PETER I 1:20 - Thuhun Thah (BSI)

²⁰ Amah chu khovel kisiam ma pehin guatlawh in a um ngei a, hizongleh hi hun nunungte ah nanguh diingin suhlat in a umta hi.

PETER I 1:20 Iomraidhean Croise

MATTHAI 25:34

Huchiangin Kumpipa in chu a jiatlamate kawmah, Nanguh ka Pa deihsahte, hung unla, khovel siam chiil apata nanguh diing a kibawl gam chu luah un;

SILBAWLTE 2:23

Amah chu Pathian lemguat mawng leh heetlawh bangin piahkhiaha um in na pui va, misualte khut in kros ah na kilhbeh va, na sulumta uh;

ROMETE 3:25

Pathian thuaahtheihna jala malaia a sualnate uh kiheetmohbawla a um jiahin, a dihtatna etsahna diingin Khrist Jesu chu a sisana ginna jala sual thuphatawina hi diingin Pathian in a guat a;

ROMETE 8:29

Ajiahchu a heetlawhte chu amah tapa banga um diingin a guatlawh a; a tapa chu unau tampite laha ta masapen ahung hihtheihna diingin.

GALATIATE 4:4

Hizongleh a hunbi ching ahung tuntahin, Pathian in a Tapa, chu numei suanin, daan nuai a bawl in ahung sawlkheta hi,

EPHESITE 1:10

Hunbi khenna kim ahung hun chiang a amah ngei a vaan a sil umte leh, leitung a sil umte a bawna Khrist a khata a suhtuahkhawmna diingin,

EPHESITE 1:4

A ma a siangthou leh soiselbei a i um theihna diing a leilung pian ma a lungsiatna a Khrist a ahung na teel dungjuiin;

EPHESITE 3:11

I Lalpa uh Khrist Jesu a bawl a tup, a kumtuang silguat bang ngei in;

EPHESITE 3:9

Kumtuanga kipana Jesu Khrist mang a sil zousiah siamtu Pathian a phual a um thuguuh kiphual kipawlkhawmna chu mi zousiah musah diingin;

KOLOSSITE 1:26

Hu Pathian thu chu kumtuang a a khang a khang a thuguuh kiphual ana hi a, hizongleh tuin chu a misiangthoute kawmah suhlat in a umta hi.

TIMOTHI I 3:16

Huleh Pathian ngaihsahna thuguuh chu nial guallouh in a loupi ahi; Pathian chu tahsa in ahung kilang a, Hagau in siam a tang a, angelte’n a mu va, Jentelte kawma taangkoupih in a um a, khovel a gintaat in a um a, loupina a puitouh in a umta hi.

HEBRAITE 1:2

Hi ni nunungte ah a Tapa in i kawmah thu a soita hi, amah chu sil zousiah luahtu diingin a guat a, khovelte zong amah mah in a siam hi;

HEBRAITE 2:14

Huchi'n naupangte chu tahsa leh sisan tangkhawm ahih jiahun, amah ngei in zong hubangmah ahung tang hi; sihna jala sihna thuneitu, diabol, a suhmang theihna diingin leh;

HEBRAITE 9:26

Huchi hilouleh leilung siam chiil apat tampi vei a thuaahta diing hi; hizongleh tu huntawp ah amah chu sualna suhbeina diing a amah kipetawm diingin khatvei ahung kilangta hi.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

JOHN I 1:2

(Hu hinna chu a kilangta a, huchu ka muta va, ka heetpih uh, huleh hu kumtuang hinna Pa kawma um, ka kawmva suhlata um chu na kawmvah ka hung hilh uhi).

JOHN I 3:5

Huleh amah chu i sualnate uh lamang diing a hung kilang ahi chih na he uhi; amah ah chu sual himhim a um sih hi.

JOHN I 3:8

Sual bawl mi chu diabol a kuan ahi, ajiahchu diabol in a chiil apatin sual a bawl zing hi. Ajiahchu Pathian Tapa hung kilatnasan chu diabol silbawlte suse diingin ahi.

THUPHUANDOH 13:8

Huleh leitung a teeng zousiah, khovel siam chiil akipana thahsa Belaamnou hinna lehkhabua a min uh kigialloute’n amah a be diing uhi.