a mangbangta a.

MATTHAI 5:12

Nuam unla, nasatahin kipaah un; vaan ah na kipaahman diing uh a tam mahmah ngal a; na ma va zawlnei umte zong hitobangin ana sawi veu uhi.

LUKE 1:47

Huleh ka hagau chu ka Hundampa Pathian tungah a nuam hi.

LUKE 10:20

Himahleh dawite na thuthu va a um jiahin kipaah sih unla, vaan a na min uh gelh ahihjiahin kipaah zaw un, a chi a.

LUKE 2:10

Huin angel in a kawmvah, Lau sih unla, ngai un, mi chin a diingin thupha kipaahhuai mahmah nanguh ka hung puaah hi.

JOHN 16:22

Hujiahin tuin lunggimna na nei uh ahi; hizongleh nanguh ka hung mu kiit diing a, na lungtang ah a kipaah diing; huleh na kipaahna ah koima’n ahung laahsah sih diing hi.

JOHN 16:33

Keimaha hamuanna na neihna diingun hi thute na kawmvah ka soi ahi. Khovel ah gimthuaahna na nei diing uh; hizongleh kipaahtahin um un, ke’n khovel ka zouta hi, a chi hi.

SILBAWLTE 14:22

Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi.

ROMETE 12:12

Kinepna a kipaah zingin; gimthuaahna ah hahkat un; haamteina a kuhkal zingin;

ROMETE 5:11

Huchi chauh zong ahi sih a, tu a tatna i muhna i Lalpa uh Jesu Khrist jalin Pathian ah zong i kipaah uhi.

ROMETE 5:2

Amah jal mahin hi i dinkipna hehpihna huang ah ginna a luut theihna i neita uhi; huleh Pathian loupina a kinemin kipaahin zong i um uhi.

ROMETE 9:2

Ka lungtangah hahsatna nasatah leh lungngaihna daai thei lou ka nei hi.

KORINTHTE II 4:17

Bang jiahin ahiai i chih leh miphetkal sung chauh ka gimthuaahna uh jangtakhat in kumtuang loupina gihtah mai na sa zawsem ahung bawlsah zing hi.

KORINTHTE II 6:10

Lungkhamtah bangin, kipaah zing ngal in; genthei bangin, mi tampi hausah ngal in; bangmah nei lou bangin, sil zousiah nei ngal in.

GALATIATE 5:22

Hagau gah ahihleh, lungsiatna, kipaahna, hamuanna, thuaahtheihna, jainemna, hoihna, ginumna,

PHILIPPITE 2:26

Bang jiahin ahiai i chih leh, na bawnun ahung ngai mahmah a, a damlouh thu na jah jiahun a lungkham mahmah hi.

PHILIPPITE 3:3

Ajiahchu ei u’chu hagau a Pathian bia zehtante i hi a, huleh Khrist Jesu ah i nuam mahmah a, tahsa ah chu suan diing i nei sih hi.

PHILIPPITE 4:4

Lalpa ah kipaah ngiitngeet un; ka chi jel diing, Kipaah un.

THESSALONIKATE I 1:6

Huleh hahsatna thuaahpum in, Hagau Siangthou a kipaah kawmin thu chu pom in, kei uleh Lalpa juite na hi uhi.

JAKOB 1:2

Ka unaute, ze-etna chituamtuam na tuaah chiangun nuamna ngenin ngai un;

JAKOB 1:9

Daikawmkal a um unau chu paahtawi a, a um jiahin kipaah heh;

JAKOB 4:9

Hahsa sa unla, lungdong unla, kap un; na nuihna uh lungdonna suaah henla, na nuamna uh dahna suaah heh.

PETER I 3:17

Bang jiahin ahiai i chih leh Pathian lemsah ahih inchu, silgilou bawl jiaha thuaah sangin silhoih bawl jiaha thuaah a hoihzaw hi.

PETER I 4:7

Hizongleh sil zousiah tawpna diing chu a naita hi; hujiahin lungsim dihtah pua unla, haamtei kawmin pilvaang un.

PETER I 5:10

Hizongleh Khrist Jesu mang a kumtuang loupina tang diing a eiuh hung koupa, hehpihna Pathian in, tomkhat sung na thuaah nungun nanguh ahung hoihbukimsah in, ahung sukip in, ahung suhaat in, ahung umdetsah diing hi.