PETER I 1:22 - Thuhun Thah (BSI)

²² Unaute tunga lungsiatna daai lou nei diing khopa Hagau jala thutah jui a na hagau uh na suhsiangthou taah jiahun, phatuamngaitahin khat leh khat lungtang siangthou in kilungsiattuah un.

PETER I 1:22 Iomraidhean Croise

JOHN 15:17

Hi thute nanguh ka hung pia hi, khat leh khat kilungsiat un.

JOHN 15:3

Huin nang u’chu na kawmva ka thusoi jiahin na siang uhi.

JOHN 17:17

Na thuin Amahuh susiangthou in; na thu chu thutah ahi.

JOHN 17:19

Amahuh jiahin ka kisusiangthou hi, thutah jala amah u’zong suhsiangthou a, a um theihna diingun.

SILBAWLTE 15:9

Huleh eihaw leh amahuh khentuam nei louin, ginna in a lungsim uh ahih siangthou hi.

SILBAWLTE 6:7

Huleh, Pathian thu ahung dalh a; Jerusalem khua ah nungjuite a pungta mahmah uhi; huleh siampute lahah zong mi tamtah ginna lam ah a thumangta uhi.

ROMETE 1:5

A min jiaha nam chin laha mi ginna lama thumangsah diingin amah vangin hehpihna leh sawlleh hihna i tangta uhi;

ROMETE 2:8

Hizongleh soihah a, thutah jui loua, dihtatlouhna juizote tungah chu hehnate leh lungthahnate a um diing,

ROMETE 8:13

Bang jiahin ahiai i chih leh tahsa daan a na um unchu na si diing uhi; himahleh sapum silbawlte Hagau a na suhlup jel unchu na hing diing uhi.

KORINTHTE II 6:6

Sianthouna in, heetna in, thuaahtheihna in, chitna in, Hagau Siangthou in, lungsiatna dihtahin,

GALATIATE 3:1

Aw Galatia mingolte, na lahva, na mitmuh ngei va Jesu Khrist chu kilhbeh a chiantah a kipuangta, hu thutah chu jui lou diing a kua’n hung bumngol ahitai?

GALATIATE 5:5

Ajiahchu kei un Hagau jalin ginna a siamtanna kinepna chu ka ngaah uhi.

GALATIATE 5:7

Hoihtahin na tai uh ka sa a, thutah jui lou diingin kua’n ahiai nanguh hung daal?

EPHESITE 4:3

Lemna gui a kaankhawm a Hagau kipumkhatna chu vom tinten in.

PHILIPPITE 1:9

Huleh heettheihna leh heetkhenna zousiah a na lungsiatna uh ahung tam semsem diing, hichu ka ngen ahi.

THESSALONIKATE I 3:12

Huleh nanguh lama lungsiatna ka hauh bangun, Lalpa’n nanguh khat leh khat kilungsiattuahna leh, mi zousiah na lungsiatna uh hung supung in, hung hausahta hen.

THESSALONIKATE II 1:3

Unaute, na ginna uh nasatah a a khanlet a, na bawnva na kilungsiattuahna uh a punsem jiahin, na tung thu vah, hihtuaah ahih mahbangin, Pathian kawma kipaahthu soi zing diing mawng ka hi uhi.

THESSALONIKATE II 2:13

Hizongleh unau, Lalpa deihtahte, Hagau suhsiangthouna leh thutah gintaatna jala hutdama um diing a, a tuung a kipat Pathian in nanguh ahung teel jiahin keiuh chu na tung thu vah Pathian kawmah kipaahthu soi zing diing mawng ka hi uhi.

TIMOTHI I 1:3

Makedonia gam a ka chiah diing kuan a, Ephesa khua a um zing diing a, mi khenkhat in kihilhna dihlou a hilh louhna diing uleh,

TIMOTHI I 1:5

Huleh thupiah kipiahnasan chu, lungtang siangthou leh, sialepha heetna hoih leh, ginna dihtah akipan lungsiatna neih ahi.

TIMOTHI I 4:12

Na naupanna koimah in musit sih heh; hizongleh haam kamsuaah ah, gamtatdan ah, lungsiatna lam thu ah, hagaulam thu ah, ginna thu ah, sianthouna lam thu ah, gingtute etton diing hizaw in.

TIMOTHI I 5:2

Piteehte chu nute bangin, nungaah deuhte chu sanggamnu bangin, siangthoutahin hasot in.

TIMOTHI II 1:14

Sil hoih na kawm a kolsaha um chu i sunga Hagau Siangthou um in kol hoih in.

HEBRAITE 11:8

Ginna in Abraham chu, a nung chianga gou a hung tan diing mun a chiah diing a kouh a, a um laiin a thumang a; huleh a chiahna lam diing zong he lou in a chiahdoh hi.

HEBRAITE 13:1

Unau kilungsiatna umsah zing un.

HEBRAITE 5:9

Huleh suhbukima hung um in, a thumangte zousiah diingin kumtuang a hutdamna siamtu ahung hita hi;

HEBRAITE 6:10

Ajiahchu a min a na natoh uleh, na lungsiatna suhlat uh, misiangthoute na natohsah va, huleh tua zong na toh zing u’chu mangngilh diingin Pathian chu a dihtatlou sih hi.

HEBRAITE 9:14

Khrist, kumtuang Hagau jala soiselbei a Pathian kawma kilaan sisanin Pathian hing nna tong diingin, silbawl sisa apatin na sialepha heetna uh bangchituhin a susiangthouta diai?

JAKOB 1:21

Huchihjiahin bolhhoh zousiah leh giitlouhna dimlet chu koihmang unla, na hinna uh hundam thei thu kipsa chu thunuailuuttahin pom un.

JAKOB 4:8

Pathian naih un, huchi'n ama’n ahung naih diing hi. Misualte, na khut uh silsiang un; lungsim mumal neiloute na lungtang uh susiangthou un.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

PETER I 2:17

Mi zousiah zahbawl un. Unaupihte lungsiat un. Pathian lau un. Kumpipa zahbawl un.

PETER I 3:1

Huchimahbangin, nanguh jite, na pasalte uh kawm chiatah kituluut un, huchi'n koiaha in thu gingta sih mahleh, thu lou a, jite gamtatdan a zohin a um thei diing hi;

PETER I 3:20

Hute’n nidanglai a Noah damlai a kuang bawl sung teng Pathian thuaahzohna in a ngaah laiin a thumang sih va, hu kuang ah mi tawmtakhat, huchu, mi giat tuia hutdam in a um uhi.

PETER I 3:8

A tawppen in, khat leh khat kilainattuah in, lungsim mun khat pua unla, hehpih siam unla, lungnem un;

PETER I 4:17

Ajiahchu Pathian innkuante lahah vaihawmna apat hun ahung tungta hi; huleh eiuh apat ahih inchu Pathian tanchinpha gingta loute tawpna chu bang ahita diai?

PETER I 4:8

Huleh sil bangkim tungah phatuamngaitahin kilungsiattuah chiat un; ajiahchu kilungsiatna in sualna tampi a khuhkhum hi.

PETER II 1:7

Na Pathian ngaihsahna vah unaute kideihsahna hal unla; huleh na unaute kideihsahna vah lungsiatna hal un.

JOHN I 3:11

Ajiahchu, a chiil apat a thuhaah na jah u’chu hikhu ahi, khat leh khat i kilungsiat diing uh ahi, chih.

JOHN I 3:23

Huleh a thupiah chu hikhu ahi. Eihaw’n a Tapa Jesu Khrist min i gintaat a, huleh thu ahung piah banga khat leh khat i kilungsiat diing uh ahi, chih.

JOHN I 4:12

Mi koimah in bangchihmahin Pathian a mu ngei sih hi. Eihaw khat leh khat i kilungsiat leh Pathian eimah ah a um zing a, a lungsiatna zong eimah ah a bukim ahi.

JOHN I 4:20

Mi’n Pathian ka lungsiat, chi ngal a, a unau a muhdah inchu, mizuau ahi; ajiahchu a muh gegu a unau bawn lungsiat loupi’n a muh louh Pathian bangchi’n a lungsiat thei diai?

JOHN I 4:7

Deihtahte, khat leh khat i kilungsiat diing uhi; ajiahchu lungsiatna Pathian a kuan ahi; huleh mi chin lungsiat siam photmah chu Pathian a piang ahi a, Pathian a he hi.

THUPHUANDOH 2:4

Hizongleh demna khat ka hung nei hi, na lungsiatna masapen na nuutsiat taah jiahin.