PETER I 1:25 - Thuhun Thah (BSI)

²⁵ Hizongleh Lalpa thu chu kumtuang in a um zing hi. Huleh hi chu na kawmva tanchinpha mang a thu kisoi chu ahi.

PETER I 1:25 Iomraidhean Croise

MATTHAI 5:18

Chihtahzetin na kawmvah ka soi ahi, Vaan leh lei a man masiah daan thu a sutvom neucha aha, thaivom neuchakhat zong a mang sih diing, a bawn a, a taangtun kim masiah in.

LUKE 16:17

Huleh daan thu neutakhat a man sangin vaan leh lei a bei a baihlamzaw hi.

JOHN 1:1

A chiilin Thu a um a, Thu chu Pathian kawmah a um hi, huleh Thu chu Pathian ahi.

JOHN 1:14

Huleh Thu chu sa ahung suaah a, i lahah a um hi, (Pa ta khat neih loupi bangin a loupi jia i mu uh) hehpihna leh thutah a dim.

KORINTHTE I 2:2

Bang jiahin ahiai i chih leh ke’n Jesu Khrist leh, amah kilhbeh a um thu chauhlou chu na lahvah bangmah dang heet ka tum sih hi.

EPHESITE 2:17

Huleh amah chu hungin, nanguh gamlapia umte kawmah lemna tanchinpha ahung soi a, huleh naitakhat a umte kawma zong ahung soi hi.

EPHESITE 3:8

Jentelte kawma Khrist hauhsatdan hawldoh seeng guallouh thute soi diing a kei misiangthoute zousiah laha neupen sanga neuzaw kawmah hi hehpihna chu piah ahi.

TITA 1:3

Hizongleh Pathian i Hundampa uh thupiah dungjui a ka kawma kolsaha um thu taangkoupihna jalin a huntah ah a thu chu suhlat in a umta hi.

HEBRAITE 6:5

Huleh Pathian thu hoih leh hun hung um diing a silbawltheihnate chiam haw chu,

PETER I 1:12

Vaan akipana Hagau Siangthou hung kisawlkhia panpiha na kawmva tanchinpha soitute’n amahuh diing chauh hilou in, eiu diingin tua na kawmva thu kisoisawnte nna a tong uh chih a kawmvah suhlat in a um hi; hu silte chu angelte’n zong etvel a ut uhi.

PETER I 1:23

Chi sethei laha hilou in, chi sethei lou, Pathian thu kumtuang a hing zing leh um zing laha piangthah na hi zaw uhi.

PETER I 2:2

Naungeeh suahthahte bangin na khantouh theihna diingun Pathian thu nawitui bangmah toh hal louh lunggulh un;

PETER II 1:19

Soilawhna thu kip zaw sem zong i nei uhi: khua ahung vaah a, na lungtang va jingsol aahsi ahung suaah masiah mun mial a vaah um a ngaihsah bang va na hih uleh na bawl hoih uh ahi diing hi.

JOHN I 1:1

A chiil apat a um, ka jahsa uh, ka mit va ka muhsa uh, ka etsa uh, huleh ka khutun zong a thamsa, hu hinna Thu chu;

JOHN I 1:3

Hu ka muhsa uleh ka jahsa u’chu na kawmvah ka hung hilh uhi, nangun zong na hung kipawlkhawmpih theihna diingun; huleh tahzetin eiuh kipawlkhawmna chu Pa toh, a Tapa Jesu Khrist toh ahi.

THUPHUANDOH 14:6

Huleh angel dang khat, leitung a teeng nam chin, phung chin, haam chin leh michin kawma taangkoupih diing kumtuang tanchinpha neia vaanlaizawl a leeng ka mu a.