PETER I 1:3 - Thuhun Thah (BSI)

³ Misi laha kipana Jesu Khrist thohkiitna jiaha a khotuahna loupitah dungjui a kinepna hing tang diing a eiuh hung hingkhe kiitpa Pathian leh i Lalpa uh Jesu Khrist Pa chu phat in um hen,

PETER I 1:3 Iomraidhean Croise

JOHN 1:13

Hute chu sisana piang ahi sih va, tahsa deihdana piang zong ahi sih va, huleh mihing deihdana piang zong ahi het sih uh; hizongleh Pathiana piang ahi zaw uhi.

ROMETE 12:12

Kinepna a kipaah zingin; gimthuaahna ah hahkat un; haamteina a kuhkal zingin;

ROMETE 15:13

Hagau Siangthou silbawltheihna jiaha kinepna na hauh theihna diingun kinepna Pathian in ginna a kipaahna leh hamuanna chintengin hung sudim hen.

ROMETE 4:25

Hu Jesu chu i tatsualnate jiahin piahkhiahin a um a, huleh siam i tanna diingin kaihthohin a um hi.

ROMETE 5:10

Ajiahchu meelma i hih laia bawn a Tapa sihna jiaha Pathian toh kilemta i hih unchu, kilema i um zohnung un a hinna jiahin hutdam in i um ngei diing uhi.

ROMETE 8:11

Hizongleh misi laha kipana Jesu kaithoupa Hagau nanguh a a um inchu misi laha kipana Khrist kaithoupa’n nanguh a um Hagau jiahin na sapum uh sitheite zong a suhing diing hi.

ROMETE 8:24

Bang jiahin ahiai i chih leh kinepna in ahi hutdama i um uh; hizongleh muhsa zinga kinep chu kinepna ahi sih hi; mi’n a muhsa zing ah bang diingin a kinem nalailai diviai?

KORINTHTE I 13:13

Huleh tuin ginna toh, kinepna toh, lungsiatna hiteng thum a um zing hi; hizongleh hiteng laha lianpen chu lungsiatna ahi.

KORINTHTE I 15:20

Hizongleh tu’n Khrist chu misi laha kipan kaihthoh in a umta a, ihmute laha gahmasapen ahung hita hi.

KORINTHTE II 1:3

Pathian, i Lalpa uh Jesu Khrist Pa ngei, khotuahna Pa leh lungmuanna zousiah Pathian chu paahtawi in um hen.

GALATIATE 6:16

Huleh hi daan banga umte tengteng tungah hamuanna leh khotuahna um hen, huleh Pathian Israelte tungah zong.

EPHESITE 1:17

I Lalpa uh Jesu Khrist Pathian, loupina Pa in amah heetna lam thu a pilna leh kilaahna hagau nanguh ahung piah theihna diingin;

EPHESITE 1:3

Vaanmunte a Khrist a hagaulam vangpiahna chinteng a vang hung pepa i Lalpa uh Jesu Khrist Pathian leh Pa chu phatin um hen:

EPHESITE 1:7

Amah ah a sisan jalin tatkhiahna i nei a, a hehpihna hauhdan dungjui a i sualnate ngaihdamna.

EPHESITE 2:4

Hizongleh Pathian, khotuahna haupa’n, a lungsiatna nasatah a eite ahung lungsiatna jiahin,

EPHESITE 3:20

Huchi'n eimaha tong jel silbawltheihna dungjui a i nget leh i ngaihtuah sanga loupizaw a bawltheitu kawmah,

KOLOSSITE 1:23

Ginna a na um zing va, kingahna nei a na kip va, huleh tanchinpha na jah uh kinepna apat na kitawlmang louh uleh; hu tanchinpha chu vaan nuai a silsiam zousiah kawma taangkoupih ahi a; kei Paul hu thunatongtu diing a siam ka hi.

KOLOSSITE 1:27

Hute kawmah Pathian in Jentelte laha hu thuguuh loupina hauhdan a hesah nuam mawng ahi; huchu, nanguh a Khrist um, loupina kinepna chu ahi.

THESSALONIKATE I 1:3

I Pathian leh Pa ma ah na ginna natohte uh, lungsiatna natohgimte uh, huleh i Lalpa uh Jesu Khrist a kinepna jiaha na hahkatnate uh bang mangngilh lou a he zing in,

THESSALONIKATE I 4:13

Hizongleh unaute, midang kinepna himhim neiloute banga na lungkham louhna diingun ihmute tungtaang na heet louh uh ka deih sih hi.

THESSALONIKATE II 2:16

Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n,

TIMOTHI I 1:14

Huleh i Lalpa uh hehpihna chu Khrist Jesu a um ginna leh lungsiatna in a dimlet ahi.

TITA 2:13

Hu kinepna kilawphuaitah, Pathian loupi leh i Hundampa uh Jesu Khrist hung kilatna diing loupitah chu ngaah in i um diing uh ahi chih ahung hilh hi;

HEBRAITE 3:6

Hizongleh Khrist chu Tapa bangin amah innsung ngei ah a ginum ahi; a tawp dong a i hahkatna uleh i kinepna kipaahna uh i tuuhdet phot uleh, a innsung mite i hi uhi.

JAKOB 1:18

A silsiamte laha a gah masa lawikhat i hihtheihna diingun, a utthu a thutah a ahung hin i hi uhi.

PETER I 1:13

Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;

PETER I 1:21

Amah jiahin misi laha kipana amah kaithoupa leh loupina pepa Pathian na gingta uhi; na ginna uleh na kinepna uh Pathian a ahih theihna diingin.

PETER I 1:23

Chi sethei laha hilou in, chi sethei lou, Pathian thu kumtuang a hing zing leh um zing laha piangthah na hi zaw uhi.

PETER I 2:2

Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

PETER I 3:15

Hizongleh na lungtang vah Lalpa Pathian chu hihsiangthou unla; huleh nanguha um kinepna jiah hung dong photmahte thunuaigolh tah leh laudansiam a dawng diingin bangchih laipouhin kipeih zing un.

PETER I 3:21

Hu lim etsahna in baptisma in zong tuin (tahsa nitna koihmang hilou in, Pathian lama sialepha heetna hoih suhlungkimna hizaw in) Jesu Khrist thohkiitna in ahung hundam hi.

PETER I 3:5

Ajiahchu hutobangmah in malai a numei siangthou, Pathian gingtate zong, amahuh pasalte thuthu a um in ana kichei uhi;

JOHN I 2:29

Amah chu midihtat ahi chih na heet uleh, michin dihtatna bawl photmah chu amaha piang ahi chih na he uhi.

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.

JOHN I 3:9

Mi koipouh Pathian a piangin sual a bawl ngei sih; ajiahchu a chi amahah a um hi; huleh Pathian a piang ahihjiahin sual a bawl thei sih hi.

JOHN I 4:7

Deihtahte, khat leh khat i kilungsiat diing uhi; ajiahchu lungsiatna Pathian a kuan ahi; huleh mi chin lungsiat siam photmah chu Pathian a piang ahi a, Pathian a he hi.

JOHN I 5:1

Mi koipouh Jesu chu Khrist ahi chih gingta chu Pathian a piang ahi; huleh koipouh a hingtu lungsiat inchu a hin zong a lungsiat veu hi.

JOHN I 5:18

Koipouh Pathian a piang chu a sual zing sih chih i he hi; hizongleh Pathian a piangpa in amah a kikola migiloupa’n a khoihkha sih hi.

JOHN I 5:4

Pathian a piang photmahin khovel a zou hi; huleh hikhu ahi khovel tunga gualzohna chu, i ginna ngei uh.