PETER I 1:17 - Thuhun Thah (BSI)

¹⁷ Huleh deihsahtuam nei lou a mi chin a natoh dungjui a vaihawmsahtu chu Pa chia kouna hih uleh, hitaha na vaithaam lai hun uh laudan siam in zang un:

PETER I 1:17 Iomraidhean Croise

MATTHAI 16:27

Mihing Tapa chu a Pa loupinna a angelte toh hung diing ahi ngal a; huchiangin michin a natoh bangjelin a thuh chiat diing hi.

MATTHAI 22:16

Huleh amahun a nungjuite uleh Herod pawlte a kawmah a sawl va, hute’n chu a kawmah, Houtupa, midihtah na hi a, dihtahin Pathian lam thu na hilh a, mi koimah khawhsah tuam na nei sih chih ka he uhi; ajiahchu koimah khentuam na nei sih hi.

MATTHAI 6:9

Huleh nanguh chu hichibangin haamtei un: Ka Pa uh vaan a um, na min kizahtaat heh.

ROMETE 11:20

Ahi, a gintaat louh jiahun ahi suhtana a um uh, huleh nang na ginna jiahin na diing ahi. Kiuangsah sinla, lau zaw in.

KORINTHTE II 1:2

Pathian i Pa uleh, Lalpa Jesu Khrist kawma kipan hehpihna leh hamuanna na kawmvah um hen.

KORINTHTE II 5:6

Hujiahin sapum inn a i um laisiah uh, Lalpa kawma um lou i hi uh chih he in, bangchih laipouhin muangtahin i um uhi.

KORINTHTE II 7:1

Hujiahin unau deihtahte, hi thuchiamte i neih jiahun, Pathian launa a sianthouna subukim in, tahsa leh hagau bolhhohna zousiah apat i kisusiang diing uhi.

KORINTHTE II 7:11

Bang jiahin ahiai i chih leh ngai un, Pathian deihlam banga hi na lungkhamna uh ngei in bangchituha nanguh a pil va ana bawldoh a taimah; ahi, nanguh kisuhsiangnate, ahi, lungthahnate, ahi, launate, ahi, lunggulhnate, ahi, phatuamngaihnate, ahi, phubalahnate! hi silte zousiah ah na siang uh chih na muchiansahta uhi.

GALATIATE 2:6

Hizongleh mi zahum deuh a kisoite lahah chu (bangtobang hita le uh kei diingin a poi sih; Pathian in koimah deihsah tuam a nei sih) mi zahum deuh a kisoite’n bangmah ahung soisah tuan sih uhi.

EPHESITE 1:17

I Lalpa uh Jesu Khrist Pathian, loupina Pa in amah heetna lam thu a pilna leh kilaahna hagau nanguh ahung piah theihna diingin;

EPHESITE 3:14

Hikhu jiahin i Lalpa uh Jesu Khrist Pa ma ah ka khupdin a,

EPHESITE 6:9

Huleh nanguh pute haw, huchimahbangin a kawmvah bawl un, amah uleh nanguh pu chu vaan ah a um chih leh, ama’n mi deihsah tuam a nei sih chih he in, vaubawl sih un.

PHILIPPITE 2:12

Huchihjiahin, ka deihtahte, ka um peet chiang chauh hilou a, tua ka um louh lai a zong, thu na man veu mah bangun, lau leh liing pum in na hutdamna chiat uh tongdoh un.

KOLOSSITE 3:25

Hizongleh sil dihlou bawltu in chu a sil dihlou bawlman a mu kiit diing hi; kideihsahtuamna bangmah a um sih hi.

HEBRAITE 12:28

Huchi'n gam suhliing guallouh i tan jiahun, jahtah leh, Pathian laudan siam kawma pomtaahtaha Pathian nna i toh theihna diingun hehpihna i nei diing uhi;

HEBRAITE 4:1

Hujiahin i lau diing uh, huchilou inchu a khawldamna a luutna diing thuchiam um zing napi in, na lahva mi khattou chinglou bangin na umkha diing uhi.

PETER I 2:11

Deih mahmahte, mikhual leh khualzin bang na hih jiahun hagau doudaal zing tahsa utnate tawpsan diingin ka hung ngen hi;

PETER I 3:15

Hizongleh na lungtang vah Lalpa Pathian chu hihsiangthou unla; huleh nanguha um kinepna jiah hung dong photmahte thunuaigolh tah leh laudansiam a dawng diingin bangchih laipouhin kipeih zing un.