PETER I 1:19 - Thuhun Thah (BSI)

¹⁹ Hizongleh belaamnou demna bei leh niin baang lou sisan banga Khrist sisan luul a tat na hi zaw uhi.

PETER I 1:19 Iomraidhean Croise

MATTHAI 20:28

Mihing Tapa hilhial zong natohsaha um dinga a hung louha, natong diing leh mi tampi tatna diing a a hinna pe diing a a hung zawh mah bangin, a chi hi.

MATTHAI 26:28

Hichu sualnate ngaihdamna diing a mi tampite diinga pawt thuhun thah a ka sisan chu ahi.

JOHN 1:29

A jingni’n John in Jesu a kawm lama hungin a mu a, En un Pathian Belaamnou, khovel sualna pomangpa chu,

JOHN 1:36

Huleh Jesu vaahlehleh lai a mu a, En un, Pathian Belaamnou, a chi a.

SILBAWLTE 20:28

Hujiahin Pathian kouhtuam, Amah sisana a leite vaah diingin Hagau Siangthou in houtu a ahung siamna pawlte zousiah leh nanguh tungah pilvaang un.

ROMETE 3:25

Pathian thuaahtheihna jala malaia a sualnate uh kiheetmohbawla a um jiahin, a dihtatna etsahna diingin Khrist Jesu chu a sisana ginna jala sual thuphatawina hi diingin Pathian in a guat a;

EPHESITE 1:7

Amah ah a sisan jalin tatkhiahna i nei a, a hehpihna hauhdan dungjui a i sualnate ngaihdamna.

KOLOSSITE 1:14

Amah ah a sisan jalin tatdohna i mu hi, i sualna uh ngaihdamna ngei chu.

PETER I 1:2

Thumang diing leh, Jesu Khrist sisan theh tang diing a Hagau hihsiangthou jala Pa Pathian heetlawhna dungjui a teelte kawmah Hehpihna leh hamuanna na kawmvah suhkhang in umta hen.

PETER I 3:18

Ajiahchu Pathian kawma ahung pui theihna diingin Khrist in zong sualnate jiahin khatvei a thuaahta a, midih in midihlou luang in, tahsa in suhlup in a um a, hizongleh Hagau a suhhing in a um hi.

JOHN I 1:7

Hizongleh amah vaah a a um banga ei zong vaah a i um leh khat leh khat kipawlkhawmna i nei a, huleh a Tapa Jesu Khrist sisanin sualna zousiah apat ahung silsiang hi.

JOHN I 2:2

Amah chu i sualnate diing a thuphatawina ahi; eiuh sualna chauh hilou in, khovel pumpi sual thuphatawina zong ahi.

THUPHUANDOH 1:5

Huleh heetpihtu ginum, misi laha piang masapen leh, leia kumpipate vaihawmtu Jesu Khrist a kipan, hehpihna leh hamuanna na kawmvah um hen. Amah ei hung lungsiat a, i sualna apat amah ngei sisana hung silsiangtu leh,

THUPHUANDOH 14:1

Huleh ka en a, ngai in, Belaamnou, Zion taanga diing leh, a tal va a Pa uh min kigial chiat nuai khat leh siing li leh saang lite chu ka mu a.

THUPHUANDOH 14:5

Huleh a kam vah zuau thu a um sih a; Pathian laltouphah ma ah soisel bei in a um uhi.

THUPHUANDOH 5:6

Huleh ka et leh, ngai in, laltouphah leh silhing lite lai ah leh, upate laiah thahsa hileh kilawm Belaamnou, ki sagih leh mit sagih nei, ding ka muta a, hute chu Pathian Hagau sagih, leitung pumpi a sawlkhiahte ahi uhi.

THUPHUANDOH 5:9

Huleh amahun la thah khat a sa va, Nang chu lehkhabu la a, hua chiam chihnate phel taah na hi; ajiahchu thah in na um a, chi chin, haam chin, michin leh nam chin apat mite na sisanin Pathian a diingin na hung tanta a;

THUPHUANDOH 7:14

Ke’n a kawmah, Pu, nangma’n na he hi, ka chi a. Ama’n ka kawmah, Hite chu gimthuaahna nasatah apat hung pawtdohte ahi va, huleh a puan uh Belaamnou sisana sawp in a ngousahta uhi.