PETER I 1:13 - Thuhun Thah (BSI)

¹³ Huchihjiahin na lungsim kawng uh gaah unla, pilvaang un; huleh Jesu Khrist hung kilaah chianga nanguh hung kipuaahsah diing hehpihna chu a tawpdongin lamen un;

PETER I 1:13 Iomraidhean Croise

MATTHAI 20:4

Huleh a kawmvah, Nanguh zong grep huan ah va kuan un, a kilawmhun ka hung pe ding, a chi a. Huin amahuh chu a chiahta va.

LUKE 12:35

Na kawng uh gaah unla, na thaumei u’zong kuang sah zing un.

LUKE 17:30

Huchimah bangin mihing Tapa hung kilaah ni chiangin ahi diing hi.

LUKE 17:8

Ka neeh diing hung bawlsah inla, na tai gaah inla, ka neeh a ka dawn zoh masiah hung jenin; huzohchiang in nang nein na dawn diing, chizaw lou diing ahiai mah?

ROMETE 13:13

Suuna um bangin dihtahin i um diingun; huhel leh zukham buai a um louin, huuh leh kingaihhaat a um louin, huleh kihau leh kithangsiat a um louin.

ROMETE 8:19

Ajiahchu silsiam zousiah in kinem mahmahin Pathian tate kilatna diing a ngaahlah mahmah uhi.

KORINTHTE I 1:7

Huchi'n silpiah mawngmawng ah na lohsapna uh um lou in; i Lalpa uh Jesu Khrist hung kiitna diing ngaah a um zing na hi uhi.

KORINTHTE I 13:13

Huleh tuin ginna toh, kinepna toh, lungsiatna hiteng thum a um zing hi; hizongleh hiteng laha lianpen chu lungsiatna ahi.

EPHESITE 6:14

Hujiahin, na kawnguh thutah a gaah in, dihtatna awmphaw but in,

KOLOSSITE 3:4

Khrist, i hinna uh ahung kilat chiangin nanguh zong amah toh loupiin na kilang diing uhi.

THESSALONIKATE II 1:7

Huleh nanguh suhgim a umte chu, Lalpa Jesu vaan a kipan a, a vaansawlleh haatte toh ahung kilaah chiangin, kei u’toh khawlna a thuhkiit in,

TIMOTHI II 4:5

Hizongleh nang chu sil zousiah ah pilvaang inla, gimthuaah inla, tanchinpha soitu nna tong in, na natohna chu sutaangtung in.

TIMOTHI II 4:8

Tuin chu dihtatna lallukhuh kei diingin koih in a umta, huchu Lalpa vaihawmtu dihtahin hu ni chiangin ahung pe diing hi; huleh kei kawmah chauh hilouin, amah kilaahna ngaina photmahte kawma zong a pe diing hi.

HEBRAITE 10:35

Hujiahin kipaahman loupitah mai mu diing a na muanna u’chu paaikhe hial sih un.

HEBRAITE 3:6

Hizongleh Khrist chu Tapa bangin amah innsung ngei ah a ginum ahi; a tawp dong a i hahkatna uleh i kinepna kipaahna uh i tuuhdet phot uleh, a innsung mite i hi uhi.

HEBRAITE 6:19

Hu kinepna chu hinna siihka kipin i nei a, chiantah leh kiptah, huleh puanjah sunga luut chu ahi.

HEBRAITE 9:28

Huchimahbangin Khrist zong mi tampite sualna pomang diing a khatvei lat in a um a; huleh amah na ngaahtute kawmah sualna tellouin hutdamna mu diingin a nihveina ahung kilang kiit diing hi.

PETER I 1:10

Hu hutdamna thu chu, na kawmva hehpihna hung tung diing thu na soilawh zawlneite’n a kan va, phatuamngaitahin a hawldoh uh;

PETER I 3:15

Hizongleh na lungtang vah Lalpa Pathian chu hihsiangthou unla; huleh nanguha um kinepna jiah hung dong photmahte thunuaigolh tah leh laudansiam a dawng diingin bangchih laipouhin kipeih zing un.

PETER I 4:7

Hizongleh sil zousiah tawpna diing chu a naita hi; hujiahin lungsim dihtah pua unla, haamtei kawmin pilvaang un.

PETER I 5:12

Unaupa ginumtah a ka heet Silvana khut in nanguh hasotna leh, hichu Pathian hehpihna i dinna uh ahi chih hesah kawmin na kawmvah tomtakhat in ka hung gial ahi.

PETER I 5:8

Pilvaang unla, kiveeng zingin um un; ajiahchu na khingpa uh diabol chu huumpibahnei hawh bangin a neeh theih diing hawl in a vaah lehleh hi;

JOHN I 3:3

Huleh michin amah a hi kinepna nei photmah chu amah a sianthou bangin a kisusiangthou veu hi.